#عاهدتني
للكاتبة ام مصطفى
البارت التاسع والعشرون
طب حسين هو وامي
شبيج كالوا شكوا
كتلهم اخذوني وياكم
امي كالت اسم الله شبيج يمةة
يمةة مااتحمل بعد ماابقى هنا دقيقة
وج بس، فهمينه شكوو
باقر خبلني خبلني راح اموت
ليش شبيه
حسين كال كافي بجي وصريخ فهمينا شكو
ورجلج وين
راح يم مرت عماد نص الليل شايفين هيج
امي ضربت ع وجها يااا شيسوي ولج
بس لا ازوجها
لا لا مو هيج
لعد شنو
حسين صاح غير تفهمينه احجييي
حجيت الهم من البدايه
لحد هسه كولشي
حسين كال تره الولد مغلطان بشي،
صح هو يحب يساعد
واني اعرف باقر
هواي يساعد ناس
مشوفين الله رازقة
بالاخص الايتام ينطي صدقات هواي
كتله اي ع عيني وراسي
بس مو كل شويه رايح يمها زودها كلش
امي كالت هو شيكول
يكلي ماعندي شي بس اساعدهم
زين الله عليكم اكو واحد رايح بهيج وكت لارملة
تخابره تعال شنو هالميانه الزايده
اذا مو اكو شي بينهم
كال حسين استغفر الله لا تتهمين الناس
خلي يجي ونفتهم
كتله اخذني مااريد اشوفه
مقبل كال مااخذج يجي رجلج يله
يقبل ياخذج اخذج ماكو تبقين
انت شبيج تردين تهجمين بيتج بيدج
لج بابا باقر خوش ولد
ويخاف الله خلي يجي
واكيد نتوصل لحل
ونشوف عذره شنو
امي اي يمة خلي يجي رجلج
لا تلزمين حجايه عليج
ع انو طلعتي بدون شوره
ننتضر يجي ونروح
ضليت ابجي ماابقى اروح
صاح بيه حسين كافي مزعطة اعقلي
صرتي مره مزوجه
عيب هالتصرفات ع كلشي تبجين واخذوني
زوجوني طلگوني جاهل انت
سكتت
طفوف نامت ع ايدي
خليتها بسريرها
ونزعت عباتي علكتها
جنت لابستها وواكفة
ضلوا يحجون بينهم امي وحسين
شويه سمعنا صوت سيارة حسين
فتح الباب وفات.
شاف حسين وامي تفاجى
سلم عليهم
وباوعلي كال ها تعاندين وسويتيها صدك. مع الاسف
صدك ماخذلي جاهل ومتقدر شي
كتله لا دكول جاهل كافي
حسين صاح بيه اسسسس
لا تراددين زوجج
كله لا عوفها تعودت ع لسانها
امي كالت خاله باقر البنت تخاف ع بيتها هم حقها
ومو حلوه من مرت ابن عمك تخابر
بنصاص اليالي وتروح الها وحدك
باوعلي وهز راسه
وعيونه جانت تعاتب
كال خاله انتي وواحد خابرج
كلج اريد منج مساعده تعالي، وشغلة حياة وموت مترحين
خاله ع عيني وراسي بس ادوس بيت ارملة نص الليل وحدك
كلها متو كال وحدي
اخذت اخوي محمد ورحت
بعد ماتوسلت بيها تروح وياي مقبلت
سكتت امي
واني حجيت كتله وشنو هي تخابرك
نض الليل انت كفيل وكيل بيها
متستحي
شنو ماعدها اهل
تره مصختها زياده
خلي دكول راسمه عليك وتخلص
كافي فاتن عيييب استحي
هاي اعراض ناس
وهاي مرت ابن عمي مااقبل هيج
تتهمينها
رحت ودينا البنيه للمستشفى وعفتهم
ورجعت
طار مني شي كولي
واني شمعرفني شصار
وشلون اصدك هي ماعدها شي وياك
ليش انتي مثقين بيه
لا اثق بيك بس بيها مااثق
اني اخاف عليك
اغار عليك حقي لو مو حقي
كال استغفر اللة
يله هاي تصرفاتها كدامكم
فهموني شسوي والله خبلتني
تريدني ملك بيدها
مثل اللعبه تجيبني منا وتخليني منا
واني رجال والي هيبتي كدام اهلي
وجبيرهم والناس معتمده علي
يعني الي يدز علي بشغل لو يطلب مني شي
لازم اتعذرله مااكدر مرتي تغار
هاي سالفة بله
اني هالشفله متصرفلي فاتن
لو تعقلين لو كلمن يروح بدربه
امي كالت اسم الله شجاكم
صلو ا ع محمد
اني كمت جريت الجنطه ولبست العبايه
كتله كلمن يرح بدربة
باوعلي
احسه يريد يبجي انقهر كلش
كال براحتج
حسين لج ذنو هالحجي اكعدي واسكتي يله وصالحي زوجج واعتذريله
وكافي هاي السوالف تغارين وتخافين
كله عوفها حسين تروح وياكم
خلي ترتاح مني تعبت هي وياي
اني مأذيها
امي كالت خاله باقر هي نفسيتها تعبانه وحامل
خلي اخذها كم يوم ترتاح واني بيدي ارجعها
كالها اي خاله اخذيها
مو اكلج ترتاح مني
ع راحتج فاتن روحي ارتاحي
لزمت جنطتي انطيتها لامي ورحت شلت طفوف
جانت نايمه
اجه هو دنگ ع طفوف باسها
وذب حسره
كال اوصلكم اني
راح الوكت ماكو سيارت
صعدت بالسياره ليوره
وحسين ليكدام
وطول الطريق محجه ولا كلمه
بس يباوعلي بالمراية
كلما ارفع راسي اشوفه يباوعلي
وادير وجهي
بس اني طول الطريق ابجي متت
مااريد اروح اريد ابقى يمه
بس كرامتي متسمحلي بعد
اختنكت كلش
كمت اكح حيل وابجي
امي كافي مو انت حامل راح تموتين
هو كال هسه عليمن هيج مسويه بنفسج
الف مره اكلج والقران والقران ماعندي شي من الي ابالج
عود ليش هيج تسوين
اني بس اكح اختنكت
وكف السياره
واندار فتح الباب
بيج شي
ضل يمسح ع راسي
كل لحسين يمكك البطل مال مي انطيني اياه
اخذه ضل يشربني
مي كافي خبالات كافي بجي
سد الباب ورج ع يسوق
واني الگحه جلبت الي
احس روحي طلعت منها
لحد ماوصلت للبيت
نزلت
امي اخذت بنتي مني
نزل حسين وامي كدامي
وباقر كال فاتن
يومين واجي اخذج
هزيتله راسي اي
حسين صاح عليه فوت
گله لا تاخر الليل رايح
راح واحس روحي راحت وياه
والله متت ياربي مااعرف شريد
دخلت للبيت
خطيه تغريد لكيتها جوه نازله منتظرتنه
شافتني
اجت بسرعة حضنتني شبيج
ضليت ابجي يمها
كافي حبيبتي ليش، تبجين شصار
امي نومت طفوف
واني نزعت عباتي
ورحت لغرفت امي لان غرفتي اخذها مرتضى
واجت تغريد يمي
شبيج لج فهميني شصاير
حجيت الها
يا لج هاي صدگ متستحي،
تره هاي راسمه عليه والله
شافته عنده فلوس ورجال دين
واقاربهم ويحب جهالها
كلتلج اجلب بي
ايييي تغريد هو هيج احس
بس باقر ميفهمني يكلي ماكو هيج شي
لا والله اكو من جانبها
يجوز باقر ع نيته يسوي وياها خير
بس هي لا ترسم عليه
والحل شنو تغريد
اني اضل اتفرج لحد مازوجي روح مني
لا حقج بهاي حقج والله
دنحجي اجتني رسالة منه فتحتها
كاتب مكانج خالي بالبيت
شوفتها لتغريد شوفي
لج والله يحبج باقر
بس هذا كيد نسوان
شبيج يحضي جاي وعايفة بيتج
هسه يخلالهن الجوو
لج مااتحمل تعبت كمت اشك حتى باظافري
بس والله طلعتج غلط من البيت
تعبت تغريد
خليني ارتاح كم يوم وهو هم يرتاح مني
مشاكل من استشهد ابن عمه ولهسه
نفس الموضوع
تعبت كلش...
بيومها تاخرنه بالسهر اني وتغريد ضلينا نسولف
الصبح كعدت متاخره
باوعت طفوف مو يمي.
اسمع صوتها بره الغرفة
كمت صبحت ع اهلي لكيتهم كاعدين
ونوسة نازله هم
رحت غسلت وجهي
نوسه كالت شنو زعلانه
كتلها لا مزاعلانه اجيت ارتاح
هاا
عبالي
امي خلت الريوگ الي
كعدي يمه تريگي
اكلت نزل علاوي سلم علي هاشلونج شعجب
هنا بايته شنو
كتله اي والله مريضه
نوسه تباوع صفح....
للعصر رجع حسين من الدوام
كال شنوا فاتن ترجعين
باقر حاجاني عليج وانت هم ع كيفج وياه ميصير تشكين بيه
كتله اني مااشك بي
اني احافظ ع بيتي
بس الرجال ماعده شي
هو ماعنده بس
هنه نيتهم غير وتثبتلك الايام
دخلت نوسه
يمكن جانت تسمع
شنو زعلانه مو دكولين مزعلانه
حسين كلها لا مزعلانه سوء تفاهم بينهم
جان دكول والله انت وحده متعفيه
بيت وحدج وذهب ودلال
واهلة خدم الج صايرين بعد شتردين
لا تتعافين ع نعمتج ورجعي
كتلها انتي منو دخلج بالموضوع
منو طلب رأيج
كالت فوكاها فوك ماانصحج
اشكرج مااريد نصيحه وفريها لنفسج
حسين كال هاي شبيها
كتله مسمومه وطلعت سمها علي...
لليل خابر باقر
ها فاتن اجي اخذج هديتي
كتله وشنو سويت
من تجي تاخذني راح تتغير
كال شلون اتغير فهميني
تعرف شريد
تكطع علاقتك نهائيا بيهم
ترجع مثل قبل بس بالمناسبات
تلتقي بيهم
كال هذا حجي بله
فاتن اعرف شتفكرين
بس والله الي ابالج ماكو ولا يصير
لا تعبين نفسج واتعبيني
وتخربين حياتنه بهيج سوالف تافهة
اني احبج وانت تحبيني
اتركي كل هاي الامور
واني عاهدتج قبل مااتخلى عنج ولا ازوج غيرج
وهسه اجدد عهدي امام الله
ماازوج عليج
خلص ارتاحيتي
اي ارتاحيت
يله لعد حضري نفسج جاي
وره نص ساعه اجه اخذني ورحت
والطريق كله يحجلي كلام
ويشعر الي
جان فرحان كولش
ورجعت لبيتي
بعد مرور شهرين جبت ابني سجاد
باقر كلش فرح بيه
وجابلي هدية كلاده ذهب وزنها عشر مثاقيل
ولبسها الي واني بالمستشفى..
وره فتره
كلي اريد التحق بالحشد
ماقبلت وعارضت
كتله ماتروح ضل يحجيلي عن الجهاد
وقصص وروايات
ومااقصر وياج وووو
رغم كلشي اني رفضت
بس هو مسمع حجايتي
وقدم اوراقة
قبل لا يلتحق عمه دز عليه
وباقر راح
ورجع باليل ضايج حيل اول مره هيج اشوفه
شبيك باقر مجاوب
كتله شكو
كال ميخصج لا تدخلين
شويه وخابر محمد
وضل يحجي باقر يكله بله هذا طلب يطلبه مني
اساعدهم اي ادزلهم مصرف اي بس مو يكلي ازوجها
محمد انت روح وكله باقر رافض هاي السالفة
اني رجال مزوج وثانيا اني قدمت اوراقي بالحشد مافارغ لهاي السوالف
اني مرتي هسه محتار بيها
اروح اجيبلي علاگه ثانيه
وللحكاية بقيه ام مصطفى
أنت تقرأ
عاهدتني
Roman d'amourقصة حب عراقية بين شاب عراقي ملتزم دينيا ومراهقة تحب ان تعيش الحياة بعفويه بدون تعقيد
