عاهدتني

٢٠

#عاهدتني
للكاتبة ام مصطفى
البارت العشروون

اخذتنا امي للسوك  اشتريت فستان ضيق طويل احمر وردن  وبي شذر اسود 
كلت هذا مستور وبنفس الوقت فصالة يخبل ع شكل حورية البحر
واخذت كعب اسود عالي  وشيله سوده مشذره
تغريد اخذت قاط تنوره طويله وستره

واكسسورات اخذت كومة 
اجيت فرحانة بيهن كلش 
اول مدخلت البيت لبستهن  يخبل علي
ماما شوفي حلو
اي والله يخبل عليج صلاوات
نزلت تغريد
واني خالة وانت هم كلش حلو
اندكت الباب طلع مرتضى فتحه
دخلت ابتهال وجهالها
سلمت ع ماما وشافتنة لابسين
هاي شنو
فاتن..  شوفي ابتهال حلوات ملابسي
هسه اشتريتهن
اندارت ع امي  واني شنو مو بنتج
تشتريلهن وما مشتريتلي
لو علاوي مو اخوي
زعلت  😔
لا بنيتي مناسيتج بس كلت تجي واخذخا ع ذوقوقها اشتريلها

ها اذا هيج زين
كتلها الغيوره شبيج
اسكتي ولج منين اغار منج
عيني ملكة جمال العالم
ضلينه نتناكر
امي صاحت كافي
ولا تكبرن انتن 
ماما نشاقة مو صدك
ديله نزعن هدومجن هذن
وسون غده راح اياذن وانتن ملتهيات باللبس
سوينا الغده  بسرعه
وسوالف وضحك خلصناها
وامي اخذت ابتهال اشترت ملابس الها ولجهالها
ثاني يوم صارت الجمعه
كعدنه من وكت  لان مسوين غده وعازمين
بيت خالتي اهل تغريد وخالي والجبير
وزوج ابتهال
وباقر واخوه محمد
امي من الصبح كعدت تركب خطية
قبل لا يجي باقر خابرني
ها كاعده اي
كاعده من الصبح امي مغبشه علينا
اي حقها غير وراكم خطار
اي صح
اكلج ما اوصيج خلي لبسج مستور
رحمة لبوج
ولا يهمك اصلا اشتريت فستان طويل للكاع وردن
اعرفك متقبل ع المدلع والصلوخ
لا هم عوزها مدلعه
لتخاف عيوني جبت فستان محتشم
خوش خلي نشوف بالله
يله روحي ساعدي امج

التهينا بالغده والخطار بدوا يجون
صبينا الهم اكل
وغسلنا المواعين
باقر يطلع ويطب يشوفني يم السنك
واني هم لزكت بالمطبخ
اجتني رساله منه
صدگ مستوره ملابسج عاشت ايدج بس
من اطلعين خليلج عبايه ع راسج
بعد كلبي
باوعت ع نفسي لابسة ثوب البيت
خرب حضي عباله هذا الي اروح بيه
لا وفاكاها عبايه اففففف
خلي اغلس احسن شي
خلضنا المواعين
وبدينا نلبس
لبست فستاني 
وابتهال يمي خبصتني لبسي جهالي
لبستهم الها
تغريد نزلت
كعدن يتمكيجن ع مرايتي
كالت ابتهال وجهج اصفر
خلي باودر لوجهج
كتلها يله انطيني
خليت باودر
صارت عيوني وحلكي ابيض
كالت خلي كحل وحمره خفيفه عيني صرتي جنج بعبع
اخذت كحل خليت
وحمره خفيفة حمره بلون فستاني ياييي
اخبل صرت
طبت ماما ها ماما شلوني
صلوات تخبلن
يله خلصنه
تغريد لفة حجابها لفة كلش حلوه
مااعرف شلون بس طلعت اذنها
تك وترجيه لابسه حلق
صارت تخبل
عفيه تغريد سويلي
كالت تعالي اسويلج
سويت اللفة
وااو تخبل وي الفستان
صاحت امي يلله
صعدوا الزلم بالسيارات يله
كتلها اي اي طالعين
طلعت امي وام تغريد ومرت خالي
واحنه طلعنا وراها اذكرت باقر والعبايه
كلت خلي اختل وره امي
ياعبايه ويخرب ستايلي والكشخة اضيعها
طلعت امشي وره تغريد وابتهال وراي
اتختل
جان اشوف باقر ومحمد بوجهي
كمت ابلع بريگي
حتى مرفعت راسي بعد مااريد اشوف ردت فعله
بس سمعته رگع باب السياره وصعد
يبوي هسه شجاني
لو لابسه عبايه وهناك ذابتها
شيخلصني اليوم
امي قفلت الباب
ماكدرت ارجع بعد
صعدت بالسياره

صارت هلاهل  بسرعه وصلنا
لان  قريبين علينا دربونتين بعد
نزلت ختلت بعابية امي ولا شلت راسي ابد من الخوف
يربي شنو هالوزه
هسه لو لابستلي عبايه وساتره روحي
لعنة الله ع الشيطان
دخلنا
نوسة رايحة للصالون ولابسه بدله قصيره وردي
وطالعة تخبل
كعدنا
وشويه كالو هلهلوا قروا الفاتحة
بعدين كالوا راح يعقد باقر الهم يريد يدخل
لان باقر جان يعقد يعرف وعنده مأذونيه
دخل مصطفى كدامه اني ختلت وره امي
وباقر فات مدنگ ولا شال راسه
لبسوا نوسه عباية وطببوها هي وعلاوي
شويه وطلعوا
وبدت الهلاهل والهوسات
واني ولا يمهم ولا هوست
ولا فرحت ولا تهنيت بلبسي
بله هسه شتافديت
باقيه قلقة وخايفة
حتى اخاف اهلهل يسمع صوتي
من صدك اختنگت منه
متت هاي اولها هيج

امي انتبهت علي شبيج
مابيه شي بس مغص مدي صار
وكاعده
ها
من طلعنا اخذت من مرت عمي عبايه طلعت بيها
شكد جنت فرحانه بفستاني كرهته من وره باقر
وضجت
رجعنا للبيت
توقعت الكاه خابصني بالمخابرات والرسائل
بس ماكو ممخابر
غيرت ملابسي
والناس كلمن راح لبيته
واني كل شويه اشوف المبايل بلكت مخابر ماكو
حتى القديم فتحته ماكو
اخاف اخابره
اخاف من ردة فعله
طلعت الخطبة من خشمي
من كد ماخفت وانقهرت 
بقيت الليل كله كل شويه اكول هسه يخابر
ماكو
تالي مابها مجال كلت اني اخابره
خابرت يطلع مغلق كل شويه كمت ادك يطلع مغلق
تالي منمت

ثاني يوم اخابر يدگ وميجاوب
ادز رسائل باقر ليش مجاوب جاوب ماكو
بقيت ع هالحاله ٣ايام اخابر وميجاوب
روحي طلعت احس
تعبت نفسيتي من كد ماالوم بنفسي
الليل كمت ماانامة
شلون اوصله
اخر شي كتبتله رساله
باقر جاوب تره اجيك للبيت
اذا مجاوب
دزلي رسالة شطولها
مضمونها
فاتن الي بينا انتهى وانسي  وروحي شوفي طريقج
اني وياج منتوالم 
اني انسان اخاف الله وملتزم والمره الي ارتبط بيها لازم تكون نفس تفكيري
وانت طبعج غير طبعي
حاولت وياج اعلمج بس انتي متردين تتعلمين
نردين تبقين نفس ماانتي
واني هالشي ما اتقبله ع نفسي
مادام بعدنا بأولها 
وبعد ماو شي رسمي بينة 
اني اسحب نفسي 
اني رجال اخنگ وصعب وانتي وحده تردين حرية  وسفور ومكياج
مختصر مفيد اني ماافيدج
انسيني
وبعد لا تتصلين 
اقره وابجي 
اني استاهل استاهل الي صار
وللحكاية بقية