عاهدتني

١٦

#عاهدتني
للكاتبة ام مصطفى
البارت السادس عشر

طلعت وسديت الباب بيدي
وانداريت اتخطى بخيبة امل 
انفتح الباب
وكال فاتن
درت وجهي باوعتلة ونزلت دموعي
مااعرف راد شيگول
شاف ضمياء واگفة منتضرتني
رجع طب للاستقبال
مسحت ادموعي 
وكتلها يله رجعت كعدت يم امي
گالت تاخرتي وين رحتي
جنت احجي وي ضمياء واگفة
كامت امي كالت اترخص
بس قبل لا اروح اريد اسلم ع باقر واحجي وياه
ام باقر.. ياريت والله بلكت من يشوفكم
يرتاح هو هواي يحبكم
وباوعتلي
امي كالت الها باقر وليدي ووهواي اعزه نعم الاخلاق والتربيه شيخ باقر

طلعنا من غرفة ام باقر
دگت الباب ام باقر
باقر يمه هاي ام حسين تريد تسلم عليك
فتحت الباب وفاتت
وامي فاتت وراها واني وكفت بالباب
جان كاعد
بسرعة كام وكف
امي گالت شلونك وليدي  البقية بحياتك
خاتمت الاحزان ان شاءالله 
باقر :  الله يسلمج ويعزج خالة
وليدي اعرفك قوي ورجال تخاف الله وتعرف الموت حق
ميصير هيج تسوي بنفسك
وهاي امك المگروده تباوعلك  لا تكسر كلبها وليدي
هز راسه  يصير خير  ان شاءالله 
استريح خالة اخذ راحتك نروح احنه
باوعلي  وخلة ايده ع راسة
ودنك
عرفت يعني شعري طالع
ابتسمت اله وعدلت حجابي
وطلعت 
اول مره ميكول اوصلكم 
رجعنا للبيت بس احسة روحي ردت بشوفته
........  باقر.........
من شفتها رف گلبي عليها 
رغم اني اكول مااريدها كرهتها بس
طلعت اجذب ع روحي
طلع حبها اكبر مني  ومنها 
كمت ارجف رجف عليها
گوه لازم نفسي
اريد اركض عليها
اريد ابجي بحضنها

اخخخخخخ اخخ 
كتلها ماافيدج بعد وكلبي يتكطع عليها
كلت الها انسيني وروحي
مااريدج
بس والله احجي من وره كلبي
اني حس بالذنب بعد مااكدر ابقى وياها
لان مااكدر ازوجها
مااريد اخليها تتعلق بيه اكثر

طلعت مقهوره مني
ركضت وراها احبها اريدها ياناس
ردت اكلها ابقي وياي لا تعوفيني
اتحمليني هالفتره
بس  اختي جانت واكفة
رطعت طبيت 
استغفر اللة
بلكت ربي يغفرلي الي سويته بابوي 
ورجعت احس بالذنب اتجاها
وره شويه امها اجت حاجتني
واني عيني عليها
شعر راسها طالع 
خاف تطلع بره وينشاف
اشرتلها ابتسمت
اخخخخ  شبيدي عليج  شبيدي
كلشي واكف ضدنا
راحت روحي  وياها
رجعت فتت اجت امي
ام باقر :  يمة باقر  كافي تلوم بروحك ومعتزل
كوم شوف شغلك كوم احنه منو النه غيرك  يمه ابوك الله يرحمة راح لدار حقة
لا تحمل نفسك ذنب مالك بيه
يمة اني كتلت ابوي اني جلطته
ام باقر :لا يمه  ابوك صاعد ضغطة من الصبح  بالليل انقهر ع لمياء، وضاج
يكول مكانها فارق
وراح قاس ضغطة معلك
حتى روح اسئل ابو حمزه المضمد
كله ابوي شكد جان ضغطة العصر
باقر : ادري بيج دكولين هيج حتى ماالوم بروحي
ام باقر..  الله شاهد هذا الي صار
وانت اجيت صارت بوجهك صرت سبب
باقر..  اي اني السبب
يمة كافي كوم لا تلوم روحك وليدي
صدگني هذا الي صار
الله يرحمة ابوك عصبي وع كلشي يعصب
بعدين رجال جبير هو ضغط وسكر وذبحة  بيه 
انت مالك علاقة
باقر..  حضنت امي وبجيت يمه
راح اموت حاس بالذنب ابوي مات وماراضي عني
شلون الله راح يوفقني
باجر راح يطلعها بجهالي
اني شلون عصيته
يمة انت معصيته
شبيك وليدي انت ابو الفهم والعقل كله
معقوله افهمك اني
انت ماازوجت ولا خطبت
حجايه حجيتها 
بعدين ابوك جان غلطان اني هواي حاجيته كتله نعيم ماله علاقة باخوك
بس هو مصر  ع رائيه
الرجال عشرة عمر ويانه
يجوز جان مأذي غيرنه
بس احنه لا يحبنا الله شاهد
بس شسويله هاي عقليت ابوك بعد
والقران يكول
بسم الله الرحمن الرحيم
: وَإِن جَٰهَدَاكَ عَلَىٰٓ أَن تُشْرِكَ بِى مَا لَيْسَ لَكَ بِهِۦ عِلْمٌ فَلَا تُطِعْهُمَا ۖ وَصَاحِبْهُمَا فِى ٱلدُّنْيَا مَعْرُوفًا ۖ وَٱتَّبِعْ سَبِيلَ مَنْ أَنَابَ إِلَىَّ ۚ ثُمَّ إِلَىَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ
صدق الله العظيم
يعني  يايمة مو بكل الامور نطيع الوالدين
يعني اذا ابوك يكلك اكفر تكفر
اذا كلك بوك تبوك
اذا كلك اظلم تظلم
مايصير يامة تظلم الرجال وانت مشايف شي بعينك
ولا تظلم البنية بذنب ابوها
الله يرحم ابوك وابوها
كوم يمة كوم   روح لشغلك 
تره كلنه نباوعلك
وابوك هذا يومه
وهذا حده من الدنيا
باقر..  ركضت دنكت ع ايد امي وبستها
الله يخليج النه يمة
ربي يوفقك وليدي ويهنيك بشبابك
واشوفك عريس
من بعده هالكلام
احس خف شعوري بالذنب
اتجاه ابوي

كمت سبحت  وطلعت لشغلي
.....  فاتن......
رجعت للبيت   وبالي كله يمه
وادعيله  يعدي هاي المرحلة
صح كلي انسيني وعوفيني بس
اعرفة مو من كلبة هيج يحجي
حقة يشعر بالذنب لان تسبب وبموتت ابوه
رجعت لكيت بيت عمي يمنا
سلمت ع عمو وباوسته
هواي احبة عمو حنين بشكل علينا
وسلمت ع مرت عمي
ومصطفى وجواد ومرت جواد جاي
وابنها الصغير فدوه جان عمره اشهر
شلته وكمت ابوس بيه فدوه شسمة
   سجاد
اوي فدوه لسجودي حبيبي
خليته بحضني وابوس بيه
كلت لتغريد شوكت اتجيبينه نفسه
كالن هانت بقى كم شهر 
اي اخذه الي ماانطيج اياه
ضحكوا كلهم
عمو كال باجر تزوجين ويصير عندج
طفل والعبي عليه
كتله عمو اني هسه ممفكره بالزواج
كال اي عفيه التهي بدروسج
مصطفى معجبة الحجي ضل يباوع علي

مرت جواد كالت عيني شحصلنا من الدراسة
اول ع تالي نحط الشهاده بالكنتور
ونصير ربات بيوت 
كتلها المهم عندي شهادة
انطيتها ابنها وكمت
اروح اغير ملابسي
طبيت لبست تراكسود
اسود
بعدين اذكرت مصطفى هنا وباقر ميقبل ع هاللبس
اووف  شينزعني ويلبسني هسه
رغم اهلي  منطينه حرية بالبس والحجاب
شنو نلبس ميحجون
بس اني كمت احسب حساب لباقر
صراحة اتمنى البس بناطير وذيق
بس احب باقر ومااريد ازعله ابد
رجعت غيرت ملابسي
لبست دشداشة وطلعت
كاعدين همه بالاستقبال
دخلت للمطبخ
اجت تغريد وراي ها شصار
اووف شحجيلج  شفته
وانمرد كلبي عليه شصاير بيه
لج منتهي  وضعفان
اووف سوده عليه
اي وشافج
لج شفته وحجيت وياه
حجيت الها الصار
كالت خطية والله قهرتيني
الله لا يخلي احد بهيج موقف
تدرين اذا عافج ماالومة  لان كولش صعبة ابوه يموت بسببج
لج واني شكو
بعد الله يرحمة هاي عقليته
يله المهم هسه شنو نسوي عشه
ان شاء الله هابجيش كله راح يتعشى عدنه
اسس اسكتي فضحتينا
لعد نطردهم
اكلج خابري حسين يجيب من بره احسن
اي والله خوش فكره
كوليله حتى المقبلات من بره
اي راح اخابره
اكلج شكو جايين كلهم
خاف هم يعيدون سالفة الخطوبة
كالت لا ع مود دورة السنه مالت عمي
مالت ابوي
اي
صدك بعد اربع ايام يعني الجمعة
اي
حيل شبسرعة صارت سنة تركض ركض الايام
اي والله
شوية واجه حسين جايب الاكل
دجاج محشي ومشوي
ومقبلات وصمون
صبينا الهم
اني اخذت لفة ورحت
اكلوا وراحوا
ولا كعدت يمهم
حسين من طلعوا كال اليوم باقر اجة للمعمل
امي كلتله شوكت كلها قبل ساعتين
ايييي الحمد الله  خطيه امة تشكي وتبجي عليه دكول مصدوم
اي خطيه بس هم بعده مو نفسه ذاك باقر
بعده ضايج ومتعقد
اي لعد شلون يايمة غير ابوه ميت هستوه
اي صح
من كال هيج حسين واي فرحت
يعني كدرت اطلعة من الي هو بيه الف الحمد لله والشكر
وللحكاية بقيه ام مصطفى

ابد متسوون واهس للكتابة  ماكو تفاعل قوي ابد
راح ارجع ع يومية بارت احسن