صفاء: أندوق
أسماء: شدي عندك يديك واش عارفة أشنو لكيف؟؟
صفاء كتماطة للمقلة: لا ولكن بغيت ندوقو
اسماء: خيب علك غايدير لك تجاعيد، وباقي ما وجد غانديرو في كيكة
صفاء: واش بصح نيت لي صيبتي مسمن وبغرير؟؟
اسماء: له ضهري تقسم
صفاء: كنتي تقوليها ليا ونقولها الخدامة
اسماء: ههه تصحبي خوك ساهل شتي داك عساس لي تم حدا شرجم كحنزز؟؟ بدر لي مسيفطو يحديني باش نطيب
صفاء: كي جربك واش حادكة ناوي لمعقول
اسماء: شوفي سيري قابلي شي حاجة خليني نسربي هاد كيكة
خرجات صفاء عادية وكتنكر*انا بغيت غير ندوق* دايزة من قدام واحد لباب مسدود حلاتو وهي تلقا جاهايرا وغسان هو بارك مقابل بيسي وهي واقفة ولكن متكية عليه وصدرها حدا وجهو
صفاء دخلات وردخات لباب من وراها غسان بتاسم ليها وجاهايرا تكات كتر شوية تخشيهم ليه فوجهو، وقفات قدامهم صفاء كتشوف فيها: ديك لفارة عندك بلوتوت
جاهايرا جمعات لوقفة: اش هاد لهضرة حتارمي راسك مامربياش
صفاء ضحكات: هههه عقلك خاسر انا دويت على لاسوغي ديال بيسي رآها بلوتوت يعني بلاما تبقاي واقفة محنة بردي ترتاحي....ساعة واقلة منين جاية ماكيناش لوعلمة
غسان غير كتفرج وعاجبو لحال حيت ولات هي لي مقابلاه: صفاء جابك الله أجي نسنيو دوك لوراق، جاهايرا يمكن لك تمشي تالمن بعد ونهضرو
صفاء: باي باي جامايكا
غسان كضحك: علاش كتقولي ليها جامايكا
صفاء: خنزرات فيه ونتا مالك بقات فيك؟؟
غسان دار ليها إشارة تجي عندو وقفات قدام بيرو وهو يدير ليها إشارة دور تجي عندو: أجي راه مكنعضش إلا لبغيتيني نعض(غمزها حتى حسات بكرشها ضراتها) أجي باش تشوفي تصاور
صفاء دارت وقفات حداه وهو يجرها بركها فحجرو كل مرة تنوض ورجعها تبرك: صفاء راه غير كتجعريني كتر بهادشي لي كديري ريحي ومتبقايش تحركي ولا غان***
صفاء بقات مخرجة عينيها ضرباتها صاقلة، غسان شاف فيها مخرجة عينيها وغايموت بضحك جبد شي وراق من لمجر وفينما كتحرك صفاء كيتنهد...
غسان هز ستيلو: مضي هنا وهنا(سينات صفاء بطبيعة لحال بلاما تقرا طل على لوراق بتاسم ودور صفحات هاد لكوبي ديالهم) هادي هادو نسخ ديالك هادي كونطرا دلخدمة ديال عام وهادي كونطرا مدى لحياة
صفاء: اويلي على مدى لحياة بعقلك لا؟؟
غسان: غاترجعو للدار وغايهضر معاك عمي وشرح لك
تحل لباب ودخلات أسماء بعجاجتها: هادوك لمدودين راني صيبت لكوتي نوضو خلاص، تي أش مبركك على حجرو هاديك لماسخة؟؟
صفاء ناضت بزربة ومشات تال حداها وقالت هاد كلمات وهربت: كنزور لمقام هههه
أنت تقرأ
إبن عمي السافل
Roman d'amourقصة كاملة كتجنع فتاة متمردة تلتقي إبن عمها في ضروف كوميديية... قصة بالدارجة المغربية ابن عم موعود بزواج بنت عمو لي مفراسها والو وعاد غاتلاقى بيه فضروف كلها ضحك وسفالة لا أنصح لجمهور الناشئ... رقم #١ في قصص المغربية بتاريخ 06/08/2019 رقم #١ في قصص رو...
