عاهدتني

٢٢

#عاهدتني
للكاتبة ام مصطفى
البارت الثاني والعشرون
گمت من يم امي فرحانة كلش
لازم اصالحة
خلي اخابره
خابرته مجاوب
وره دقيقه هو دگ
الو
ساكت ميحجي
باقر كافي الله عليك مشتاقيتلي
اخخخخ يا ماشتاقيت
اني الليل كله ماانام ع مودج
ليش هيج تلوعين گلبي
ليش هيج تصرفين
توبه والله توبه حبيبي
اوف توبه خلي نشوف
خالتي حاجتج
ايي
امي اليوم حاجتها ع موضوعنا
ايي كالت امي
بقت شغله فاتن
الدراسة شنو كلتي عليها
انت بكيفك
لا انتي بكيفج باختيارج
حتى لا دكولين ضغطت عليج.
اني جنت مفكره اروح معهد
هسه لا راح اروح اعداديه
حتى اذا كعدت اكدر امتحن بعدين خارجي
بكيفج
بس اني اكلج الزواج وحده مسؤوليه
مو مال دوام
وهاي انت حليتيها هسه
قدمي اعدادي والله كريم
يعني هسه انت مشايل مني
لا نسيت لا اذكريني
هههههه
زين لعد شجبتلي هديه من العمره
دعيتلج هناك بالهداية
شنو شفتني مخبله ومگطعة هدومي
يعني نوع ما
هيج ها زعلت
صالحني
شلون
تعال باجر اشوفك
لا مااكدر استحي عيب مدام حجيت عليج
مراح اكدر اجي بعد
منا لحد مااخطبج
شبيك عفيه
لا تلحين
روحي نامي
تعبان اريد انام وراي اكعد لصلاة الفجر
يله تصبح على خير
اجمعين

مرررت الايام وقدمت ع عدادي ودوامت 
استغليت الوقت
مصطفى خطب وخلصت والحمد لله
نوسه اداوم وياي هم

ومشت الايام  دارت السنة مالت ابو باقر
وره شهر تقريبا
اجت خالتي ام باقر
حتى تحدد يوم الخطبه
متصورون شكد فرحت 
امي گالت الها خلي انطي خبر لعمها واردلكم جواب
راحت خالتي ام باقر
وامي خابرت عمو كلتله
كلها اهم شي البنيه موافقة
جاوبته اي موافقة
زين ودراستها
والله يا ابو جواد مااعرف
هي وياه تتفاهم بعد تريد تكمل تريد تبقى
كلها شايفين الف خير
اختاروا اي يوم واني احضر
حاجت حسين امي يرد خبر الهم الخطبة الجمعة
يااااي فرحتي متنوصف
راسا خابرت باقر وبشرته
كلي سديه خلي اسجد سجدت الشكر وارجع اخابرج
حبيبي  سوده علي
شكد فرحان
اي والله الف الحمد لله والشكر
ربي مقصر ويانه
جنت شايله حمل لمصطفى
بس عمي الله يرضى عليه جان دكتور
وفاهم وكف وياي واحترم رأيي
دگ علي رجع وهو يكول الف الحمد الله  والشكر
جنت خايف من بيت عمج رغم مصطفى خطب كلت خاف يطلع الاخ الي
لو يعترضون ع شي
حبيبي انت منو يعترض عليك انت ملاك
المهم هسه اتفقوا الجمعة الخطبه
واخيرا حبيبي راح اصير زوجة  الشيخ باقر
واحلى زوجه ان شاءالله  مااقصر وياج
وراح اخاف الله بيج
فدوه اروحلك...
بيوم الجمعة رحت للصالون واحلى فستان اشتريت قبلها بيوم
جان لونه  بنفسجي 
مكيجتني مكياج خفيف ام الصالون
طلعت كلش حلوه حتى معرفت نفسي
كل شويه اكرص روحي
ممصدگة اليوم خطوبتنه
خلصت اجه حسين اخذني
جانت ابتهال وياي
دخلت للبيت
امي ضلت تصلي ع محمد وآل محمد
    وطشت جكليت علي
كعدوني بصالة البيت
كالت ماما اكلتي
اي ماما اكلت لفه جابتلي ابتهال
اي زين
لكيتهم مخلصين غده
ومرت عمي موجوده ومرت جواد
ونوسة
كلها باركتلي
شويه واجوي   كمت ارجف مااعرف ليش
من كالوا اجو
طبن النسوان هلال بهوسات
سلمت خالتي وضمياء ولمياء علي
وباركولي
بعدين كالو السيد يعقد الهم
امي كومتني خلت ع راسي عبايه وغطتني
ودخلوا بس اني ارجف وخايفة بوكتها
ضل السيد يسئل بيه موافقه كتله
بعدين باركلي وطلع السيد وعمي وحسين ومحمد
كلها جانو كاعدين
سدوا الباب وطلعوا
رفعت راسي
ونزعت العبايه
كال اللهم صل على محمد وال محمد
تبارك الرحمن
شنو هالجمال
ابتسمت ودنكت
شفته بعيني احلى رجال
جان محدد لحيته ولابس دشداشة
وفوكاها عباء
والفرحة مبينه بعيونه..
فاتن واخيرا عقدنة دائمي
وصرتي مرتي كدام كل الناس
اشكر الله سبحانة وتعالى
لان حقق حلمي واخذتج
كتله واني اشكر ربي الف مره
لان انت صرت زوجي
ربي يحفظك الي
لزم ايدي وباسها 
دكت الباب امه يله يمه تعالوا
لزمني من ايدي وكومني
كانما اميره
وطلعنا  واني فرحانة فرحانه بيه
ممصدگه ابد
امه فتحت علبة
كالت هاي هدية باقر الج  هو اشراها ع ذوقة
جانت كلادة ذهب زنجيل طويل وبي قران الكريم ع شكل ذهب
لبسني اياها
بعدين لبسني حلقة
كالت هاي هديه متنحسب ع ذهب النيشان
ان شاءالله ترحين انتي وياه وتختارين الي يعجبج
ضلوا ياخذونة صور
وباقر احسه خجلان اكثر مني
كل شويه يدنك ويباولي 
مااوصف الكم الشعور شكد حلو

وره نص ساعة طلعوا
نزعت فستاني وطلعت اساعد تغريد خطيه تعبت كلش
تركض هيج وهيج
بسرعه لزمت مكناستي وكنست البيت
وعزلته
بعدين تعشينا ورحت خابرته
الو
الو هله بمرتي
هههه تره بعدنه ممزوجين
لا مزوجين ومن زمان
بس هسه صار علني
مااعرف شكلج فرحان كلش
شحجي مشكلتي مااعرف هاي سوالف الحب والعشاق شنو يحجون
تدرين اليوم اشتريت كتاب اشعار
ردت اتعلم شلون انغزل بيج
هههههههههه فديتك حبيبي صدك ضحكتني
لا والله بس مااريد احسسج انتي ناقصج شي
واعرف انتن  بهيج عمر والنسوان كلجن
تحبن الكلام الحلو والغزل
واني اعترف مااعرف من هسه اكلج
بس اكلج شي واحد احبج  لاخر نفس بعمري وحياتي
اسم الله ع عمرك وهاي اهم شي عندي حبيبي
كال باجر اجي اخذج نروح للامام الكاضم ع
حضري روحج
اريد اطلع اني وياج وكعدج بصفي بالسياره
اريد اصدك انتي صرتي الي
كتله ان شاءالله  حياتي...
بيومها نمت احلى نومه بحياتي
الصبح كلت لامي
كالت هو زوجج بعد روحوا الله وياكم
لبست احلى لبس
وعباية فوكاهن
هالمره لبستها بارادتي بدون ميكلي
واجه حبيبي واخذني
احلى احساس من انتي تصبرين وتتحملين كلشي
وبعدين ربج يجازي صبرج  ويفرحج بالي انتي ترديه
الف الحمد الله والشكر
صعدني بسيارته ليكدام
يسوق ويباوعلي  تخبل العبايه عليج
كتله قشمرني
لا والله اصلا ضافت جمال فوك جمالج
شكرا 🌹
حبيبتي انتي ع راحتج مااجبرج  عليها
بس اكلج شي اني مااريد احد يتفرج ع زوجني وع مفاتن جسمها
زوجتي خاصة بس الي
واحب احافض عليها من عيون الميخافون الله
انت هسه مبايلج ليش خالتلة هاي الحافظه
مو حتى تحافضين عليه من الخدش
اني هيج احب احافض عليج من عيون الناس
كتله افتهمت والله
لاتخاف اني اشتريت كتاب لاحد العلماء
اسمه حجابكي
وقرييته واقتنعت حيل بيها
يعني راح تلبسيها للابد
اي نذر وناذرته
اذا صرنا لبعض البسها
كال احلى نذر هذا هههه وضحك
وصلنا للكراج وطبك السياره
ونزلنا ردت الزمه من ايده مثل هذن الي لازمات رجولتهن
جر ايده كال عيب يمعوده هاي التصرفات بالشارع
شافني ضجت
كال حبيبتي  لا تضوجين نرجع بالسياره
والزمي ايدي طول الطريق وضحك
دخلنا ع للضريح
هو فات بطريق الرجال
واني دخلت للتفتيش
دخلنا سوه كال تخلصين انتضريني هنا
طبيت زرت وصليت وقريت الزياره
وطلعت شفته واكف
فدوه لطوله  شلون اجه يمشي فدوه لهيبته
كال يله نروح ادخلج للمطعم
دخلنا للمطعم خلاني كباله
حتى محد يباوعلي
كلي شنو اطلبين كتله بكيفك
كال كباب كتله بكيفك
نزل نفرين كباب
شكد احب الكباب بس استحيت اكل
يمكن لكمتين
ضل يحجي علي شنو عصفوره اكليش هذا
بعدين طلعنا
كال شنو يعجبج اشتري
كتله مااريد شي
كال لا تردين
اخذلي عبايه  اشترالي 
ودخلني ع محلات ملابس
اختاري الي يعجبج اني مااعرف بهاي السوالف
كتله ماريد
خزرني لا تعاندين اخذي
خفت منه اختاريت نفنوف حلو مال طلعة 
دفع فلوسه وطلع
كال بعد
تشترين هسه ذهب لو تاخذين امج وياج
كتله لا غير مره اجيب امي
بعدين وكف يم الحلويات اشتره كومه
كال عيب انطب فارغين لاهلج
رجعنا بالسياره
كال يله الزمي ايدي
مو بس فالحة بره ادورين مضاهر
بيج خير كلشي تردي سويه جوه بيتنا
صدك فاتن اني راح اشتري بيت
قريب بدربونتنا قريب كلش ع اهلي
بيت ابو مهدي تعرفيهم
كتله اي كال هو بيتهم
اني مااريد ابتعد ع اهلي
كتله ع راحتك
اي علمود الاثاث تردين نروح نختار سوه
لو ع ذوقي
كتله اشتري الي يعجبك
باوعلي الله يسهل عليج مثل متسهلين علي جاي
و لزم ايدي
رجعنا للبيت   احلى طلعة بحياتي مراح انساها ابد
وللحكايه بقيه ام مصطفى
بارت طويل وحلو
ادعولي بقضاء حاجة