عاهدتني

١٣

#عاهدتني
للكاتبة ام مصطفى
البارت الثالث عشر

عماد كله ع كيفك يابه شنو السالفة
كله خلي يطلع بره
مع الاسف عبالي سبع طلع خرگة
ولك اني عبالي انت الي قتلته
وساكت اكول عفية اباقر
تالي جاي هنا تبررله...
باقر..  شلت سبحتي وسويجي
وكمت طلعت  ركض وراي
عماد باقر ع كيفك انتظر
ماالتفتت عليه
صعدت سيارتي
لزم باب السيارة قبل لا اسده
باقر ع كيفك
معليك بابوي تعرفة هو يحجي طك بطك
لاتزعل منه
كتله لا ابوك طردني مع الاسف
اني صوجي دكيت الباب الغلط
مع السلامه 
سديت الباب حيل
وشغلت السياره ورحت للبيت
لگيت مخلص العرس
ماخذين لمياء ورايحين وياها
طبيت لاستقبال وسديت الباب
اختنكت كلش  روحي طفرت
ياربي ساعدني
حبيت ماكفرت ولا غضبتك
حبيت بشرف وانت اعلم بنيتي شنو
ياربي ساعدني 
رحت جبت القران وكعدت اقره
منا لحد مااذن المغرب كمت صليت
وراها طلعت يم صديقي انس
جيرانة بنفس المنطقة
وصديقي
جنت كلشي احجيله
خابرته كتله انت وين كال بالبيت
كتله اطلعلي اريدك
كال طالع
وصلت يم بابهم
دگيت هورن
طلع بسرعة ها باقر شلونك
الحمد الله 
خير شصاير
ماكو شي مختنگ كلت اجي يمك
اي تعال فوت
لا لا مخنوك اصعد خلي نطلع لمكان
اوكفلي لحظه اسد الباب
طبك باب بيتهم وصعد يمي
شنو شصاير شو مو على بعضك
اخخخ وضربت ع الستيرن
تعبان انس تعبت
شنو ابو جعفر شبيك
ابوي يمعود شلون اقنعة مااعرف 
ع شنو
ع موضوع زوجي من بنت ابوحسين
اهووو بعده معند
اي والله انس
فهمني شسوي واني البنت رايدها
اخاف تروح من ايدي
اخطبها باقر
لك شلون وابوي معترض
روح بله ابوك واخطبها
شلون حجي هذا اكيد مراح يقبلون 
هم راح يسئلون ليش اهلك مااجوا
لا متصير
لعد شون
هو اني جاي اسئلك
اگلك خليها ع الله وهي تنحل والله
والنعم بالله بس خاف البنت تروح مني
طلعت جگاره ورثت
نزلنا بمكان وكعدنا نسولف
ماتوصلت لحل
فاتن تخابر علي انطيها رفض
دزيت رساله الها كاعد يم صديقي
بعدين اخابرج
بعدين كمت كتله خلي نرجع
كال يلله

......  فاتن......
خابرت ع باقر اريد اعرف شصار وي عمه
بس ميجاوب
بعدين دزلي رساله كال يم صديقي
انتظرت يخابرني ماكو
نعست ونمت
كعدت الصبح لكيته كومه ماخبرني

شافتني امي كعدت
ها ماما صباح الخير 
صباح النور 
تعالي تريكي سلگتلج بيضات
وملحيهن زين ع مود ضغطج
اي ان شاءالله  ماما
غسلت وجهي وفرجة اسناني
واجيت كشرت البيض وملحتها
وكعدت اكل
اندگ الباب 
طلعت امي تفتح
اسمع صوت مرت عمي 
كمت غسلت اديه
وطلعت من المطبخ
هلو عمه شلونج
هله بيج حبيبتي  انتي شلونج
شفت نوسة ومصطفى وعمو
سلمت عليهم
گال عمو شنو القصة بنتي
علاوي كال متخربطة
اي والله عمو
صار عندي هبوط
سلامتج بنيتي
الله يسلمك عمو
نزلت تغريد سلمت عليهم
مصطفى  عينه يمي
شنو حسدتج
كتله اي يمكن
ضلوا يضحكون
نوسة شورت بيج لان مااخذتيني للعرس وياج
ههههه
عينج وراي  انتي
اخذتها ورحنا للصاله نسولف
قريتي باجر عدنه فزياء
ولج اسكتي اي قريت
ها لا امبين
اكلج وين علاوي نايم فوك تنبل هذا
اليوم سبت وطاكها نومه
روحي اصعدي كعديه
اني ولج استحي
عليج الله  انتي كعدي كليله نوسه هنا
تعالي نگعده اثنينه
هاا
اي يله
لزمتها من ايدها وصعدنا الدرج
فتحت باب الغرفة
نايمين هو ومرتضى
علاوي علاوي كوم
ندهته علاوي كوم
وج شتردين
كوم الساعه عشره
اي وشكو
جريت المخده منه
كوم عدنه خطار
واني شعلي بالخطار
جيبي المخده
ماكو اله دكوم
جيبيها لا ابتلي بيج
مااطيها لو تموت وراح اذب مي عليك شوف ارفع راسك
هو كمز خرررب شبييييج
شاف نوسه
وابتسم وهي تضحك عليه
صباح الخير  علاوي
فرك عيونه
وجر التشيرت لبسه
كلها صباح النور ع اساس مستحي مني
كتله عيني انزل بيت عمك يمنا
نزلت قبلهم
كلت خطيه خلي انطيهم فرصة
هههههه
مدري ليش اذكرت باقر
نزلت بسرعه نزلوا وراي
كعدنا بالصاله
اجه مصطفى هم كعد يمنا
بقينا نسولف
هالمره احس مصطفى  عينه مني ويحاول
يتقرب الي
اني بمجرد اشوفة يباوعلي
اذكر باقر
واخلي ايدي ع راسي خاف طالع شي مني
كمت كال وين
كتله اساعد تغريد بالمطبخ
كال شنو السالفة اني جاي ع مودج
سمعت بيج مريضة واجيت
تعوفيني وتكومين
عززه يحجي گ دام علاوي ونوسة
شبيه هذا مو صاحي ابد
نظرات وكلام
خلي اكوم احسن والله باقر  حذرني
دخلت للمطبخ كلت لتغريد هيج وهيج
جان دكول يبوي
بس لا يلطش بيج
لا تنطيه مجال شنو مطيته
هو اليوم جاي متحزم علي
نظراته غريبة كولش
دنحجي هيج وطب للمطبخ
عززه
فاتن جوعان سويلي اكله
وجر كرسي وكعد بالمطبخ
كتله صار هسه اسويلك
طكيتله بيضة وصبيت جاي
وخليتهم اله
عاشت ايدج ولزم ايدي وباوعلي
جريتها حيل يااا شجاه
لا مو صاحي ابد
بسرعة طلعت من المطبخ
رحت عود يم امي بالاستقبال
جان اسمع امي دكله هسه عدهم دراسة مانريد نلهيهم
بهاي السوالف
خلي يكمل ثالث نوسه وفاتن والله كريم
عمي يكلها بس خطوبه
وخلي شكد ماكان
بلكت البنيه تتغير نفسيتها
امي گللتله الله كريم
انوب رجعت اركض
طبيت لغرفتي وسديتها
كمت ارجف 
كلت ماكوله لباقر اني احلها من يمي خطيه مناقص هو
كافي ابوه الحقود عليه
طلعت يم نوسة وعلوي
جانوا يسولفون شافوني
وسكتوا
اجه مصطفى عاشت ايدج الحلوه فتونه
كتله شكرا
كالتله نوسه اشو ولا يوم كلتلي عاشت ايدج ع شي
لو لان راح تخطبها
التفت عليها شنو هالحجي
اي عيني
ابوي راح يخطبج لمصطفى
كتلها واني مااريد ازوج اريد اكمل
اي عادي كملي عيني
ومصطفى يتبسم  الي
يبووي جانت عايزه التمت علي
كاموا بيت عموا وصاحو يله وينكم نروح
وضلوا يتسالمون
راحوا
اول مرجعت امي كتلها يوم
تره سمعت كلشي
اني اريد اكمل الثالث  مااريد ازوج
كالت يمه مدامج سمعتي
تره مصطفى خوش ولد ويدرس هندسه
وابن عمج  وعمج واكف النه بكلشي
مابيها شي
هسه تنخطبون وكملي ع راحتج
واحنه هم نخطب نوسة لعلاوي
لا ماما مااريد
شنو
مااريد مصطفى 
معتبرته مثل اخوي
ماما فكري مااجبرج ع شي اني
بس احسن منه متلگين تره
ماما فكرت وقررت
ابد ابد لا تجيبن هالطاري مااريد مصطفى
زين لحد يقرر بالنيابه عني
علوي يريد نوسه
معلي اني زوجوها اله
اني لا تدخلوني
وصرت عصبيه كمت ارجف
امي كافي كافي ماما
هاي هي خلص حبيبتي 
اني اخابر عمج واگوله

طبيت وضربت باب غرفتي حييل
اسمع امي تكول تخبلن هالبت من يوم مات ابوها
دكيت ع باقر
ها باقر شسويت
كال شنو شبيج كبل لا سلام لا كلام
شصاير
مصاير شي
بس كولي شسويت والله بالي يمك
مصار شي حبيبتي
عمي مقبل يدخل
والله كريم
كلت اني احجي وياه 
بس انتي انتضريني
انطيني مجال
اي انتظرك شعندي قابل
شبيج ليش هيج تحجين بنتره
مبيه شي
لا گولي شبيج لا ضمين شي علي
اه اه
ها شنو شصاير
عمو خطبني لمصطفى
شنوووووو
اي والله 
وانتي شكلتي شصار احجي
ع كيفك رفضت وهسه كلت لامي لحد يفتح الموضوع
ضل يصيح اي مو هو هذا الي اعرفة اني
سديه سديه
شنو شكو
اليوم اطلع بحل لو اخذج واشرد
يااا شجاك كول يالله 
اني كايل يا الله
بس لازم اشوفلي حل
باقر تره انتظرك ماكو مشكله
واني ماانتظر
البارحه عمتي تسئل امي عليج تريد تخطبج
لابن حماتها
واليوم مصطفى علي واني اتفرج
مكرن اني يخطبون بمرتي وكاعد
لا تنسين احنه عاقدين
وانت هسه بالشرع مرتي
اي اعرف بس كلي شراح تسوي
معليج انتي وسده بوجهي
يااا تخبل رسمي
شكد عصبي هالولد
.... باقر....... 
سديت الخط وطبيت لابوي بالاستقبال
كتله يابه اريد ازوج
كال اي متو كاضك متزوج
انت تعرف منو كاضني
ان شاءالله رجعنا لسالفة بنت الحزبي
اي يابه اريدها وازوجها
يعني شنو تعصي امري
اني مااعصي امرك بس انت متفهمتي
اكلك احبها
واني اكلك متاخذها اله واني ميت
يابه راح اخطبها
تعاندني
اي اعاند وراح اروح وحدي اخطبها
وازوجها واطلع من البيت كله
والله اذا سويتها اتبره منك
ميخالف تبره مني
بااااقر تعاند
بااااقر
اجت امي تركض شكو
ابوي لزم كلبه
ابنج هذا يريد يخطب بت نعيم
يريد يموتني
يابه مااريد اموتك بس احب البنيه
وازوجها ازوجها لو شيصير
درت وجهي وطلعت
وامي صرخت ابو باقر  ابو باقر
صرخت
رجعت لگيت ابوي واكع بالكاع 😢
وللحكاية بقيه ام مصطفى