إبن عمي السافل

💥إبن عمي السافل💥 بقلمي: أريا ستارك جزء: 19

بدر جاي حدا فين كتصور اسماء بدوبياس كتغسل لواحد لعودان وكتبوزا لتصاور، وبدر واقف وكارز على إيدو..
غسان جا عندو وحط إيدو على كتفو: مال لعشير كاعي على لوضعية؟؟
بدر خنزر فيه: اش هاد لعرا أصحبي؟؟
غسان: ههههه مالك غرتي؟؟
بدر: ماتيقش راسك داك نهار بستها حيت تخاطرتي معايا وستفزيتيني
غسان: علاش حيت متجاوباتش معاك وربحت رهان؟؟
بدر: غير حيت صدمتها وأصلا هنا بيعتيني لعجل حيت كنتي عارف هي مكتحملش لي قيسها وهي باقة مكتعرفنيش
غسان باغي يعصبو: سمعت تصاحبات وشفت شي تصاور ديال ساط ديالها حاضر
بدر شاف فيه: كيفاش حاضر؟؟ أشنو سميتو فاش خدام؟؟
غسان: إلا عاجباك علاش متجيهاش فاص؟؟
بدر: انا غير باغي نحميها راه بحال ختي
غسان: على لخوت كيتباوسو فلفم؟؟ اودي انا لي باغي ختك فلحلال وباقي مبستش
بدر: تقيسها قبل زواج نقبر ديمك
غسان: لا متخممش واللهما نخلي شي بلاصة منقيسهاش
بدر حرك راسو بآه غير سرات معاه لهضرة دار غايحيح لقا غير الريح، رجع كيشوف فأسماء وكل مرة كتبدل كتلبس غير لعرا ملي سيفطوها تبدل دخل من موراها.
بدر: واش نتي زعمة مكتحشميش؟؟
اسماء شافت فيه بلامبلاة: علاش غانحشم؟؟
بدر: على هاد زوج شراوط لي لابسة
أسماء خنزرات فيه: ياك ختك كانت هي لي غاتكون لابساهم، كون ماشي غسان لي منع عليها لعرا....إدن ختك هانية وانا لا علاش زعمة؟
بدر: صفاء من صغرها وهي كتعرا ولفناها مع لبسها لماسخ، ولكن نتي ديما كنتي كتستري حتى كتجي عند صفاء وتخرج علك
أسماء قربات ليه ووقفات قدامو بدوبياس طلعها وهبطها وعض على شفايفو بلامايحس: دابة نتا اش حرق شطاطتك؟؟
بدر: مفهمتش ولكن باينة قمع
اسماء عطاتو بضهر ووقفات كتعوج: شوف انا حرة نلبس لي بغيت وندير لي بغيت، ندير عرض ازياء تاعريانة أشنو ضرك؟؟
مع دارت تشوف فيه لقاتو كيفيلمي فيها فتيليفون وكيبتاسم بشر: نشوفو إلى سيفطت هاد لفيديو لباحماد ا ش غايكون ردو واش غاتموتي رميا بلحجارة ولا نحرا
أسماء تبعاتو تجري: بدر لا عفاك هالعار انا مزاوكة لبزيزيلة
بدر كضحك وكيجري: مال لبزيزيلة؟؟
أسماء كتجري وشادة صدرها لي كتزعزع وبدر كيجري وداير عندها حتى دخل فواحد لعبة طويلة كيشربو منها لبهايم والأحصنة لما تقلب جا راسو مخشي فيها وإيديه تال نص فصدرو، أسماء وقفات تصدمت شوية وهي تبدا ضحك ضحك حتى فشلات طاحت على ركابيها، بدر كاعي كخنزر فيها وكيسوس راسو..
اسماء: هههههه وليتي داير بحال دومة سيدلمير لي تحكو عليها لحمير
بدر معصب : ااااااه لي دار راسو براهش
اسماء خنزرات: شكون لمبرهش فينا لي صورني وهرب كيجري ولا لي تابعاه؟
امير جاي راكب فوق عود: بزوجكم براهش
اسماء: دخل سوق مخك نتا، راه فيلماني وكان كهددني يسيفطو لبابا ساعة هاما دنوبي تيليفون طاح فلما
بدر بتاسم: هههه تيليفون عندي ديال ما ههه
وراه ليها شاعل وهي تخرج عينيها وجات عندو كتجري وصلات حدا وهي توقف كيبان ليها كلو سارد هو حل ايديها وكيقوليها: أجي عند عمو عنقيه
امير: بربي هاد سيد كان بعقلو برهشتيه معاك
بدر علي على راسو ويلي وجهو غادي جيهت دار: انا غانمشي ندوش ملي نسالي بغيتك تكوني وجدتي ليا كسكروط بغيت لمسمن وكيكة وحتى بغرير ولا فيديو تلقاية عند باحماد تشااااو
أسماء خبطات رجليها مع لرض ودارت عند أمير: اش ندير؟؟
امير: خليه تايسها وشفري تيلي
أسماء: هئ هئ كيدير ليه؟
امير: عندي خطة شيري لبسي حوايجك ودوزي تعجني مسمن وبغرير ههههه
اسماء: كتشفى سير انا بغيتك تفيق تلقا راسك كتبغي لبنات وغاتزوج بنت
أمير: تف تف تف الله ينجيني ماحنا بفالك