Nephew

Nephew -5

Nephew -5

@@@@@@

မမက တကယ်ကြီး သိင်္ဂီဒီပါဆိုသည့် မိန်းကလေးနှင့် ဆုံခိုင်းလေတယ်။ မရမက ဖုန်းဆက်ပြီး ပြောနေတာကြောင့် သွားတွေ့ရတယ်။ မိန်းကလေးကတော့ လှပါတယ်၊ သုံးဆယ့်ငါးနှစ် ဆိုပေမယ့် တင့်တယ်ခြင်းအတိပြီးတယ်။ တစ်ဆက်တည်း ကိုယ်အကပ်လေးက တင်းကပ်နေတာမျိုး မဟုတ်ပါပဲနှင့် ပြည့်တင်းလှပသည့် ကိုယ်လုံးလေးနှင့် လိုက်ဖက်ညီတယ်။ ခက်တာက ဘယ်လိုအလှတရားကမှ နှလုံးသားထဲ စိမ့်မဝင်နိုင်တော့တာ ဖြစ်လေတယ်။

ကျွန်တော် ဝင်ထိုင်လိုက်တော့ ဆေးအဖျော့လေး တင်ထားတဲ့ နှုတ်ခမ်းသားနဲ့ ပြုံးပြတယ်။ ပြီးတော့ ဘေးနားမှ ရေခွက်ကို တစ်ချက်မော့သောက်တယ်။ ဆေးသားတွေ ရေဖန်ခွက်မှာ ပေသွားတာကို ကြည့်လိုက်ပြီးမှ ကျွန်တော် တွန့်ခနဲ ဖြစ်သွားတယ်။ ဒါကိုသာ ဂျီဂျီသိရင် လေးငယ်က ဇီဇာကြောင်တယ်လို့ ပြောအုံးမည်။

'မေမေက သွားလိုက်ပါ ဆိုလို့'

မပွင့်တပွင့် ပြောတယ်။ ကျွန်တော် ပြုံးပြမိမလား မပြောတတ်ပေ။

'ကျွန်မက သိင်္ဂီဒီပါ ပါ'

'ဘယ်လိုပဲ ဖြစ်ဖြစ် လာပေးခဲ့တာကို ကျေးဇူးတင်ပါတယ်၊ မမက ကျွန်တော့်ကို အိုနေပြီလို့ ထင်နေတာ'

အမှန်တိုင်း ဆိုရရင် ကျွန်တော် စကားတွေ အများကြီးနဲ့ တစ်ဖက်သားမိန်းကလေးကို မျှော်လင့်ချက် မပေးလိုဘူး။ မဖြစ်နိုင်တာကြီးကို ဘယ်သူ့ကိုမှ မမျှော်လင့် စေချင်ဘူး၊ ကျွန်တော်ပြောလိုက်မတာမှာ သူမက ခပ်တိုးတိုးရယ်တယ်။ ရှက်တာလား ဘာလား ဆိုတာအထိ ဝေခွဲဖို့ကို ကျွန်တော် စိတ်မဝင်စားဘူး။ သူမနဲ့ တွေ့ပြီးရင် ဂျီဂျီရဲ့ဆိုင်ကို သွားဖို့ ရှိတယ်။

'အမှန်ပြောရရင် ကျွန်တော်က အိမ်ထောင်ပြုဖို့ကို မဖြစ်မနေလို့ တွေးထားတာမျိုး မရှိဘူး'

တစ်ဖက်သားကိုလည်း အနေမခက်အောင် ကိုယ်ဖြစ်ချင်တာလေးလည်း ပေါ်လွင်အောင် ပြောဖို့ ဆိုတာ လွယ်မယ်လို့ ထင်ပါသလား၊ မလွယ်ပါဘူး။ ထင်ထားတာထက် ပိုပြီး ခက်နေနိုင်ပါသေးတယ်။ ပြောရရင် အခု ကျွန်တော် ကြုံနေသလိုမျိုး၊