عاهدتني

التاسع

#عاهدتني
للكاتبة ام مصطفى
البارت التاسع

بقيت كاعده اني وامي
لحد ماصليت
الصبح ومارجعت نمت والله اخاف
متصورون شلون مرعوبه
والمنظر ميروح من بالي
خو منشفت ابوي شلون قالعين عينه
وامثلين بي
والله يتخايلي  شلون يعذبوه
اني بطبعي كلش حساسه اكثر ماتصورون
حتى من واحد ينجرح كدامي
مااباوع علي اخاف من الدم
انوب كل يوم اتحلم يضربون ابوي طلقة ويطلع دم
والله تخبلت
تعبت اريد بس انسى كلشي مااريد
حتى ابوي اريد انساه
لان تعبت
بالليل اوصل لمرحلة الجنون
مااعرف شلون بالنهار ارجع طبيعيه...
من الصبح امي انطت كروه لعلاوي
وكالتله اخذ اختك وروح لبيت عمك ابراهيم
انتضرونة هناك لحد مانخلص
ونجي
لبست جبتي السوده  وگلت لامي يمه غراضي كولها بكراتين خالتهم
مو تطشروهن
لا يمه لا تخافين بس انتي روحي
اخذت جنطتي اليدويه ورحت
اجرت تكسي من الباب ورحت
اني وعلاوي
وصلنا لبيت عمي
فتحت الباب مرت عمي فضيلة
صباح الخير 
صباح النور هله عمة شلونج
ها شنو اجيتو
لا عمه بس اني وعلاوي
كالت فوتي
طبيت بعدهم نايمين بس عمي كاعد
كام بسرعه
ها عمي خير خوما صار شي
لا عمو لا تخاف ماكو شي
طبي بنيني باسني والله من خوفي
نسيت اسلم
اكعدي بويه اكعدي
هو كال هاي الكلمة واني
ماسيطرت ع نفسي كمت اشهك وابجي
يابه شكد صعبه من تسمعيها
وانت محرومه من ابوج
عمو كال شبيج بابا احد وياج
علاوي جاوب لا عمو بس هم البارحه بقت تعيط بالليل
عاد حضني كافي يابه كافي
فتره وتنسين
وان شاءالله بهذا البيت
يتغير كلشي عليج
لا تبجين حبيبتي
اني ابوج شتردين گولي
باسني ومسح دموعي بيده
گال متريكين
علاوي لا والله عمو جبتها واجيت بسرعة
خفنا عليها
لا تخافون هي حبابة هسه تصير قويه
وتخطي هاي المرحله
وتبدي حياة جديده ان شاءالله  بهذا البيت
اكبر غلط سويتيه تركتي دراستج
ع الاقل جان شي يلهيج وتلتهين بيه
يله ع السنه الخ ارجعج
كتله ان شاء الله
كعدت ع التخم جان بيتهم كلش حلو ومرتب
عمي طبيب اسنان
وحالته زينه بيته جبير وحلو ومرتب
وعمي الخ مهندس
بس اول مصار السقوط
اخذ عائلته وطلع  لسوريا
ومناك كدر يطلب لجوء
للسويد
شكد توسل بابوي بوكتها حتى نطلع وياهم
بس ابوي الله يرحمه
مقبل...
صبت مرت عمي الريوگ
وكعدت نوسة بنت عمي اجت سلمت علي وباوستني
علاوي جان عينه عليها 
وهي هم
طبعا همه نفس العمر اثنينهم
بس هي لان بنت تبين اكبر منه
كعدت كبالنه
وكالت يله اتريك وياكم
شويه ونزلوا بيت جواد ومرته حنين
جانت وحده غثيثه وشايفة روحها كلش
سلمت من وره خشمها
هلوو
كتلها هلو بابتسامه كذابة
جواد سلم عليه وضل يشاقي
ويلطف الجو
وهي راحت سوت ريوك
صاحت عليه
كلها وياهم اريد اتريك جيبيه يمي
هي ضاجت
خلته وراحت صاح عليها
تعاي تريگي لا مااريد مااشتهي
جانت حامل بالاشهر الاولى
كالت لعبانه نفسي مااشتهي
وراحت
عمتي باوعت ع جواد
عود دگله شوف تصرفاتها
هو هز راسه
وكعد ياكل