عاهدتني

٢٨

#عاهدتني
للكاتبه ام مصطفى
البارت الثامن ولعشرون

باقر والله والله مو هيج قصدي  اگطع صلة الرحم
بس خايفة وگلبي
يلعب مااعرف ليش فدوه باقر ابوس ايدك
لا تروح بعد  دز احد يدزلهم مصرف مسواك
بس مو كل يوم رايح راجع
باقر.. لج بابا عمي تمرض وعماد وحيده
واني لازم اوكف وياهم 
لان عمي مريض،
جاي اروح الهم
ناس تجي لبيت عمي ومحد الهم
يعني اطب النسوان تكعد
اني ومحمد نروح ونرجع عليهم
هذا كل مافي الامر
شيلي الافكار الموزينه من بالج 

كمت ابجي  عفيه باقر اني هم مريضه وحامل ومحتاجتك
ميصير تاركني وكاعد هناك
بابا شبيج بس هاي الفتره بيت عمي بشده واگعين شلون اعوفهم
كتله ومرت عماد
شكو تروح الها
شبيج انتي تشكين بيه شنو
كتله لا بس اخاف عليك
اغار عليك
كال استغفر اللة 
مسح دموعي  كتلج مااريد اشوف دموعج
وحق القران الي ابالج مو ابالي
كل همي اساعدهم
زدت بجي
لا تروح خايفة باقر خايفة
كلبي يلعب
من شنو يمعودة
اكلج ماعندي شي شبيج كبري عقلج تبقين هيج انت
اي لا تروح اليوم
بس هيج اه نزع دشداشته وعلكها
بطلت مااروح
خابر ع محمد
كله اذا تريد روح انت اني مااروح
كال خلي اكابلج واكعد
اي عفيه 
ضحكت
فاتن صدك هملج هالايام بس والله  مو بيدي
غصب علي واني الجبير لازم اوكف وي عمي
كتله اني ماامنعك بس مو يوميه تسهر عدهم
واني هنا مگابله حياطين
كال حقج  والله اني هم التهيت وياهم
وصدك زودتها شويه
يجوز لان احب عماد هواي
وتأثرت هواي بموته....
كام باقر ميروح هواي من شافني هيج حجيت
وصارت مشاكل بينه بسبب هالموضوع
بطل  بس يدز مصرف بيد محمد
بسى مرات يروح
ويكلي يله يروح 
بدت ترجع علاقتنا
بس بعدني خايفة
فديوم العصر رحت لبيت اهل باقر
تلكتني عمتي وضمياء
هله بيج
ضمياء اخذت طفوف
تلعب بيها يحبوها هواي
صادق شافها
اخذها بشارع يم اصدقائه
نزلت مرت محمد بتول
سلمت رافعه خشمها
مااعرف ليش جانت تضوج مني وتغار
رغم اني مو يمها
خالتي ام باقر تسئل بيه
شلون حملج  بنيتي
زينه خاله
اخذتي سونار
اي خاله اخذت بالسابع هسه اني
اي مبين
لا بين ولد
اي صلوات ع محمد اللهم صل على محمد
كيفت عمتي
ضلت تصيح شبيجن سون جاي ماي
مو مرت باقر جايتجن خطار
ضمياء جابت كيك
كالت شوفي كيكتي طيبه  ضوگيها
كتلها عاشت ايدج حبيبتي
كلش طيبه
جابت بتول الجاي
حطته يمي
وكعدت تباوع بحقد
خالتي كالت باقر وين
كتلها خاله بالمعمل  خطيه عنده طلبيه
جاوبت هي من يمها
باقر يم اهلي
لان بيت عماد يم اهلي
وباقر يموت ع جهال عماد
سكتت اني بس شنو فرت فور
كمت
خالتي بسرعه انتبهت
ها وبن خاله صيحي ع صادق خلي يجيب طفوف اريد ارجع للبيت
هم يله اسوي عشه لباقر
جاوبت هي
لا يتعشه هناك لا اتعبين نفسج
عمتي كلتلها انتي شمدريج
اسكتي محد سئلج
زين بتول  اسكتي
وضلت تخزر بيها بعيونها
طلع مصطفى صاح ع صادق
كتله عفيه وصلني لبيتي
كال امشي
طبيت وسديت الباب
خليت بنتي بالكاع وكمت ابجي
ليش يكذب علي
وشنو قصدها بتول شتريد تلمح

واضحه فاتن يردن يزوجن باقر لمرت عماد حتى يتكفلهم هو
بسيطه
لزمت المبايل دكيت
جاوب
صرخت باقر وين انت
كال ها شكو
وين انت جاوب كال يم بيت عمي
كتله نص اذا متجي احرك نفسي هسه
شكو ولج
سديته وقفلته
ربع ساعة
وباقر طب مخطوف لونه ويرجف
فاتن فاتن
شافني باجيه
كتله ليش، تكذب علي انت
موكلت عندي شغل رايح
شوداك لبيت عمك لو رحت تكابل ميعاد
سمعت بيها جايه هناك
كال انت شتحجين
احجي الصدك
كلي شعندك  رايح هناك
عمي تخربط وخابرتني ناديه بنت عمي
ورحت اخذته للمستشفى ورجعته
ومرت عماد هناك جانت مو
اي اكيد غير عمي متخربط
وانت شنو كفيل وكيل بيهم
متخابر محمد مو نسيبهم
لج بابا غير اني عندي سياره واخذته اجيت
انتي شبيج خبلتيني فاتن

جذاب انت جذاب 
فاتن صاح بعلوو صوته
منو جذاب
رفعت عيني عليه كمت اصرخ
وطفوف تصرخ
كام كسر غراض البيت
خبلتيني خبلتيني
شفتيني احبج كمتي تتمادين
اني دكليلي جذاب 
اني فاتن لج امي متكلي هيج انتي
كبرتج اني علي
الصوج بيه اني
كبرتج علي ودللتج
كتله وديني لهلي طلكني
لج شبيج استغفر اللة 
وديني لهلي وديني هسه
ضليت اصرخ
وطفوف تصرخ 
اخذ طفوف يسكتها
ويسكتني وج خبلتي الطفله كافي،
شلون اتبره من اهلي ع مودج
كافي فاتن احلفج بالزهراء كافي
والقران ماعندي شي وياها
ولا خال هيج شغله ابالي،
انتي عندي بالدنيا
لج بابا  اني حفيت يله اخذتج
تردين اخذ مره عليج 
لا والله مااسويها ابد  
وحق القران مااشوف مره غيرج بالدنيا
كتله لعدشنو تقصد بتول من دكول يحب جهال عماد متعلق بيهم
وشنو مابيها شي حجايتها عادي 
اي عادي انت عندك كلشي عادي
لزم ايدي وباسها حبيبتي  والله اني بطبعي
احب اساعد الناس
فكيف بيت عمي شلون واكعين بشده ومااساعدهم
ضل يحلفلي ويتوسل بيه
لحد ماصالحني  

شسوي احبه مو بيده   بسرعه اسامحة

مرت ايام..  باقر
كام يجمع مواد غذائيه وياخذهن ويروح
يوديهن للحشد والجيش
صارت شغلته هاي
ياخذ، مواد ويرجع يلم تبرعات ويودي
ويوميه يكلي
اني مكاني مو هنا لا هناك
بساحات القتال 
بس منتظرج تجيبين 
واطمن عليج واروح
كتله وين عايفني
كال لا  مااكدر الجهاد واجب علينا مثل ما الصلاة والصيام واجبه
الجهاد هم
كتله مااقبل تروح
كال مو بكيفج
بس اتجيبين اروح
عبالي بوكتها بس كلام ويكوله مجنت اعرف يحجي صدك

فديوم نايمين الساعة عشرة بااليل
ودك المبايل
جاوب باقر
اني نايمة بصفه
اسمع صوت مره تحجي
كالها شنو خير
ها هسه هسه جاي
كتله شكو
ومنو هاي
كال مرت عماد بتها حوراء مصخنه
وتخاف تنشمر وخابرت علي
كتله شتريد شنو مستشفى انت لو دكتور
وتخابرك
كال شبيج ماعدج انسانيه انت
خابرتني تريدني اخذها للمستشفى
كومي كومي
لبسي ولبسي، طفوف امشي ويايى
استحي اروح الها نص الليل وحدي
يلبس بدشداشته ويحجي
كتله مااروح وانت متروح
شنو خلفناها ونسيناها
تخابر عمتها حماتها اخوها ابوها
شو متستحي هاي
شكو تخابرك نص الليل
متروح
كال مو بكيفج اروح وترحين وياي
كتله والله مااطلع باب الحوش
كال هيج زين لعد
رايح اني وحدي
كتله اذا تروح ترجع متلكاني
كال شنو تهدديني انتي شنو
اي هددك اذا رحت متلكاني بالبيت
كال رايح واريد اشوف منو تطلع
طلع وسد الباب
واني خابرت حسين كتله اذا متجي تاخذني هسه اجي وحدي
نص ساعة اجه حسين
وللحكايه بقيه ام مصطفى