مهدي كان باقي مع غسان ديريكت شدو طريق عندهم ولكن عيطو لبدر هو لي كان قريب ومشا عندهم لول صفاء غير شافتو وهي تنهار بلبكا هزهم دغيا لسبيطار بلاما يدويو وضيعو لوقت... دازو سعات وعاد خرج طبيب.
بدر واقف على جمر مخلوع على اسماء: امدرا ادكتور؟؟
طبيب: حمد لله لولد فاق ولباس عليه ولكن لبنت حيت حلات بزاف من سم فحالة حرجة، غسلنا ليها لمعدة ومع لوقت ان شاء الله يكون خير .
صفاء طاحت لرض على ركابيها كتبكي جا عندها غسان عنقها: صفصف حبيبة شوفي دروري تقولي لينا أش وقع باش نعرفو كيفاش تسممو أشنو كلتو؟؟
صفاء تفكرات أمير قبل مايطيح : اه واحد لبنت جابت لينا ريدبول ولكن حلاتها قدامنا وحطاتها ليا ولكن انا مكنشربش ريدبول خداتها أسماء
بدر تعصب: هادو كانو قاصدينك نتي ولكن جات فأسماء والله نعرف شكون تانقتلهم بيدي
غسان ناض وقف وشاف فبدر ومهدي: انا غانرجع لمول وندي معايا البوليس عالله يكونو كاميرات تما
باس صفاء فحنكها وعنقها وقاليها (كلشي غايكون بيخير متخافيش)من بعد ساعات غسان كيشوف فلكاميرات غير بانت لبنت وهو يعرفها من لاطاي ديالها *جاهايرا* دغيا عطا معلوماتها للبوليس...
بدر دخل عند أسماء قبل مايوصلو واليديها لقاها ناعسة ولونها شاحب حجبانها مقرونين بحال مغوبشة قرب ليها حط صبعو على حجبانها وسرح ليها تغوبيشة: مكتجيش معاك لكعية خليك ديما ضاحكة كتعجبني ابتسامتك
أسماء حلات عينيها: أشنو أخر كيعجبك
بدر نقز عليها عنقها: حمد لله على سلامتك
اسماء: اش وقع؟؟
بدر: غير تسمم ماوقع والو ملي راك بيخير
أسماء: صفاء وامير؟؟
بدر: لباس عليهم انا نخرج باش باش يدخلو واليديك
اسماء: احم على نهار كيكة ممم...
بدر زرب عليها باسها وغمزها: نساي ونبداو من جديد....
اسماء تزنكات بغات تبدل موضوع: أجي واش تسممنا بديك ريدبول؟؟
بدر: اه هاديك جاهايرا بغات تنتاقم من صفاء ساعة جيتو نتوما فطريق
اسماء: بنت لحرام كانت غاتقتلنا، وشدوها؟؟
بدر: لا هربات برا لبلاد قبل مايلقاو اترها، معندنا منديرو إلا حاولات شي نهار دخل غايشدوها
اسماء: بنت لكلب....
من بعد شهر دراري وبنات مجموعين فجردة كيلعبو كارطة ولكن من نوع آخر لي كيخسر كيحايد شي حاجة لابسها ومع دراري طاحو مع غشاشات أمير وغسان وبدر بقاو غير بلبوكسر ولبنات ماخسروش من لي بداو وباركين كيضحكو عليهم...
غسان: بلاتي بلاتي نتي ياك كانو عندك نتي تلاتة لوراق كيفاش ولاو خمسة
صفاء: احم أجي امتى غاتزوجو؟؟
غسان شاف فيها وصغر عينيه: حنا مزوجين ولا بس راه من هنا لربع شهور ونزيدك أسماء راه هربات إلا عندك شي رجلين بينيهم الغشاشة
صفاء ناضت تجري: أسماء الخائنة الله ينعل ديمك واااااع
ناضو دراري تبعت لبنات وبقا أمير مكسل: إوى كل يجري مورة رزقو وانا إيدي هي حبيبتي (قلال لي غايفهموني)
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
