عاهدتني

الخامس

#عاهدتني
للكاتبة ام مصطفى
البارت الخامس

وره ماراحوا
ضلينا نصرخ.
امي انتهت احسها تاخذ نفسها الاخير
امي حيل تحب ابوي
تزوجوا ع حب  ابوي جان يحب امي هواي ويحترمها
ابوي رجال دارس مثقف  بس شغلة جبره ينتمي للحزب
مااذكر ابوي مأذي احد 
بس جان حقاني ويحب يطبق القانون
ابوي جان نعم الاب النه يحبنة كلنه
ومايفرق بينه
حنين عليه وع اخواني 
كلش صعب علينا الموقف
امي وكعت بالكاع 
انوب كمنا نصرخ عليها زايد
دخلوا الجوارين علينا
طب باقر اول واحد يرگض 
صرخت باقر ابوي اخذوا ابوي
امي  درت وجهي ع امي
امي فدوه الحكلي
كمت مااعرف شحجي وشتصرف
فقدت كلش
اخواني شالوا امي
وباقر ركض وياهم خلوها بالسياره
صح ع علاوي گله ابقى بالبيت لا تطلع
دخلت خالتي ام باقر
التفت عليها
يمةةة لا اطلعين ولا تعوفين البنات وحدهن ابد 
اخذو امي وراحوا
واني ضليت مفرفحة تفرفح
ع ابوي امي
ساعة اصرخ يا بوية
وساعة اكول ولج يمةة
خالتي  ام باقر تسكت بيه
اسكتي خاله كافي مو گطعتي كلبي
خاله اخذو ابوي موتوه كتل
بابا سودة عليه ضربوك كبال عيني
بابا شلون حالك هسه اذوك ضربوك
عدل لو ميت
فقدت كمت املخ بنفسي
شويه دخلو عمامي
طبت ابتهال اختي  تصرخ 
كمت ركضت تلگيتها ولج ابتهال خيه
اخذوا ابوي
ابوي راح من ادينه
جرت حجابها وكامت تملخ بشعرها
بويه يابويه
ولكم شلون عفتوهم ياخذونه
شلون  هيج شلون
ضلت تدك وتلطم
صار بيتنه هوسه لحد ما صار الصبح
كلها التمت عدنا
واحنه ع فد صريخ
الصبح جابوا امي معلكيلها مغذي
بس منتهيه كلش
...... باقر.....
جنت اصلي صلاة الليل
الساعة ثنتين بالليل
واسمع صريخ فاتن
طفرت اركض مرعوب
امي طفرت وابوي خير خير
كتلهم صريخ يم بيت ابو حسبن
فتحت الباب وطلعت
لكيت بابهم مفتوح ع حيله
دخلت ع صوت الصريخ
لكيت ام حسين واكعه
وفاتن ومرت اخوها يصرخن
شافتني فاتن جان دكلي اخذو ابوي اخذوه
عرفت هاي الاحزاب  او بالاحرى العصابات  الي اجتنا من خارج العراق
بعد السقوط
كامت تصفي حساباتها بالعراق
وتقتل شكو واحد منتمي للحزب
وخلطوا كل الناس سوه
الله ماكالها هيج
منو انطاهم الحق  يقتلون الناس بهاي الطريقة
ويدخلون ع البيوت
بس شنكول شنحجي
البلد صار بيد العصابات الي خاتله باسم الدين
وتصدر فتاوي  بكيفها.... 
التفت ع ام حسين اشوفها واكعه
اخذتها ورحت للمستشفى
بس بالي كله يم فاتن شلون كدرت تتحمل الموقف وتشوف ابوها كدامها هيج
الله يساعدها  صعبة كلش واحد يشوف ابوه بهيج موقف الزلم متتحمل شحال
بنيه مثل فاتن حساسه...
وصلنا للمستشفى
نزلنا ام حسين جانت فاقدة كلش
بسرعه خليناها بسدية
وللطواري  
حسين بقى واكف يمها اني رحت صحت الدكتوره
فحصتها
كالت الضغط معلگ عدها
شنو شصاير
كنالها مشكله عدنا بالبيت
بسره ضربتها ابر
وخلت مغذي
كامت تصحى شويه شويه
وكلما تفتح عيونها
تصيح نعيم
نعيم 
عوفوا نعيم اكتلوني ابداله
لا تاخذون ابو بيتي
والله انتيه اخلافة
جانت كلماتها تگطع الگلب
خلتني اكره حتى الدين والتعصب بوكتها
اذا جان دينا هيج فااقره ع الاسلام....

بقينا للصبح يمها لحد ما حسين كال لازم نطلع
مناك الناس بدت تجينا بالبيت
طلعناها ع مسؤليتنا وطلعنا
رجعنا للبيت
اسمع صوت فاتن تبجي بصوت مبحوح
اخخخ شبيدي عليج ياريت اگدر اسوي شي 

......... فاتن.......
رحت يم امي يمة شلون صرتي
جانت بس دموعها تجري ع خدها
ودگول نعيم نعيم
راح ابو بيتي
راح ابو جهالي 
يمه لا دگولين هيج ان شاءالله  يرجع بابا
ابتهال تقربت منها يمة
ولج يمة ابوي ابوي
وينه ابوي ماشفته اني
جريتها ابتهال تشوفين بيا حال
عوفيها هسه
ضلت امي ع هالحاله لا تاكل ولا تشرب
الناس كلها كاعده عدنا
تريد اكل وشرب
خطيه تغريد تطبخ وحدها
اني مااكدر اتحرك
نفسيتي تعبانه كلش
امي ساعه تصرخ
وساعة تسكت
وساعه تدعي
منو اليجي نسئله شنو شصار يكولون ماكو خبر
عمامي واخواني
قررو يدورون بالمستشفيات
وماكو
راحوا لمدينة الطب العدلي
دخل اخوي حسين يدور بين الجثث
والموتى
لان بوقتها هواي ناس تنقتل
بحيث يسولف يكول مئات الجثث
بالطب العدلي
بس ابوي ماكو
ضلينا لا ليلنا ليل ولا نهارنا نهار
يومين عبالك سنتين
علينا  قلق وخوف وبجي نفسيتنا تعبت كلش
الى ان خابروا
ع اخوي حسين
گالوا جثت ابوك تلكاها بفلان مكان
قتلنا وشمرنا بالزبل
ع صوت وصريخ حسين
طفرنا نتراكض
كمت اكوم واواگع
رجلي ماتت
امي ع صريخ حسين طاحت بالكاع
صاح ابوي مات
كتلوه المايخافون الله
مات ابوي
عمي جر حسين  وصعده بالسياره
كمت اركض وراه للسياره بله شعور
الناس طلعت والجوارين
واني اركض
اخذوني وياكم اشوف ابوي
لحد مااحس باقر
يجر بيه وين طالع هيج
فوتي جوه
گتله عوفني معليك
اريد اشوف ابوي
كلي فوتي اني اخذج بس استري روحج
معليك بيه وخرررر
ضليت اصرخ بوجها
اريد ابوي
التمت النسوان علي
هاي التلبسني عبايه وهاي الي تجرني
واني اضرب بيهن اريد ابوي
وخروووو
يرجعوني واوخر مهن
لحد ماجوارينه
كالوا راح تموت البنيه فرفحت
امي واگعه والبنات يصرخن عليها
ميهمني امي
ابوووي مات ابوي روحي من الدنيا جان
يگللي امج خطيه
املهم طبها طوب اريد ابوي
باقيه كاعده بالشارع
شفتهم صعدوا امي بسياره
جانت منتهيه
انوب شفتها هيج ضليت اصرخ ع امي يمه ولج يمة
ابوي مات
جيرانه شالتني شيل وطببتني للبيت
باقر جان فوك راسي بالبيت
بس كولي ياالله ع كيفج
اكعدي والله اخذج
ميصير هيج بالشارع الناس تتفرج عليج
ابتهال كالتله باقر ابوس ايدك
اخذنه لابوي نشوفه
باقر اني ماشفته
صار شهر مجايه لهلي
ضلت لجمه بكلبي
ميخالف حتى لو اشوفه وهو ميت بس خل اشوفه
ضل باقر يستغفر
طلع المبايل خابر حسين
كله وين انتم
كله ماشي جايب البنات وجاي
كال البسن واسترن روحجن
بسرعه كمت خليت حجاب وعبايه
وصعدنا وصعدن جوارينا ويانه
ورحنا للمستشفى
وللحكاية بقيه ام مصطفى
ان شاءالله  بالليل انشر بارت ثاني