عاهدتني

العاشر

#عاهدتني
للكاتبة ام مصطفى
البارت العاشر

من بعد اول يوم قضيناه ابيتنا الجديد
تغيرت حياتنا جذريا
حسين كام يشتغل وي باقر
يروح الصبح ويرجع الضهر
مرات باقر يوصله للباب ويروح
امي كامت تسوي كبب وبورك بالبيت
ونبيع
واني وتغريد نساعدها
علاوي ومرتضى نجحوا والحمد لله
وبدت العطله
علاوي راح يشتغل وي عمو ابراهيم بعيادته
بقى بس مرتضى بالبيت
والحمد الله بده وضعنا يتحسن
فد يوم حسين خابر ع امي كلها
البيت جايين عليه شراي
امي كيفت
يا الله بلكت تفرج
اتفقوا ع السعر، وياعوه البيت
واشترينا البيت الي كاعدين بيه
لان ارتاحينه واستقرينا بيه
زادت كم فلس امي ضمتهن
كالت ازوج علاوي بيهن...
علاقتنا ابيت عمي قوة كولش
لو احنة يمهم لو همه يمنا

فديوم تغريد نزلت لامي كالت خاله
فايتتني ذيج الشغله
واريد اسوي تحليل حمل
امي كلش فرحت لان تغريد صار ٣سنوات مزوجة ماعدها اطفال
اخذتها وراحت للدكتوره
بقيت وحدي بالبيت
دگيت ع باقر
باقر بهاي الفتره يومية نتخابر ابد ماعايفته
خابرت عليه بسرعه جاوب
گال اوگفي شويه واخابرج
صدگ دقايق وخابر
گال طلعت من المعمل لان حسين جان يمي
اي شلونج شخبارج مشتاقلج
شعجب اليوم مخابره بالنهار
كتله وحدي بالبيت
بس مرتضى فوك يلعب بلي
ليش وين راحوا
كتله امي اخذت تغريد للدكتوره
وحسين وياك وعلاوي وي عمو
هااا
اي والله
اشتاقيتلج
واني هم والله
اخخخ شوكت اجيبج يمي تعبت
والله هالشي بيدك
اي صح
باقر اريد اسئلك سؤال
گولي
من دزيت لمياء علي ردت موافقتي حتى تجي تتقدملي
ليش هسه كمت تاخر
معقوله جنت تكذب علي وتريد
بس تتقربلي
لا والله صدك اني ردت اخطبج
بس صارت شغلة اخرتني
شنو هي
شغله مااكدر اكلج
ليش
مااريد اغثج
يعني شلون فهمني
ليش ادوخين نفسج حبيبتي
انت بس انطيني وقت
وان شاءالله يصير خير
اني هم اريد اشتري بيت يله
بس اني مطالبة بيت منك
اي بس اني افكر للمستقبل
اريد بيت خاص بينا
مااريد نگعد وي اهلي
المهم مو هذا موضوعنا
موضوعنا انت غيرته باقر
سئلتك وماجاوبت
باقر:- حجيت بگلبي اخخخ شگلج ابوي مايقبل
اخاف اگلها وترجع تنتكس حالتها
خلي اسكت احسن
باقر وين رحت
وياج عيوني
اندگ الباب
لحضة باقر بس اشوف منو بالباب
اوگفي وين وين
شنو انت اطلعين تفتحين الباب
اي شكو بيها
لا روحي نزلي مرتضى يفتحه
بس اكول منو من وره الباب
لا روحي صيحي مرتضى
كتله زين يله سده
لا مااسده خلي مفتوح الخط
كلشي يصير
مو خاف امير يشوفه
دبري حالج ضمي بجيبج
باي مكان
اوووف منك
يله روحي
صعدت الدرج گمت اصيح مرتضى مرتضى
هااا
الباب يدگ
اي افتحيه
ولك تعال انت انزل مو الباب تفلش
نزل اهوووو شبيج مگرمة متفتحيه
ولك خاف رجال لو عصابة
هاا اي
كام يتاحم
منووو جاوب اني مصطفى شبيكم
كتل امداج نزلتيني هو مصطفى
فتح الباب
ومصطفى سلم
شبيكم متفتحون
والله اجيت اروح عبالي ماكو احد
گله هاي الخوافة تخاف
ها تغريد جبانه
لا مو جبانه ولك بس كلت خاف غريب
مرتضى طب طب مصطفى
طب جوه واني صاعد اكمل لعبي فوك
دخل مصطفى جوه
يبووووووي
الخط مفتوح وباقر يسمع
احس راح يطلع من المبايل
اني خاله المبايل بالردن ولازمه ردني باصابعي خاف يوگع
زين شلون اسده كدامهم
مصطفى لعد وين الجماعة
كتله امي راحت هي وتغريد للدكتوره
هااا
والولد بالشغل
اي وانت شلونج
شنو ناويه ترجعين هاي السنه
اي ان شاءالله راح اقدم نقل
اي گولي اخذج اني اجيبلج نقل
واخليج وي نوسه اداومين
نوسة هالسنه هم ثالث
كتله ان شاءالله
تدرين احسج احسن من ماجني بذاك بيتكم
شويه راده روحج وحليانة
يااا خرب حظي شجاه هيج يحجي اليوم
هذا هم حضي المصخم حجاه
ابتسمت اله حتى منطقت كلمه
خفت من باقر
كتله بس اسويلك جاي واجي
لا عليمن متعبه روحج اجيت اشوفكم واروح
بس مدام محد اهنا مااعوفج وحدج
وي هذا الاثول مرتضى
تجي عمتي يله اروح
كتله اي ميخالف بس اسوي جاي
كمت ركضت للغرفة
اول شي باوعت ع المبايل بعده الخط مفتووح
يبوووي يبوووي
جاوبت الو 😬
راح اسده
وهو عاط بيه
ايييييي اخذي راحتج ست الحسن
روحي سولفي وي مصطفى
كتله بعدين يله باي
وسديته
اهوو شيخلصني منه
لزمت المبايل وغلقته
وذبيته بالكنتور
خرب حظي شجابك مصطفى
معقوله اكو هيج صدف
هسه شكد نلتقي بس ميحجي هيج
فگري هذا حجاه
خليت القوري ع الطباخ
وصعدت لهذا المگرن مرتضى
اول شي طفيت البلي من النقطه
وهو كمز خررررب ليش هيج
مو وصلت مرحلة
كتله انت ولا تستحي
مخليني وحدي وي الولد
تجي امي واكلها
روح انزل يله
ضل يدردم
ضربته ع ضهره ولي يله ولي
نزل ونزلت وراه
صبيت جاي وجنت مسويه كيكه
خليت كم قطعه الهم
وقدمت الهم
يضل يوسلف مصطفى واني بس ايى
اگوله كلشي ماافتهم
بالي كله يم باقر ادري بيه محرگاني
واعصاب هسه الگاه نار صاير
يربي شلون بيه
شلون اخابره بعد انوب سديت الخط بوجه
وهو محذرني من هاي الشغله
شويه واجت امي فرحانه
وتغريد طايره فرح
كالت فاتن اني حامل باركيلي
ولج ولا مصگه اني حامل
سلمن ع مصطفى
وطبت دكت ع حسين تبشره
خطيه طار فرح
مصطفى راح
وامي انوب گلبتها مناحة ع ابوي
گالت جان يتمنى يشوف بزر حسين
الله يرحمك نعيم
الله ماكاتبلك تشوف احفادك...
گوه سكتناها
اجه حسين من الشغل جايبة باقر
بس ماطاب
خطية طاير فرح
الف الحمد الله ياربي
ضليت قافله مبايلي گلت يهدأ يله
ثاني يوم بالليل فتحت
واجت الرسائل ادگ
وينج وينج
گلت خلي احاجيه برسايل بالبدايه
اشوف شنو وضعه يله اخابره
كتله هلو شلونك
جاوب وعليكم السلام
زين ذكرتي
وين جنتي
جاوبت
والله ملتهين ومكدرت اخابرك
باقر..
اي بمصطفى ملتهيه يتغزل بيج
فاتن
شبيك باقر غير ابن عمي قابل اطرده
باقر..
لا يابه اقفلي المبايل بوجهي والتهي وياه
... فاتن.
😊 شبيك ياعيني
باقر.. وعمه بعينج
وج ابو ابوي محروگ من البارحة لليوم
وانتي ولا يمج
فاتن...
ع شنو تره ماصاير شي
باقر...
اي مو انتي زعطوطه وماتحسين
صوجي اني حبيتج
فاتن... 😟
شبيك ليش هيج تحجي علي شمسويه اني
باقر...
غبيه وثوله راح اتجلطيني
خابري كافي رسايل
فاتن
اخابر بس بشرط واعدني
باقر
انوب تشرط
شنو شرطج
فاتن متعيط علي حباب والله اخاف منك
هسه اني شعلي هو كال صايره حلوه
حتى محجيت
باقر..
ههههههه فطيره مو اكلج مو بيدج
خابري مااعصب عليج
فاتن...
يمة فديت حبيبي الوردة
يله جاوب..
دكيت جاوب
صرت عاقله
كتله السلام عليكم شيخنا كيف حالك
ان شاءالله الله باحسن الاحوال
ادعو من الباري عز وجل ان يهديك
ع فاتن بنت حواء
وهو مات ضحك 😂
ضل يضحك
يمه فديت ضحكت
ولج انتي هم بيج بله طلع
لا والله فقيره
وج والله متحلفلج
بس ماادري من اسمع صوتج اضعف
اي لعد شعبالك عيني صوتي مو سهل يخبل فديته
اي طالعة عينج
شمسوية شعلي اني
تريدني تعال اخطبني
اخخخخ هو لو بيدي جان مااتنتضرتج تطلبيها مني
المهم فاتن اني ثاق بيج واعرف اخلاقج زين
بس اخاف تنطينه مجال انوب يتمادى وياج
وتحلين بعينه ويجي يخطبج
خصوصا علاوي يحب بنت عمج
يعني اكيد راح يردوج لواحد من ولدهم
تره مبينه
كتله اني اريد اكمل الثالث هسه
مااعتقد امي توافق
ولا اني
وماكو هيج موضوع حاليا لا تخاف حبيبي
وحتى لو يصير ثق راح ارفض
بس انت هم استعجل
ورتب امورك
اي ان شاءالله احلها
هي شنو الي تحلها لوبس تفهمني
ماادوخج بيها
المهم باجر خطبة لمياء لابن عمتي كرار
متجين
لا مااكدر تعرف احنه بعدنه حزنانين
ان شاءالله ع الحنه اجي
ان شاءالله
يله اروح انام
روحي في امان الله
سديته منه
وضليت بس افكر شنو الشغله الي
مانعته يجي يخطبني
معقوله يردوله بنت عمته لو بنت عمه
هيج مره سمعت من امه
اي يمكن
بس باقر يحبني
اكيد مراح يقبل
وراح يخطبني
اهم شي اخلص الثالث هسه
والله كريم....
مرت الايام وقدمت نقل من مدرستي
لمدرسة قريبه علينا
كمت اداوم بالثالث متوسط
اني ونوسة فد صف واحد
اني صرت شاطره كولش باعتبار المواد
كولها دارستها
فديوم خابرت ام حسين
ع امي
وگالت الها معزومات بحنة لمياء
ولازم تجون
امي حاولت تتعذر منها بس ام حسين
كالت والله ازعل
تره الحزن بالكلب
واحنه تعرفينه اعراسنا لا بيها دگ ولا رگص
صفگات اسلاميه نشغل
لان باقر ميقبل
عليج القران جيبي البنات وتعاي
امي وعدتها نجي
وللحكاية بقيه
ام مصطفى