عاهدتني

#عاهدتني
للكاتبة ام مصطفى
فاتن ليش واگفة بالباب  كم مره اگلج صرتي جبيره لا توكفين بالباب عيب.
هااا باقر
باقر.: شلونج فاتن 
فاتن..  الحمد لله
باقر... كم مره كايلج لا توگفين بالباب 
فاتن...  مو دزيت  علاوي يجيبلي موطة
بس اتاخر وطلعت اشوفه
باقر...  باوعت بوجها استغر الله  ياربي
شلون شغله هاي 
دنكت وضليت احجي وياها
دفوتي جوه فوتي هسه اشوفه الج وين
لا تضلين واگفة بالباب
بهاي ملابسج الضيگة
حرام يمعوده ..  ضليت اتلفت خوما احد بالدربونة
وشافها   جانت الدنيا حاره ودنيا الضهر
ماكو احد بس اني هسه راجع من الجامع 
كتلها فوتي يله هسه يجي
باوعت شفت علاوي يمشي
صحت علي اركض ولك
اجه بسرعة
كال هااا
كتله اختك واگفة جانت منتظرتك وين جنت
بالركن سولفت وي اصدقائي
وكت سوالف لك غبي
مو اختك دازتك ع موطة مو حتى الموطة ماعت
يله فووت
فات طبكت الباب ورحت لبيتنا
طبيت اتأفئف
اوووف  شلون بفاتن تصرف كأنو طفله
واني گلبي تعلق بيها
معقولة عفت البنات كلها
وتعلقت بهاي
اخخخ هسه شلون تفتهمني
يعني شلون راح اگدر اكللها احبج اني واريد ازوجج

ومنو يكول اهلها ينطوها وهي بهيج عمر
فزيت ع صوت امي
بااقر يمةة وين صافن
ها ااا يمةة  ماصافن
ام باقر...  يا شلون مصافن واني احجي وياك متحاجيني
باقر..  ها يمه شكلتي
ام باقر..  اكلك تقبل الله 
باقر..  منا ومنج يوم
بس جوعان شنو غداج
ام باقر..  مسوية سمج يمة مسگوف ع التنور
ومنتضرتك تجي
باقر.. عاشت ايدج يوم صبيلي لعد
اي ان شاءالله ...

......... فاتن.........
اني فاتن مواليد ٨٧
عمري ١٥ سنة صف ثالث متوسط
راسبة سنه
عايشة بأحد احياء بغداد مع والدي والدتي
عندي اخوي مزوج وكاعد ويانه
واختي هم مزوجة
واخواني اثنين اصغر مني
يعني احنه خمسة اثنين بنات
و٣ولد
باقر جيرانه حايط ع حايط   من زمان احنه وياهم جوره
وعشرة عمر 
باقر ولد متدين كولش وكل الناس تحترمة وتقدره
اخلاقة عاليه كولش
يجبر اكبر واحد انو يحترمه ويسمع كلامه
 
من گلي باقر فوتي عفته وفتت
مااعرف ليش احترمة واخاف منه
هو كلما يشوفني بالباب يگلي فوتي لا توگفين
كلما يشوفني رايحه للمدرسة يكلي هذن ملابس ضيكات
لو يگلي شعرج طالع من كدام
عدلي حجابج
مرات احسه يراقبني  واضوج منه اتقيد
بس انجبر اسوي الي يريده
لان جيرانة
واحترمة كولش واخاف منه
جانوا اخواته ضمياء ولمياء
يخافن منه كولش
ودوم يحجن بي
مسويلهن رعب
باقر وباقر
ويمكن اني  خفت ع اخافةع خوفهم منه
واحترمة
ويجوز لان كل الدربونة تحبه وتحترمة
ولان جانت الوقارة واضحة ع ملامحة
جان وقور ووجهة نوراني
حتى اكثر الجوارين يكولوله شيخ باقر
بس هو ميقبل يكلهم اني مو شيخ....

تغريد....  ولج فاتن  شكو
(تغريد مرت اخوي حسين )
فاتن...  ماكو شي
لعد ليش صافنه ومخطوف لونج
مو طلعت اشوف علاوي دزيتة ع موطة
تغريد.. اييي وشنو
فاتن...  وصار باقر بوجهي
گال مو كايلج لا توگفين بالباب 
واستحيت منه گمت امتمت
تغريد هههههههه حيل بيج شعدج ماده راسج
مو تعرفين باقر مانعج
فاتن..  اوو والله خنكني
ابوي امي هو شعليه
تره مابيها داعي
تغريد..  لعد ليش مدگليله هيج
فاتن...  ياريت اگدر  ماگدر استحي منه
تغريد...  خلص لعد اسكتي
تره مبين سالفته مو خاليه
وغمزت الي بعينها
كتلها تعاي ولج شتقصدين
تغريد...  اي سوي روحج فقيره متعرفين
وج شنو اعرف فهميني
حبيبتي هذا معجب بيج اكيد
واله ليش انت بالذات مهتم بيج
ومراقبج بالصغيرة والجبيرة
فاتن... لا مااتوقع باقر مو مال هاي السوالف كلنا نعرف باقر شنو  والناس كلها تعرف اخلاقة
تغريد..  ولج قابل هو مسوي شي غلط
ترة من حقة يحب ويزوج
بالعكس هذا شي زين مو موزين
بس الباقي عليج
يحضي ترة باقر الف وحدة تتمنى حلو ومثقف ودارس ومتدين
وعندة شغل
يبخت الي يزوجها
فاتن..  اكلج تغريد اشو سويتيها حب وزواج
مااعتقد باقر ينظرلي
من هاي الناحية
هو بس معتبرني مثل اخواتة
ويحب يعلمني الصح والغلط
تغريد...  والله اني كلت الي عندي وانت بكيفج عاد..
اروح احضر غدة حسين لان ع جية هو