عاهدتني

٢٣

#عاهدتني
للكاتبة ام مصطفى
البارت الثالث والعشرون
يگولون ايام الفرح قليله  وتمر بسرعة
احلى ايام خطوبه عشتها وياه
الليل نهار نسولف بالمبايل
اخذني اني وامي نشتري ذهب
گلي اختاري الي يعجبج لا تفكرين بالفلوس
امي گالت هي عدها ذهب عدها محبس مالتها وتراجي وانت اخذت كلادة وحلقة الها افضل
تشتري اساور احسن
گلها خاله اليعجبكم اساور وفوگهن هم
اختارتلي امي اساور حلوه سته
لبستهن بيدي يخبلن
بعدين اشر ع تخم 
وكال يعجبج هذا
امي كالتله لا خاله كافي
كلها خاله تستاهل فاتن
واني عندي خير من الله
خاله الله يرزقك ويزيدك
بس كافي هواي تره
خاله اني اشتري لزوجتي مو لغريبة
يعني النه باجر عكبة احتاج تبيعهم الي
وان شاءالله  ازيد الها ماابيع اذا الله رزقني
ان شاءالله ربي يرزقك اكثر واكثر
بقت الملابس انتوا اشتروا انطيكم فلوس واشتروا
امي كالتله ع راحتك
رجعتا للبيت فرحانه بيه وبالذهب
امي ميوكع من السانها باقر
بس تمدح بيه
دگلي والله الله يحبج  وخله باقر بطريقج
شنو من اخلاق 
صدك ابن خير  شلون يعرف يقدر
ربي يوفقكم ويبعد كل نكروه عنكم

وره كم يوم خابرني كال باجر نروح ع مود العقد
ونسوي تحاليل مال تطابق مال دم
حضري نفسج
كتله ان شاءالله 
الصبح كعدت اتريگت
ولبست النفنوف الي جبته من سوق الكاضميه اني وياه
وحجاب نسقته وياه
وسوسلي الشيطان خليت كحل لعيوني
وجنت مو نضيفة
كلت خلي اصبغ اضافري
يعني حاولت اغير واصير احلى بعينه
خابرني كال اطلعي واكفلج بالسياره بالباب
لا تنسي المستمسكات كتله اي محضرتهم
لبست عباتي واخذت جنطتي وطلعت
لكيته كاعد بالسياره
فتحت الباب وصعدت
صباح الخير
صباح النور حياتي
سديت الباب وكعدت
حرك السياره ومشى

باوعلي هاي شنو خاله مكياج
لا والله مخاله
لعد شنو هاي بعيونج
كحل
والكحل مو مكياج
اي عادي كحل فاطمة الزهراء ع
ان شاءالله تبرت منج الزهراء
هذا منو مقشمر عليج وهيج كلج
كلها دكول
اي تخليه وتطلع هيج
لو مغطايه باكثر من جادر
تعرفين شنو الزهراء عليها السلام
جانت محد شايف ضلها
هي والسيده زينب ع
السيده زينب ع
يكول اذا اشتاقت لقبر جدها رسول الله وقبر امها
تطلع باليل والحسن عن يمينها والحسين عن شمالها
والامام علي يتقدم ينصي ضوء السراج
حتى محد يشوف ضلها
كلت بگلبي بدت المحاضره الدينيه من الصبح
اي حبيبي اعرف مدامج تعرفين
هاج اكننس ولمسحي الكحل يله
لزمت الكننس
وكمت امسح وامري لله ههههههه
شاف اظافري
صاح هاي شنووو
كتله شكووو
حتى نسيت اني
كال مصبغة 
يابه گلبي راسي لا انت تردين تجلطيني
شكو مصبغه
متصلين شنو
لا والله اصلي وكعت دمعتي من القهر ع حضي
كال لعد شلون متعرفين يمنع الوضوء
اعرف
بس اني مو نضيفة
كلت اضبغ
عذر اقبح من فعل
يعني هسه شافج احد وياي شيكول
مرت الشيح مصبغه اضافرها
خبلتيني والله
اوكفي  خلي انزل اشتريلج جفوف
المحكمه كلها عرف
لا حول ولاقوة إلا بالله العظيم
ويين وين ماالبسهن
شنو متلبسيهن
مااريد جفوف
انوب جفوف علي خرب حضي المصخم
استغفر الله
ماانزل وياج هيج
اي رجعني للبيت
بطلت مااريد اروح
شنو هالتصرفات
اكبري بابا كبري عقلج
رجعني باقر مااروح عود ع باجر
لو غير يوم
دار السياره ورجع
وضل يحجي
ماخذلي زعطوطه اني
مصبغه اظافرها وجايه
اذا انتي عادي عدج
جان استحيتيلي
جان كلتي عيب خاف الناس تنتقد زوجي
وتنتقدني
هسه مخافت الله ماكو  عرفناها
ولا حجيت كلمه بس ابجي بسكوت
وهو يسوق يدردم
تالي دار وجهة علي
شافني ابجي
ذب حسرة وكال استغفر الله 
ليش تبجين ياعيني
اني اسف 
كتله لا عادي
حبيبتي  انت صغيره واني لازم  اعلمج
هاي التصرفات بطليها ميصير هيج
وصلنا للبيت فتحت الباب ونزلت
دكيت الباب
فتحته امي شافتني باجيه
كالت ها شبيج شورجعتي
عفتها وفتت
دخل وراي
كالته امي شكو
ماكو شي خاله لا تخافين صارت شغله
واجلناها ع باجر
لعد فاتن شبيها باجيه
ماكو شي تتعزز
خاله هم احجي، وياها  لفاتن 
ع شنو
هي تكلج
اني اروح لشغلي
مع السلامه
اجتني امي وج مصخمه شسويتي
اني نزعت عباتي
وركضت ع الاستون
وامسح باظافري
صبغت اضافري مكيفة مسعده اني
هو مال صبغ هذا
طبت امي ولج شكوو
ماكوو شي
شلون ماكو شي
ولج فاتن الولد ممقصر، وياج وشاريج
مصخمه سوالفج بطليها مال مزعطة
وتزعلين الف وحده تره تتمنه اضفر باقر
احجي شسويتي اله
والله كلشي، ممسويه

لعد شصار
هاي كل الهوسه ع مود خاله كحل وصبغ اظافر
ياا والمن مصبغه اضافرج
وج جاهل انت بعدج
متعرفين رجلج ميحب هالسوالف
اني مو كتلج  كبري عقلج
واتوقعي كلشي منه 
واني شسويت هسه كلها صبغ اظافر
اي
وليش زعلتي الولد
مزعلته اني زعلت وضليت ابجي
ايي خزينه وياه جاهل انتي وتبجين
سوالف المزعطة بطليها
رجلج دين ميقبل بهاي السوالف
وجوزي بعد
اي هو جزت  بعد
من اريد اطلع اطين وجهي لو اصخمة واطلع
هزت ايدها امي وراحت
اني كملت اظافري مسحتهن
ونزعت ملابس
اجتني تغريد ههههه
صدك رجعج ع مود صبغ الاظافر
كتلها اي اضحكي علي
وج تستاهلين
انتي متوبين 
شبيكم شمسويه
الولد ميحب هاي السوالف كافي جوزي
هو جزت توبه بعد
دگ المبايل
هو يخابر
كالت جاوبي اني طالعة
جاوبت
الو
حبيبتي  خوما بعدج زعلانة مني
لا
لا مبين زعلانه
اني كتلج طبعي صعب  يجوز عليج
بس تتعودين علي ان شاءالله 
سكتت اووف
احجي  ليش ساكته
شحجي ماعندي شي اكوله
ها هيج صارت يعني مليتيني
لا مو هيج
لعد شنو
ماكو شي بس والله انقهرت طول الطريق دكول جاهل وزعطوطه
تره اني مو جاهل اني عمري ١٧ سنه وراح ادخل ب ١٨
كافي تشوفني صغيره
تبقين صغيره بنظري
حبيبتي  وبنتي 
لا جبيره
لا صغيره وكافي
شوكت امتحاناتج
بعد اسبوع
اي زين حضري روحج وره الامتحانات
نزوج واحدد العرس
خلصت روحي بعد مااكدر انتظر واتحمل
جهزي نفسج شكو عندج نواقص كوليلي
حتى انطيج فلوس نشتريها
اي ان شاءالله......
وره كم يوم عقدنا محكمه
بعدها بدت الامتحنات وخليت كل جهدي 
وبالي بالامتحانات وامتحنت
وخلصت
حدد باقر العرس بعد اسبوع
وللحكاية بقيه ام مصطفى