عاهدتني

الثاني عشر

#عاهدتني
للكاتبة ام مصطفى
البارت الثاني عشر

قررت ابتعد عنه واريحة من العذاب وانساه
اول شي رحت اقفل المبايل
لكيت داك كومه وداز رساله
فاتن بس جاوبيني افهمج
انت معليج بالحجي الج الصافي
والقران احبج ومااخذ غير
جاوبي ولا اشلعين كلبي..
خليت ايدي ع حلگي وابجي
واني حيل احبك واتعلقت بيك
بس الله يسامح الي كان السبب
احجي وي نفسي
لزمت المبايل قفلته
وشمرته فوگ الكنتور
ورحت عود انام ضليت للصبح  بس ادگلب
واذكر حجاياته عصبيته تصرفاته
اووف ماكو شي موزين بيه
وگفاته وي اهلي
تشغيل حسين وياه
واله من گتله ميكفي الراتب
راح يزيده
لو غيرتة علي وكلامة الي يريح ويطمن گلبي
ياربي ليش مامكتوبلي الفرحة
للصبح ابجي لحد مادخت ونمت
جان يوم جمعه
كعدت  الساعة ١١ الصبح
طلعت من الغرفة
جفن عيوني وارمات
وعيوني مااشوف بيهن
كامت الدنيا تفتر بيه
بس طلعت باب الغرفة صار عندي مثل الدوران ووكعت
اسمع امي تصرخ
بس كوه افتح عيني واسدها
بسرعه اخذوني للمستشفى
ودخلتني للطوارء
قاسوا الضغط مصفر طلع
من السهر والبجي الي بجيته
علگولي مغذي
وضربوني ابر
بس راسي موتني وعيوني توجعني
امي خابرت ع حسين جان بالمعمل
كالتله احنه بالمستشفى
فاتن تخربطت الضغط هابط عدها
وهسه خلوها مغذي
كالها هسه جايج
كتلها يمه ليش خابرتي
ماكو شي هو الضغط هابط عادي
لا يمة شوفي وجهج شلون اصفر صاير
كلة مني دزيتج وحدج
لو رايحة وياج
كالت نامي وارتاحي يايمة
مصير هيج تسوين ابوج راح ادور السنه مالته  الله يرحمة
راح بعد ميفيد البجي  ادعيلة بالرحمه

دنامي نامي
غفيت ع كلام امي جان هدوء
ويمكن الابر بيهن منوم
فزيت ع صوت امي تحجي
دگله خالة ميصير عدكم عرس وعايفة وجاي
وحسين يكلها  والله كتله بس ماقبل
امي دكله بيش نجازيك
وهو يرد عليها خاله صدك جذب  بس خلي تصير زينه مانريد مجازاه
فتحت عيوني
وهو فوگ راسي
وتالي باقر شلون بيك
عوفني اهلك مايردوني  روح شوف حياتك.... 
صارت عيني بعينه
ونزلت دموعي
امي بسرعة مسحت دموعي اسم الله  ماما
شجاج ماصدكت صرتي زينه
اجت الدكتوره
وخرت المغذي
وقاست الضغط
كالت لازين صعد
تكدرون اتطلعون هسه
كومتني امي ولبستني حجابي
وباقر يحجي الحمد الله  ع السلامة
كولي يا الله وصيري قويه
مو ع كل موقف تنهزين
امي دكله اي والله كللها وليدي
لزمتني من ايدي
امي وتمشي بيه
طلع كدامنه هو وحسين
شغل سيارته
وصعدنا
شلون انساه وهو كبالي شلون اكوله لحسين بطل منه
هم يكلي ليش..
كل شويه يباوعلي بالمراية مالت السياره  والطريق كله متوتر وعصبي
ويستغفر
لحد ماوصلنه نزل حسين فتح الباب ونزلني
وامي نزلت
دخلت ولا باوعت علي بس گلبي يتكطع عليه
تغريد خطيه تلكتني
ها شلون صرتي
امي اشرت الها تاخذني للغرفة
كتلها زينه الحمد للة 
طب حسين صاح تفضل باقر
تغريد دارت وجها علي
يا باقر شجابه
محجيت
دخلتني لغرفتي ونومتني ع سريري
كالت تغريد  فاتن تره ماكو داعي تسوين
كل هذا بنفسج
باقر يحبج ويردج
شعليج بابوه قابل راح تزوجيه
تغريد وتالي
خليها ع الله حبيبتي 
اني ماقاهرني بس شي واحد
اني شنو ذنبي بكل الي صار وابوه رافضني
حبي هاي عقلياتهم هيج بعض الناس
عقولهم متحجره
وحاقده وماعدها ذرة رحمة
والله باقر خوش والد خطيه ميستاهل الي يصير وياه
بعدين ماتعرفين شراح يصير  بالايام الجايه
والولد يكلج اخذلج بيت وحدج
يعني لا ارى القرد ولا القرد يراني
هههههههه شلون مثل هذا
استغفر اللة  اخذتي ذنب الرجال
ديله عيني مرت الشيخ باقر كامت تستغفر
اه هيج واصير مرت باقر  لج والله يوم عيد
تعرفين هو عوضني ن حنان ابوي
والله احسة ابوي واخوي  كلش حنين