#عاهدتني
للكاتبة ام مصطفى
البارت الخامس والعشرون
قربت المدارس ع الدوام وخلصت عطلة اخير السنه
كتلة باقر اريد اداوم
شنو اداومين
اريد اشتري ملابس، مدرسه اريد اداوم
كال شلون اداومين وانت حامل
اي عادي اداوم
لا ماداومين
شنو مااداوم اداوم والله
شنو قشمرتني انت مو كتلي عادي تكملين
اي كلت بس مو ادوامين كتلج اخليج تمتحنين خارجي
بالمستقبل
لا مااريد خارجي ار يد اداوم
واني مااقبل زوجتي اداوم يوميه رايحة راجعة وهي حامل
كتله شنو سجن هو خوما سجن
عيشتيش هاي
شنو شبيها عيشتج
اختنگت اريد اطلع اطب
نهار كله محبوسة بالبيت
وانت تطلع الصبح ترجع الظهر
يادوب تتغده وترجع للمعمل
واني مگابلة الحيطان
اي روحي لاهلي اكعدي يمهم
مااريد اروح اتقيد من اخوانك
يعني شلون شسوي هسه اعوف شغلي واكابلج
لا خليني اداوم
فاتن كتلج دوام ماكو وانتهى سدي الموضوع
ميصير هيج حرام عليك
انت مو تخاف الله ليش تحرمني من شي احبه
اني ماحارمج اكلج اخليج تكملين
بس مو هسه هسه انتي حامل
مو مال مدرسه ودراسه
ضجت منه
رحت لفيت راسي ونمت
اجه يمي فاتن نمتي
مجاوبته
مو احاجيج شنو نمتي
هم مجاوبت
كال استغفر اللة ياربي
لبس وطلع
اني ضليت ع نومتي ماكمت
نمت بعد
فزيت الصبح كاعد جايب ريوگ
ويندهني فاتن كومي
سويلي ريوگ اريد اروح للمعمل
عدنه طلبيه لازم اسلمها من وكت
كمت بس بعدني ضايجه منه
كال الناس تصبح
ماحاجيته رحت غسلت وجهي
وطبيت للمطبخ
اجاني فاتن والله ميهون علي زعلج
غسلت القوري وخليت مي بيه
وهو يحجي
مو احاجيج
اني درت وجهي علي شتريد
صحت بنتره
باوعلي بعصبيه
ورفع ايده رايد يضربني
بعدين رجعها استغفر الله
جانن اكو كلاصات ضربهن
وطلع
حتى ريوك متريك
واني شبعت بجي
هاي تاليها باقر تريد تضربني
كمت اكنس بالكزاز
واذب بالزبل
يعني شنو حابسني
مسجونه خوما مسجونه
لزمت المبايل وخابرت ع تغريد
هلو غرودة
هلو حبيبتي شلونج
زززينه
شبيج ضايجه
تعاركت وي باقر
عزه ليش شجاج
لج اريد اداوم ميقبل شفتي بالله
ياا اداومين وانت حامل
اي شكو بيها
لا حبي بيها شي
انتي بجر ميصيرلج التعب
يمعوده شلج بدوخة الراس
اكعدي واسكتي
لا اريد ادوم
وهسه تعاركت وي باقر
واجه يضربني اصوري رفع ايده علي
وطلع حتى متريگ
يا اسم الله شجاكم
عيني فاتن اكعدي واسكتي هي مال دوام
لا تتعافين ع نعمتج
مدام زوجج كلج مداومين اسمعي كلامة واكعدي
اووف هو شعندي غير هالحل
بس والله ولا اسكت اضل انگ لحد ما اداوم
اذا مو هاي السنه التجي
وج لا تخربين ع نفسج ودورين مشاكل
يعني شنو تغريد
يعني حبيبتي عوفي الموضوع ولا تخربين حياتج بهيج مواضيع
اذا مقبل لا تعانديه سايسسيه
وباقر يحبج مراح يرفضلج طلب
هيج رأيج
اي والله
زين لعد راح اعوفها هسه المدرسة
والله كريم
اي شكو ماكو
ماكو شي
بس البارحه خالتي راحت اخذت نوسه وامها ياجرن بدلات العرس الحنه
لج دكول عمتي ياشرن ع الغالي
ومخبلات عمتي
واله بارقى صالون حاجزه
كتلها گبر شبيهن مشايفات
ميگولن خطيه ماعدهم
اي والله
يعني حددوا العرس
اي هاي هي
العرس الخميس
ها الله يتمم ع خير
يله اروح
اي روحي وصالحي رجلج
فاتن كبري عقلج بله سوالف مزعطه
اي ان شاءالله
سديته منها
اندك الباب
صحت منو
خالتي ام باقر
صاحت اني
فتحت الباب
ها خاله شلونج
الحمد لله
رايحه للسوگ تردين شي
اي خاله هواي نواقص عدنه
كتبتهن الها بورقه
خاله هذن ولو اتعبج
بس تعرفين باقر ميقبل اطلع
والله خانكني خنك
كالت ميخالف بنيتي يحبج ويخاف عليج
اي خاله هو شمصبرني غير حبه
راحت خالتي
بس سديت الباب
ودخلت للغرفه ارتب بالفراش
حضني واحد من وره
گمزت يمةةة
كال اسم الله شبيج
باااقر شجابك
رجعت عليج بس سلمت الطلبيه رجعت
ميهون علي اعوفج زعلانه
باسني اسف حبيبتي لان رفعت ايدي
بس انت تستفزيني
واني عصبي ومااتحمل
كتله لا مصار شي عادي
واني هم شلت الموضوع من بالي
كال زين لعد حضري روحج نطلع
وين
بكيفج مو ضايجه
امشي اخذج للامام الكاضم ع
صدك
اي والله
بس ابدل واجي
يله
بسرعه لبست وصعدت بالسياره
بالطريق حجيتله عرس علاوي الجمعه
كال لعد من نطلع اخذيلج ملابس
واخذي هديه لاخوج
ان شاءالله
دخلنا زرنا وطلعنا
وتغدينا بالمطعم
واشتريت ملابس كومه
واخذت ساعة جبيره كلش
جانت تحفة
غاليه كلش اخذتها لغرفة علاوي هديه
ورجعنا
كلش فرحانه غيرت جوه جنت مخنوگه بالبيت
بيوم الحنه اخذني باقر لهلي
بالطريق كتله باقر ابات
يم اهلي
كال لا ماكو مبيت
عفيه باقر خلي ابات
لا ماكو مبيت كتلج
شطلعت هاي عيشتيش
كله لا وميصير
كال شبيج انتي تضلين زعطوطه متكبرين
شبيها عيشتج شنو ناقصج
سكتت
احجي
خانكني موتتني كرهت روحي من وراك
صدك تحجين انت
شنو مقصر وياج
ممقصر بس ضجت من كعدت البيت وحدي
يعني شسويلج
كلشي لا تسويلي
بس خلي هسه ابات يم اهلي
لا ماتباتين ابد بالليل اجي اخذج
والصبح ارجعج للعرس
مااحب زوجتي تبات بعيده عني
وكافي لا تجادلين
درت وجهي ع الجامه
لحد موصلنه نزلت وسديت باب السياره حيل
طبيت امي تلكتني هله يمه
وابتهال هنا سلمت وكعدت
وراها التهينه بالحنه
وضحك وسوالف
واقاربنه نجمعنا
وراها رحنه حنينه العروس
ورجعنا لليل
فتحت مبايلي
باقر مخابر كومه
خابرته وين جنتي
شكد خابرتج
والله مااسمع تعرف هوسه والتهيت
كال يله جاي حضري روحج
كتله اي
ضجت كلش
البنات كالن ها ترحين
اي باقر ميقبل
حرامات ضلي
لا مااكدر ميقبل
اجه خابرني يله وصلت
طلعت
صعدت مطنكره عليه
ها بعدج بخبالج
استغفر اللة ياربي
صدگ ناقصات عقل
وصلنا للبيت بسرعة غيرت ملابسي ونمت
هو اجه شافني نايمه
كام يستغفر
وطلع
وللحكاية بقيه ام مصطفى
أنت تقرأ
عاهدتني
Romanceقصة حب عراقية بين شاب عراقي ملتزم دينيا ومراهقة تحب ان تعيش الحياة بعفويه بدون تعقيد
