عاهدتني

١٩

#عاهدتني
للكاتبة ام مصطفى
البارت التاسع عشر

حسين..  مراح نلگة احسن من باقر وانتي اعرف بعد بيه
ام حسين..  الصدك تفاجئت باقر وفاتن
حسين ليش لا يمة مابيها شي
باقر ماشاء لله ادب واخلاق
وحالته الماديه زينه
وها گلي اخذلها بيت لوحدها
بس هو حاليا راد موافقه مبدئيه
يكول لحد متدير سنة ابوي يلة اكدر اتقدم الها رسمي
ام حسين..  والله ع كولتك مراح نلكة احسن منة
بس غير اخذ، رأي البنيه خوما احنه الي راح نزوج
اني اهم شي موافقتها
حسين..  اكيد يمة اهم شي موافقة فاتن
بس حتى لو رفضة حاولي تقنعيها
يمة الولد ميتعوض، وواگف النه
ام حسين.. الله كريم وليدي يصير خير
كام حسين
واني رجعت للغرفة طبيت
وضليت افتر واكمز واخيرا واخيرا
باقر تقدملي ايييييي
وافتر  جني جاهل
طبت امي
بسرعه غيرت ملامحي وثبتت 🤗
كتلها ها ماما
كالت اجيت اسئلج بشي بس عرفت جوابه
شكد فشلت واستحيت
كالت اگعدي فاتن خلي احجي وياج
ماما اذا وافقتي ع باقر
لازم تعرفين باقر رجل دين مثل منگول
توقعي منه يلبسج عباه يلبسج بوشي
يحبسج طلعة ماكو
طبه ماكو كلشي، ينحسب عليج ايجوز يبطلعتج من المعهد و 
الي اعرفه عصبي، كلش، 
فانتي خلي كل هذا ابالج 
وبالاول ولاخير هذا اختيارج
مو باجر دكولين متحملت وماكدرت
الي تزوج بعد لازم تتبع زوجها بكلشي
هزيت راسي ايي
كالت هاي هي مدامج موافقة
بس بقت شغله
هسه مااريد يوصل هالخبر لبيت عمج
خلي اخطب نوسة لعلاوي
وعود الله كريم ع ما يجي تقدم الج رسمي
نشوف شلون تصير وي عمج
ان شاءالله ماما
گالت امبين تحبي بس، سؤال
بينكم شي
ها لا ماما 
بس اني احسن من باقر ماالگة
اتفاجئت بحجايتي باوعتلي هيج  😳
وطلعت
ورجعت اكمز من الفرحة
قفلت الباب وخابرته
يمة فدوه لحبيبي الي يفاجئني
باقر..  ها بشري
اهلج وافقوا
فاتن ليش همه يلگون احسن منك
فديتك ع كولة ماما ادب واخلاق وديانة
رحم الله والديج  هذا من فضل ربي علي

فاتن..  باقر فرحانه فرحانة احبك اموت عليييك 
باقر..  لج اني احس جبل هم وانزاح مني
بقت امي راح اكول الها
حتى تحاجي امج 
ليش، بعدك مگايل الها
لا والله  مستحي منها وحاير شلون
ابدي وياها
هسه شدگول مصدگ مات ابوه
وراح يخطب
فاتن..  لا باقر خالتي عاقلة وعقلها جبير وتحبك مااعتقد راح ترفض
الله كريم ادعيلي بس تكمل ع خير
وما يطلع عارض بيها
يارب
صدوگ باقر امي اشترتلي مبايل هديه
هذا راح ارجعة الك
وخلي متخابر ع ذاك احسن 
ع راحتك بس لا ترجعيه شسوي بي ضميه يمج
يجوز تحتاجيه
ان شاءالله 
سديته من باقر
وطلعت ع اساس مستحيه من امي
صعدت يم تغريد
لج شفتي الي صار
اي كال حسين فرحتلج حبيبتي تستاهلين
انتي وردة
والله انتي الوردة يااحلى مرت اخ بالدنيا 
ربي يخليج الي
وينه  ابن خوي العنون
شلته اوووي اوي فديته يخبل
انت وجه الخير كله علينه
حياتي فديتك
فتح عيونة وحرك اديه فدوه حبيبي 
هههههه
كتلها تعالي ننزل ولج استحي من امي
اني وياها وحدنة
احسها شكت
ومااكدر احط عيني بعينها
تعالي انزلي
كالت يله نزلي
واني وراج
نزلت ونزلت ورايه

بالليل امي گالت لعلاوي راح اخطبلك نوسه
واخليها الك لحد متخلص السادس
ازوجك هسه اخطبها واعقد عليها وبقيها
علاوي طاار فرح
ثاني يوم رحنا اني وامي
فتحنا الموضوع وي عمي ومرت عمي
طبعا بسرعة وافقوا
بس مرت عمي كالت ومصطفى
امي جاوبتها شبيه
كالت شلون ع موضوعة
يعني شنو مفتهمت
يعني ع خطبته من فاتن والله ماكل راسي
يعني ماالله هداها
جاوبت بسرعه اني بدال امي
عمه والله مصطفى مثل اخوي
ومالي نفس بي
يصير ازوج واحد معتبرته اخوي
گالت لا ميصير بس هو رايدج
عمه الله يعوضه بغيري
خلي يشوف قسمته اني ماله قسمة وياي
امي حجت
خيه ام جواد
احنه اهل ومانريد نتخارب
البنيه ماهوايته مابيها شي
تره مسئله عادي مابيها لا زعل
هاي عشرة عمر
وهاي حياتهم مااجبرهم ابد
ابوهم الله يرحمه  جان يكول
كلمن واختياره ماعدنه جبر
كالت لا واحنه هم منقبل جبر يجي مصطفى ونكله
عمو كال خلص الموضوع البنت مارايدته
ابنج ماله حق كلمه وحده يحجي
ترحين تشوفيله مره
احنه ماعدنة غصب  بعائلتنه
جاوبته اي يا ابو اجواد الزم ابنك وكله
گلها ملج شغل يجي واعرف اتصرف وياه
موضوع مصطفى انسد
خلونه بموضوع نوسه وعلاوي
شوكت ناوين 
امي كالت الجمعة ان شاء الله  نخطب ونعقد الهم عقد سيد
بيها الخير
نوسة كاعده وردت
كتلها اي عيني بعد شتردين علاوي وخليتي بالجيب
كالت ان شاءالله يوم تخلين باقر بالجيب  😉😱
يمه شمدريج
حبيبتي  تره انتي مفضوحة
واعرف بيج تحبين باقر
ان شاء الله  الله يوفقج
سكتت معرفت اجاوبها
اخاف تجرجرني تريد لو شي
شويه وكامت امي
وكمنا رجعنا للبيت
فرحنا علاوي
وامي خابرت ابتهال كالت الها
وبدينه نحضر للخطبه 
ماما اريد ملابس اخذيني اشتري
اي صار
اخذج بس هسه  خلي نخلص تعزيلات البيت
والتهي بيجن انتي وتغريد وبملابسجن
اي فدوه ماما

........ باقر........
اريد افاتح امي بالموضوع واستحي
احس نفسي استعجلت كلش
بس ما باليد حيله
احس نفسي گمت اتصرف تصرفات مراهقين
من بعد روحتي لفاتن للمدرسه
ابد مجانت حلوه  مني
بقيت الوم بروحي
واخاف تطلع الاكبر منها مني
احس  كمت مااسيطر ع نفسي وي فاتن
واتصرف تصرفات مراهقين
جان لازم اخلي حد وانهي الموضوع
قبل لا يصير شي مو بالحسبان
بقت امي شلون افاتحها
اخاف متفهمني ..
صليت صلاة استخاره واخذت استخاره
قبل لا افاتحها
لان صراحة صارت خوفة بيه ع امي
من بعد ابوي
طلعت الاستخاره زينه
توكلت ع الله واجيت يمها
يمة اريدج بموضوع
كالت گول عيوني الك
يمة بس اتمنى متفهميني غلط 
كالت گول يمة اسمعك
جانت مدنكة وتسبح بيدها
يمة اني حاجين حسين ع فاتن
رفعت راسها متفاجئه
شلون يعني
يمة صراحة اخاف عليها من نفسي
اطب واطلع عليهم
يمة واتخابر وياها
واني تعرفين واحد ميحب هاي السوالف
اريد بالحلال
قاطعتني يمة ابوك مصارله اشهر من مات
شلون تقبلها اخطب الك
شدكول الناس علي
انت تخبها ع عيني وراسي ماكلت شي
ومراح اكسر گلبك
اخذها
بس انتظر لحد متخلص السنه ع الاقل
ما تصبر
يمة مراح اخطبها هسه بس حجايه حجيت
وكتله تخلص السنه يله اخطب
يمه انت متفهميني يمكن
بس لازم هيج اسوي
باقر وليدي الي تشوفه صح سويه
بس خطوبه مااخطب اله تخلص سنة ابوك
دنگت ع ايد امي وبستها
الله يحفظج الي ويخليج خيمه فوگ راسنا
ويحفظك الي وليدي
يمة اختك لمياء مرضة هم مخابرها
اي رحتلها للبيت وانطيتها فلوس
يمة لا توصيني ع اخوتي
لا يمة مااوصيك اعرفك حنين عليهم
......  فاتن...... 
خابرني باقر يبشرني بموافقة امه
واني هم حجيتله ع الي صار ابيت عمي
وكال ان شاءالله الله  خير
وللحكاية بقيه ام مصطفى