#عاهدتني
للكاتبة ام مصطفى
البارت الثامن عشر
دگيت عليه جاوب
باقر الو
فاتن. الو
باقر شلونج
فاتن.. من سمعت صوتك صرت زينة
وانت شلونك
باقر.. الحمد لله على كل حال
فاتن. الحمد لله مشتاقتلك هواي باقر طگ كلبي عليك
بعدك تريد تعوفني
باقر.. ياريت اكدر
فاتن.. يعني تتمنى تعوفني لعد وين العهد
باقر... اخخ فاتن تعبت حيل متعرفين
شنو صار بيه من ابوي مات وهو زعلان مني متعرفين احساسي شنو بذاك الوكت
كرهت روحي تمنيت اموت وراه واخلص من تأنيب الضمير
الي يراودني
فاتن.. اسم الله عليك ياروحي ليش هيج تكول ابوك هذا يومه
هذا قضاء الله وقدره
باقر.. والنعم بالله واني راضي بقضائه
بس والله صعبة علي
كلما اذكر اموت قهر
الله يلعن الشيطان
باقر... فاتن ميخالف تتحمليني وتصبرين علي هاي الفتره
فاتن.. حبيبي اني اصبر العمر كله الك
ولا يهمك
باقر... ربي يحفظج الي ويبارك بيج
فاتن.. شكرا
بقينا نسولف بالساعتين بوكتها
هواي احسه مقهور ومتغير
ختمناها بالوصاية مالته
وديري بالج ع روحج
وانت هم
حسيت نفسي هسه اكدر اقره واكل القرايه اكل....
بدت الامتحانات
والتهيت بيهن
اخر يوم امتحان طلعت فرحانه ومرتاحة
لان مجاوبة بكل المواد
وضمنت النجاح
امي تلكتني ها ماما
ماما الحمد الله مجاوبة
اي الف الحمد
ان شاءالله الله افرح بنجاحج
دخلت لغرفتي سويت تعزيله لملابس المدرسه والكتب
وخابرت باقر
كتله خلصت امتحان
كال شنو مجاوبه
ايي الحمد لله
باقر.. ان شاء لله تنجحين وميضيع مجهودج
شنو ناويه ترحين اعداديه لو غير شي
فاتن.. لا اريد معهد معلمات ادخل
باقر.. ان شاءالله بيها الخير ربي يوفقج
الهم تاخذين شهادة الثالث والله كريم
شوكت النتائج
فاتن.. مااعرف كالوا يعلنون عنها بالاخبار
باقر.. اها الله كريم
فاتن.. وانت شنو اخبارك
باقر.. الحمد لله بفضل الله
فتحت معمل ثاني للشرابت وملتهي بيه
فاتن.. الله يوفقك حبيبي تستاهل كل خير يله اخذ راحتك مااريد اعطلك..
مررت الايام وصار يوم استلام النتيجه
ورحت استلمها
باقر عنده خبر اروح استلمها اليوم
نوسه تاخرت علي
فرحت وحدي
دخلت للمدرسه واستلمت النتيجة
ناجحححححةةةة
وهييييييييي فرحت كلش درجات تخبل
ادخلني معهد معلمين
باركلي المدرسات وتستاهلين
وصديقاتي هاي الفرحانه ناجحه وذيج
الي تبجي طالعه اكمال
طلعت طايره من المدرسة اريد اوصل ابشر امي وباقر
بس طلعت ركن المدرسه شفت سيارة باقر
معقوله هاي سيارته
اتقدمت بسرعه
شفته منتجي عليها من ذيج الصفحه
شافني وابتسم هاا بشري
كتله هلو
دنك وكال وعليكم السلام
الف مره نعلمج
والصدريه لززك ماشاء لله هاي الثقه العمياء،
يله مشي ميخالف بشري
ضليت اباوع يسرى يمنا
كتله ناجحه وشوفته النتيجه
كلش فرح
كتله بس ليش اجيت
كال والله بالي يمج وايدي متاخذ ع الشغل
مد ايده بجيبة طلع علبة صغيره
وكال هاي هديتج
جنت واثق انتي راح تنجحين
واشتريتها
فتحتها محبس ذهب يخبل
أنت تقرأ
عاهدتني
Romanceقصة حب عراقية بين شاب عراقي ملتزم دينيا ومراهقة تحب ان تعيش الحياة بعفويه بدون تعقيد
