عاهدتني

٢٤

#عاهدتني
للكاتبة ام مصطفى
البارت الرابع والعشرون

بديت اطلع اختار بدلات العرس والحنه
وحجزت صالون
ردت اميش شعري
گلي شعرج يخبل اسود
وانتي بكيفج بعد
كتله عاجبني اغير ع العرس گلي هاي هي
ع راحتج
قبل عرسي ب ٣ايام
جان عرس مصطفى ابن عمي جان عرسة يوم الاثنين
واني الجمعة
گلت لباقر تره عرس مصطفى
باجر واروح
گال روحي  بس استري روحج ماوصيج
ما اريد مكياج وسوالف
كتله لا بس يم البنات
لو هم ميصير
كال اني اقصد بالمكانات المختلطة
بس بنات مالي شغل بيج
كتله اعرف والله
زين لعد  روحي
من الصبح اخذت ملابسي
ومكياجي وذهبي ورحت اخذني علاوي قبل امي وتغريد
وصلنا الهم سلمت ع البنات
كتلهم اجيت من وكت اساعدكم
مرت عمي هله بيج متقصرين
مرت جواد رافعة خشمها ع شنو مااعرف
المهم
ضليت اساعدهم
نوسه احسها شايله مني مااعرف ليش
بس اسوي نفسي عادي
اجتي عمتي وبناتها
وابتهال وخلات مصطفى
بعدين امي وتغريد
صبوا غده  وساعدهم بغسل المواعين

بعدين غسلنا كلتهم راح ابدلةتردون شي
عمتي كالت مقصرتي
قتحت جنطتي ولبست احلى لبس مال النيشان
جان قاط بنطرون وستره وكعب عالي وفتحت شعري جان هسوتني اميشته
وكاصته ع طوله مدرج
مكيجت خفيف ولبست ذهبي كله
وطلعت بالصاله  بس النسوان بيها
كلها تعجبت بيه
صلوات وصلوات
نوسه تخبلت  اجتني اكلج هذا كله الذهب اشتراه الج خطيبج
كتلها اي
ها زين يعني تشترولي نفسه
كتلها والله مااعرف
تره كلمن امكانيته
عافتني وراحت
هاي شبيها  او عبالك كاتله ابوها
ماهتميت الها
وكفت اصفگ وي النسوان
جانن يهوسن
شويه وكالوا منو يروح للزفه
امي اشرتلي مترحين
كتلها لا مااروح باقر ميقبل
خليني هنا
كالت اي زين
راحت امي وكل الينات بقيت اني
ومرت عمي وابتهال
كالت مااروح جهالي اجرجر بيهم

ضلينه نسولف
كالت شبيها نوسة انتبهت عليها بس تباوعلج بحقد شكو
كتلها والله ماادري حتى اني تفاجئت ماعندي شي وياها
بس دكلي اريد تشترولي بكد ذهبج
يا عزه واهلي منيلهم
يادوب امي ضامه الها كم فلس
للغرفه والعرس
كتلها مااعرف  همه يتفاهمون
وره ساعه اجت الزقه
وطب العريس
اني دخلت بالغرفه لحد ماراحوا
ضلت بس النسوان
طلعت العروس كلش حلوه جانت اية من الجمال
باركت الها
بعدين صبوا العشه
تعشينا ورجعنا للبيت
ثاني يوم العصر تقاجئنا بعلاوي
يصيح اريد افسخ الخطبة
امي اسم الله شبيك يمه
مو كتلت نفسك عليها
اي مااريدها هسه
كلي شصار شكو فهمني
يمه مااريدها مااريدها خبلتني
شنو شتريد
تريد ذهب بكد ذهب فاتن
وتريد بيت وحدها مثل فاتن
خبلتني
فاتن هيج وباقر اشترالها  هيج
هاي من اولها تغار مااريدها
امي. يا شوف الحظ
شجاها تخبلت
يمة والله لوعدي مااقصر عليك
جم فلس زادن من البيت ضميتهن لعرسك راح اصبغ الغرفة الفوك
واشتري غرفة نوم بيهن
وتعرف احتياجات الغرفه فراش وبردات
وبلزما وصوبه وسبلت
كلت اجهزك بيهن
وفلوس العشه مالت العرس
والذهب كلت من فلوسك الي ضامهن عندي
من شغلك وي عمك بالعياده
وحسين كال اني ضاملي جم فلس اجمله
يعني يادوب يجيبن حلقة ومحبس وتراجي وكلادة
بعد منين اجيب الباقي
كلها يمه اعرف اعرف لعد ليش اكلج فسخي الخطبه
مااريدها
يمه اقنعها
متقتنع من البارحه لليوم خبلتني
وهسه رحت شكيتها لعمتي
عمتي صفت وياها
ياااا شوف الحض