Who Killed Agatha? (Published Under PSICOM Publishing Inc.)

Episode 5

Cath

Eight Days After Agatha's Death

Death of the one you really love is the most painful event that could ever happen to anyone. Ito 'yung panahong hindi mo maiiwasang kwestiyunin ang Panginoon.

Bakit kailangan Niya pang hayaang mangyari ito? Bakit sa lahat ng mga tao sa mundo, bakit iyong mahalaga pa sa 'yo ang Kanyang kinuha?

Masakit pero kailangan mong tanggapin. Iyon 'yung masaklap, eh. Iyong wala ka nang magagawa kundi ang tanggapin na lang. Ang lulukin na lang ang lahat ng sakit. Kasi wala na. Nangyari na. Tapos na. Wala na talaga.

Ngayon ang libing ni Agatha. Matapos ang araw na ito, hindi ko na siya makikita pang muli.

Parang ito yata 'yung araw na nagku-kumpirma na simula bukas, wala na. Wala nang Agatha ang tutulong sa akin sa tuwing nahihirapan ako sa mga lesson namin sa school. Wala nang Agatha ang sasabay sa aking kumain tuwing lunch. Wala na akong mapagsasabihan ng mga problema. Wala na akong maiiyakan. Wala na akong masasandalan.

Wala na.

Ako na lang ngayon.

Para bang ako ay nakulong ngayon sa isang madilim na silid na walang laman kundi ang sarili ko.

Walang liwanag. Walang pag-asa.

Ang tanging mayroon lang? Ang masasakit kong luha at mapapait kong paghagulgol.

Nakakaubos ng luha ang hapdi sa aking dibdib. Nakakapaos ang paulit-ulit kong paghagulgol. Nakakapanghinang tumingin sa bukas na walang Agatha na nag-aabang.

Masaklap.

Masaklap dahil sobra ko nang i-dinepende sa kanya ang sarili ko.

Noong namatay siya, parang namatay na rin ako.

Siya iyong salag ko, eh.

She is my beautiful facade against everything that will try to harm me.

Ngayong wala na siya, natatakot akong baka hindi ko ito kayanin. Na baka umiyak na lang ako nang umiyak. Na baka sumuko na lang ako.

***

Tuloy-tuloy na umagos ang luha sa aking mga namamagang mata noong nagsimula na kaming maglakad papunta sa sementeryo. Ang kasama kong maglakad ay ang mga kaklase ko. Halos lahat sa amin ay malungkot na humihikbi.

Ito na ang ating huling sandali.
Hindi na tayo magkakamali,
Kasi wala nang bukas.
Sulitin natin, ito na ang wakas.
Kailangan na yata nating umuwi.

Patuloy na nadurog ang puso ko habang sinasabayan ang kanta. This is Agatha's favorite song. Dati, kapag kinakanta namin ito ay nagtatawanan pa kami. Pareho kasi kaming sintonado.

After this day, I know that I have to delete this song on my music playlist. Malulungkot lang ako kapag muli ko itong narinig.

Hawakan mo aking kamay
Bago tayo maghiwalay.
Lahat lahat ibigay, lahat lahat.

I cover my mouth as my sobs began to grew louder.

Ngayon ko lang napansin ang lyrics ng kantang 'to.

Ngayon ko lang ito pinagtuunan ng pansin.

Ngayon ko lang narealize na parang dati pa nagpapaalam sa akin si Agatha.

The lyrics said it all.

Dati pa siya nagpaalam sa akin.

Paalam sa'ting huling sayaw,
May dulo pala ang langit.
Kaya't sabay tayong bibitaw
Sa ating huling sayaw.