إبن عمي السافل

💥إبن عمي السافل💥 بقلمي: أريا ستارك جزء: 22

صفاء: زعطة؟؟ديالمن؟
غسان: زعطة ديالك فيا
صفاء: ههه كتحلم ازين واقلة
غسان بنص عين شاف فجاهايرا: صوري نتي حالة فمك
جاهايرا كتهضر تحت من نيفها: عايش ليا رومنسية وانا يتنفخ عليا
صفاء كتشوف فجاهايرا: مكنحملش هاد خايتي
غسان: علاش؟؟ كتغيري؟؟
صفاء نسات راسها: كتبقا تحكك علك وعاد غسان كان خطيبي غسان كان كان فرعات ليا مخي
غسان مبتاسم: كتغيري عليا؟؟
صفاء: غير كيبان لك
غسان خشا راسو فعنقها وكيستنشق ريحتها:انا مدمن على هاد الريحة ديالك
صفاء كدفعو: بعد شوية راه بنادم كيشوف
غسان: ولكن ريحتك ممممم
صفاء: سميتها دايزي ديال مارك جيكوب سير شريها
غسان: تو تو ريحة ديال لحمك ريحتك نتي بحال فانيلا
صفاء كدفع فصدرو: غسان ويلي عيقتي
غسان: صفاء ترخاي راه تصوير هادا دايز وكل لقطة محسوبة
صفاء سرطات ريق بزز كتحس بتبوريشة من أنفاسو لحارة لي كضرب فعنقها خبات راسها فعنقو من لحشمة، غسان حس بيها وعاجبو لحال وهو يطبع قبلو على عنقها..
صفاء قفزات: اي اي كرشي لالا بعد نتا
جاهاريا: غسان راه تصاور جاو مزيانين منحتاجوش للبوسة ماشي بضرورة
غسان عينيه على صفاء وكيفاش مقادراش تشوف فيه وكتحاول تبعد ساعة كارز عليها مامخليهاش تحرك، قبل ما تكمل جهايرا هضرتها غسان قرب لصفاء بشوية حتى أنفاسهم تخالطو هي كاشوف ليه فشفايفو وهو كيشوف فعينيها، حط يدو على دقنها وهز ليها راسها شافت فيه عينيهم جات فعينين بعضياتهم.
غسان: صفصف هاد أعوام كلها وانا باغي غير إمتى نرجع ليك ونحققو حلمنا بزوج باقة عاقلة؟؟
صفاء حركات راسها: لا معقلتش!! ملي مشيتي كنت صغيرة بزاف مابقيت عقلت على والو من غير سان باش كنت كنعيط علك
غسان: كنتي ديما كتقولي حلمك تزوجي بيا، وانا رجعت نحققو
صفاء: لالا بدلتو
غسان بعدم فهم: أشنو لي بدلتي؟؟
صفاء: حلمي بدلتو دابة كنتمنى غير ننجح بمعدل فلجيهاوي
غسان: هههههه واش باغة ديري؟؟
هاد الكلام كلو وهوما فنفس الوضعية متحركوش وكل مرة صفاء كاجيها واحد رغبة تحط شفايفها على شفايفو.
صفاء: فحقيقة مكنحملش لقراية باغة نتزوج ونكون ربة بيت
غسان: وعروض الأزياء؟؟
صفاء: راك عارف رجال مغاربة معندهمش مع هاد تخربيق غانضطر نعتازل