My Angela (CHAT SERIES #3)

Chapter 11

July 15, 2017

8:35 P.M.

Angelo

: Super busssyyyy?

: Pm mo ako kapag hindi ka na buys, haaa?

: *busy

: Nakakahawa talaga si Macoy

: Lakas ng virus niyang typo

Seen 9:00 P.M.

Angela

: Hindi na gaanong busy

: Marami lang talaga kasi akong ginagawa kaya hindi ko mahawakan ang cellphone ko.

: Hinahawakan ko lang cellphone ko kung tinitingnan ko ang oras.

: Ginagawa ko rin iyong sinabi mo tungkol sa pagngiti at iba nga sa pakiramdam ang ngumiti.

: Nakagagaan sa pakiramdam kapag ngumingiti ako. Salamat, babe.

: At saka sila mama at papa, medyo nagiging madalas na naman ang pag-aaway nilang dalawa.

: Natatakot ako sa tuwing nag-aaway sila kasi baka maulit iyong nangyari sa amin dati. Hindi ba nakakatakot iyon?

: Ewan ko ba kung bakit ganito ang buhay ng mag-asawa, palaging may away. Para tuloy ayaw ko ng mag-asawa.

Angelo

: Awtsuu. Canceled na ang kasal natin? Forever boyfriend at girlfriend na lang tayo?

: Hindi naman pare-parehas ang relasyon at nasa magka-relasyon iyan kung paano nila sosolusyunan ang problema nila o hindi pagkakaintindihan.

: Huwag kang matakot mag-asawa dahil kung nasa tamang tao ka, hindi ka niya sasaktan.

: At saka gaya ng sabi ko noong nakaraang araw, parte na ‘yan ng buhay mag-asawa. . . ang pag-aaway. Normal na lang sa kanila ‘yon.

: Palagi ring nag-aaway ang mga magulang ko at ayaw kong gawin ‘yon sa ‘yo kung magiging mag-asawa na tayo.

Angela

: Paano ka nakasisigurong hindi mo gagawin iyon? Na hindi ka sasaktan ng taong mahal mo kahit alam mong nasa tamang tao ka na?

: Hindi mo iyon masasabi agad. Lalabas at lalabas ang baho ng isang tao.

: Napapansin ko ngang maayos pa sila noong mag-boyfriend at girlfriend pa lang sila. Naayos pa nila ang problema nila kapag may hindi sila pagkakaintindihan, pero noong mag-asawa na sila—nakatira na sila sa iisang bubong, doon lumalabas ang tunay na kulay niya. Sasaktan na niya ang asawa niya at aawayin, tapos kung hindi aawayin, hahamunin sa hiwalayan.

: Kaya alam mo iyon. . . nakakatakot na ang mag-asawa.

: At saka hindi mo masasabing nasa tamang tao ka dahil ang pag-ibig, traydor.

Angelo

: Nakakatakot naman ‘yang sinasabi mo, babe.

: Parang ayaw mo na talagang ikasal at alam ko rin namang magbabago pa ang desisyon mo o ang pananaw mo.

: Ipapakita kong hindi ako magiging gaya ng kinakatakutan mo.

: Magkakaiba rin ang pananaw nating lahat sa pag-aasawa—sa buhay may-asawa at masasabi kong tama ‘yong mga sinabi mo dahil madalas ay ganoon nga ang mag-asawa sa panahon ngayon.

: Nakakalungkot ang ganoon, ‘di ba?

Angela

: Sobra.

: Nakakadismaya ang ganoon.

: Oh, may isa pa pala akong gagawin na assignment.

: Lumitaw sa reminder ko. Offline na ako, babe.

: I miss you and I love you!

Angelo

: Hindi mo kailangan ang tulong ko?

: I can help you.

Angela

: Hindi na babe. Kaya ko na ito!

Angelo

: Okay, I love you too.