إبن عمي السافل

💥إبن عمي السافل💥 بقلمي: أريا ستارك جزء: 29

صفاء دفعات لغطا وقفات: كيفاش تزوج بيا؟؟
غسان طلعها وهبطها وعض على شفايفو: أجي نكملو لي بدينا بارح
مشاف والو حتى حس بكروشي غكرشو تفرقع بضحك ولكن جمع لوقفة تقابل مع وجه بدر: بدر بربي تزيد شي دقة غادي نعاودها معاك وراك عارف شكون غايتخلا ضاربوه
صفاء: شي حد يشرح ليا كيفاش تزوجنا؟؟
امير جرها : أجي ياله دوشي وتستري هاد طرماحة وديك ساعة يفهموك
صفاء دورات راسها كتشوف فغسان لي غمزها وسيفط ليها قبلة فريح خنزرات فيه وزادت معصبة كيفاش هاد بلان الزواج
صفاء تفكرات بارح: ناري فين جامايكا؟؟
أمير: باقة فلحمام كتبكي هههههه انا عارفك نتي مولاتها
صفاء: دكشي لي دارت أسماء فكيكة بنت لحرام خرج علينا
بدر من موراهم كان كيتسنط: اش دارت ديك لحماية فكيكة
صفاء دعقات معرفت ماتقول: 4 بيضات 4 خمارات وفاني ودانون وحكات ليمونة
امير: سيداتي سادتي جمعو لخليط مزيان ودخلوه فران وبصحة وراحة.
بدر فلخف شنق على امير: متعصبش ديمي نوريك وجه لاخر أشنو دارت فكيكة؟؟
امير كيترعد: لكيف لكيف والله انا لي عطينا ليها انا هئ هئ ماغنتزوجش ماعنتزوجش غير قتلوني ورتاحو...
بدر دفعو طاح فالأرض: حيد من قدامي بربي تانلقاها ونتفاهمو
مشا بدر وهي تبان صفاء لي كانت مخبية مورة واحد واحد لباب: أجي فين اسماء؟؟
امير: هههه هربات سيفطت ليا مسج جا باها داها قالت ليه مريضة
صفاء: ههههه بنت لحرام أجي وجامايكا اش قالت
أمير: قنعناها بلا دارتها لراسها سيرتو قالت لك ملي فاقت لقات راسها شادة ادوات الجريمة هههه
صفاء: واااااع هههه مسكينة

رجعو ابطالنا فحالاتهم وصفاء مدواتش مع غسان هاد تلت يام من نهار لي شرح ليها بلي سنات على عقد زواج وهي كاعية حسات بشمتة، حيدات لخاتم ودارتو فسنسلة فعنقها وفكرات واش تنزل تشوف باباها ولاتبقا دايرة فيها كاعية، اما واحد اسماء لاعبة كاش كاش مع بدر باقي متلاقاش بيها ومشا ليها تال دارهم ولكن مساعفوش لحد يتلاقاها بوحدها، صفاء لقات بابا كيتسناها مقرر أنه يدوي معاها
مهدي: صباح خير صفاء
مجاوباتوش حيت كاعية منو كان عارف بخطة غسان ومشارك معاه فيها تنهد الأب: بردي خانهضرو...
بركات صفاء وهي مغوبشة: دغيا باغي نمشي لمول غانتلاقا مع أسماء
مهدي: مغنطولش علك، موت ماماك علمني انا دنيا تانية وانا باغي نتهنا من جيهتك على حياتك انا عارف بدر غايحميك ولكن بمجرد يتلاقا مع مشكيل كهرب وخفتك تبقاي بوحدك، ملي جا تاصل بيا غسان عام هادا وطلبي مني رفضت ولكن مستسلمش وكان كهددني هههههه غاتكوني ليه يالتاحد وانا غير مسايرو بغيت نعرف واش بصح ولا طمع، وملي عرفتو قريب من بدر ولاو صحاب تأكدت كتر... قبل متكعاي سكريني هاد لاكط راه غير ضمان لمستقبلك أما راكم مغتزوجو تانكمل قرايتك ماشي غير لباك تا من موراه غاتكوني مستعدة..
صفاء: غير سمعات لقراية وهي تصفار: احم ضروري من لقراية؟؟
مهدي: هههههههههه لي بغيتي ديريه ديريه ملي توصلي ل18 عام تافقنا؟؟
صفاء مشات عنقات باباها وباستو على راسو وايديه: طنحبك أنايا