عاهدتني

٢١

#عاهدتني
للكاتبة ام مصطفى
البارت الواحد والعشرون

اني استاهل ضليت الوم بروحي 
وابجي كل شويه افتح الرساله واقراها
كلامة صح  اني لازم اتخذ قرار
اختار لو هو لو حريتي 

اووف بس اني اريده والله احبة مستعده كلشي اسوي ع موده 
فتحت المبايل رطعت خابرت عليه
مجاوب
دزيتله رساله بس احجي وياك جاوب
ماكو
ضليت بس الوم بروحي
تغريد طبت للغرفة علي
شنو شبيج مو ع بعضج
صارلج يومين شكو
باقر تغريد
شبي
من يوم الخطبة ولهسه ميرد علي 
ليش
ع لبسي شدعوه هسه عليه هيج بسرعة باعني
تغريد..  شنو شصاير فهميني
فاتن..  هاج اقري 
انطيتها المبايل وفتحت الرسائل الها
قرت
بعدين رجعت ليوره بالرسائل
كالت صراحة فاتن انتي غلطانه
انييي
اي والله شوفي دازلج رساله قبلها وكلج البسي عبايه
جان لبستيها وخلص
لج والله ممتعوده عليها بعدين حتى عباية معندي اني منين اجيب
اگلج لاتسوين حجج عندج مال الزيارات
جان لبستي من عمتي
مني
فاتن..  يعني بس اني البس عبايه هسه مو انتي وابتهال طلعتن سافرات
باعي فاتن لا تقيسين نفسج وي غيرج تره تخرب حياتج
كل واحد وحياته الخاصه
اني تعرفين حسين عادي عنده اي شي البس ميدخل بلبسي لان انتو عائلتكم
هذا لبسكم 
ابتهال نفس الحاله  شفتي زوجها ملبسها جبه اسلاميه تجيكم بيها
ميقبل بنطرون لو تنوره
اما انت باعتبار باقر صار خطيبج وحجه عليج
وانتو عاقدين يعني زوجج
لازم تسمعين كلمته وتمشيين ع مرامة
يعني يكلج البسي عبايه تلبسين
اني قبل كتلج الي، تاخذ باقر لازم
تحسب حساب انو هو رجل دين
احتمال حتى بوشي يلبسج
يعني الله عليج
اذا صرتي زوجته وهو وافق ع هذا لبسج
وخلاج بحريتج
الناس مراح تنتقدج وتنقده
مراح دكول مسوي روحه ابو دين وشيخ
ويعقد ويطلك ويفتي
ومرته سافره ومكيجه
لو بي خير جان ستر مرته
راح يكولون هيج لولا جاوبي صح لولا
اي صح
انتي بما انو حبيته وتقبلتي
لازم تتقبلين  كلشي يريد منج بس بحدود
واعتقد الولد مراد منج شي صعب يعني
هو رجال يحب يحافظ ع زوجته من عيون الناس
يعني غيور ع عرضه
غيور مو يغار عليج
لا غيور
فانت اخذي قرارج من هسه واحسمي موقفج تجاه باقر
تقبلين بيه وبطبعا وتتحمليه
روحي صالحي واتحملي زعله عليج
هما كانت ردت فعله حقه
لان انتي خذلتيه يعتبرج
طلب منج شي، وعاندتيه مسويتيه
فلكل فعل ردة فعل واني اكول مستحق
وياج
اما اذا دكولين اني اختنك ومااتحمل هيج
فخطيه الولد اتركيه والله ميستاهل تشلعين گلبه اكثر
فاتن...  دنگت وضليت ابجي
تغريد..  ليش تبجين فاتن انتي تحبينه واليحب لازم يضحي
الولد مطالب شي، صعب منج
ميستوجب تصعبين الامور
فاتن..... اني ابجي عليه مو ع غير شي والله احبه كلشي مستعده اسوي ع موده
بس خلي يجاوبني
واني اعتذرله وكلشي اسوي لخاطره
هو ابوي صار الي مو بس حبيب
اني تعلقت بيه
شلون ينطيه كلبه يكلي ماافيدج وشوفي طريقج
تغريد.. ههههه شبيج يضبط عليج والله باقر يحبج هسه فتره ويصالحج
واني شلون اتحمل هاي الفتره
تحمليها شلون مكان وخلي تصير لج فترة تاخذين بيها وقت تفكرين وتاخذين قرارج