جا نهار لعرس كلشي فرحان إلا أسماء لي دوزات هاد لأيام وهي كتحاول تهضر مع بدر لي ولا بارد من جيهتها وغير كيتفاداها...
صفاء: الزمرة بركي لرض خلي لبنت تصايب لك
اسماء: واش انا لعروسة لاش غاتصيب ليا
أمير جرها بركها: شوفي نتي هادا نهار صحبتك حيدي ديك تغوبيشة ومتعصبيناش بركي لرض تصايبي.
اسماء فرحات: أجي ياكما غاتصيبو ليا بحال لعروس وملي نخرج غانبقا راسي غانتزوج بدر بحال دكشي ديال قصص
أمير نتفها من شعرها: فاش كنت كتقول لمك غاتندمي على قصوحية الراس إوى تبتي لرض ماكين لازواج لاز***
صفاء جات عندها وشدات فيدها: صاحبتي نتي لي ضيعتيه وخويتيه لبلاد كاع كون مكنتيش صحبتي كون حقدت علك
اسماء وجهها صفار: كيفاش هوا لبلاد؟؟ واش مشا؟؟
صفاء بتاسمات ليها بحزن: غايمشي غدا ان شاء الله
أسماء سرطات ريقها بزز: علاش دغيا؟؟ وإمتى غايرجع
صفاء: قالك معارفش واش غايرجع ولا لا
أسماء عينيها غرغرو سداتهم وخلات لبنات يصيبو ليها شعرها أمير شاف فصفاء وغمزها تبعو حتى دخلو لبيت اخر..
صفاء: أشنو كاين
امير: كليتي لحلوة يااك؟؟ وجهك منور
صفاء تزنكات: قوم بعد مني
امير: واغير قولي لينا كيجاك دكشي أو واش عندو كب..
صفاء شدات ليه فمو: بربي وماتسكت تانرعف مك من حجرك
صفاء: علاش جبتيني لهنا؟؟
امير: اش غانديرو مع أسماء راه كتبغي هاد غير قصوحية الراس وصافي
صفاء جمعات ضحكة: شوف انا كنت مسانداها فكلشي ولكن باش تلعب بمشاعر خويا لا، هي براسها معارفاش اش باغة
امير: خاصها ي كوية ديال ليهود
صفاء: على مال ليهود كيكويو
امير: عفريتة كليتي حلوة غير بارح جاية باغة تعلمي لجديد ههه
صفاء دفعات لباب وخرجت كتنكر: قود بعد مني
شدها شي حد من خصرها وردها بجهد جيهت صدرو تخلعت غير هزات راسها لقاتو ياسين وهي دور تعنقو ومبتاسمة، اما أسماء غير كتشوف وكتحس بندامة، دوزو ابطالنا عرس غزال واقفين دابة كسلمو عليهم باش يمشيو لشهر لعسل ديالهم أسماء شافت بدر سلم عليهم وغايمشي لطوموبيلتو وهي تبعو..
اسماء: بدر بدر تسنى
وقف بدر تنهد وعاد دار شاف فيها: وي أسماء صافا؟!
اسماء: صافا حمد لله مالك زربان؟
بدر تنهد: تابعاني طيارة ياله نمشي ندوش ونقاد أموري
اسماء دغيا تعصبت ولكن كتبين ليه كالم: كنتي غادي بلاما تقول بسلامة
بدر: عادي كاع لي كنعرف كنت غانسيفط ليهم مسج
أسماء فهمت معنى كلامو بلا بحالها بحال اي واحد أو وحدة خرا: ممم طريق سلامة وخليك على تيصال بينا
بدر شاف فيها فعينيها حتى توترات شوفاتو حزينة بحال كتحسر عليها: مكاين لاش فحقيقة من أحسن نقطعو لهضرة بيناتنا
اسماء بقا فيها لحال ولكن كتسطنع لقوة: علاش كدير هاكة تال هاد درجة مباغيش تاتهضر معايا؟!
بدر تعصب: لا مباغيش نهضر معاك باغي تخرجك من حياتي من قلبي ومن عقلي فهمتيني؟؟ودابة الله يخليك متعصبيش الأمور علينا بزوج
أسماء عينيها مغرغرين حابسة لبكية: واخة على خاطرك وسمح ليا عمرني كنت باغة نجرحك كنت كنسحاب غاتفهمني وتسناني ساعة.....
مسحات دموع لي نزلو وزربات على بدر لي بقا غير كيشوف ملي عنقاتو وهربات عند باها لي واقف كيتسناها، حدر راسو ياله غايتحرك وقفو صوت مهدي باباه.
مهدي: متأكد مبقيتيش باغيها؟؟ وغاتنساها؟؟
بدر شاف قباباه وتنهد: انا باغيها ومباغيش نساها ولكن هي راسها قاصح
مهدي: لكان راسها قاصح نقولبوها
بدر: مبغيتش نبزز عليها
مهدي: واش عندك شك مكتبغيكش؟؟
بدر شاف فيها فطوموبيل كيمعنقاها ماماها وهي كتبكي واخة كتحاول تخبا عليه: ولكن مباغاش تزوج وانا عييت من لعب دراري ومغانغيرش رايي غانسافر ليوم ونحاول نساها
مهدي بتاسم : اوكي يكون خير
أنت تقرأ
إبن عمي السافل
Romanceقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
