« فــي هذه آلحيآة 👌
يجب عليگ آلتحلي بــآلصــبــر ✅
مــهہمــآ گآن وجعگ 💔 » ....
صــبــآحآ فــحوش علي ☀ :
لطفية تبكي : ليش يا راجل ليش حرام عليك اني شن دايرتلك شن
اسماعيل اعارك ويتحزز عليها : الله يلعن الساعه يلي جبتك فيها الله يلعنها
لطفية تبكي وبصوت عالي : حسبي الله ونعم الوكيل فيك حسبي الله ونعم الوكيل فيك
علي كان راقد بس سمع صوت دووشه هلبا عرف ان بوه وامه يتعاركو وناض يجري 🏃
اسماعيل ضرب لطفية وعروقه بيطلعن : تتحسبي عليا يا كلبه اااه
علي خش يجري ومتحملش المنظر يلي شافه وبأعلى صوت : شن مشكلتك انت شن قووولي ليل نهار تضرب في هالمسكينه ليش ليش
اسماعيل بصوت عالي : انت سكر فمك يا كلب و نضربها ونضربك ونكسر راسك
علي بصوت عالي : بتظربني تفضل كلا امي تحط يدك عليها تشوف واني سكتتلك هلبا
اسماعيل ضربه كف : اطلع برا يا كلب برااا
لطفية تبكي وتخبط : يناااري وليدي يا نااري تضرب فيه ليش ليش
اسماعيل بحده : لم دبشك معش نبي نشوفك هنا يلاااا
علي واقف ومنصدم من الكف والدمعه متجمعه فعينه : تضربني يا بوي 💔
اسماعيل بدون اي مشاعر : نضربك ونكسر راسك يا كلب
علي مشى من حداه وبصوت عالي : ربي يهديك ربي يهديك 💔
لطفية مشت تجري وراه وتبكي : اعليوا متطلعش وتخليني يا وليدي بوك مقصداش
علي دمعته فعينه حاصله وشبحلها وشد راسها بين اديه وباس جبهتها : ايام ونجيك يا امي وتو نتصل بيك كل يوم وعد
لطفية تبكي : متطلعش متطلعش
علي يلم فدبشة وساكت
لطفية تبكي : خود كلام اميمتك 😢
اسماعيل سمع كلامها وعلا صوته : اطلللع قتلك معاد نبي نشووف وجهك
علي عبا شنطه بحاجات بسيطه : امي سامحيني بس الوضع هدا مينطاقش وهوا زودها بس تو نرجع 😔
لطفية تبكي : ربي يفتحها قدامك يوليدي 😢
علي باس راسها : هي طالع يا امي
وطلع علي وخطم من حدا بوه ونضرله بشبحه عتاب 😔
و اسماعيل مكأناش عنده قلب بكل : مشية بلا رده
لطفية تبكي وبس : ضيعت الولد ضيعت الولد 😢
اسماعيل من الصاله بصوت عالي : سكري فمك والا نجي نخربهلك 😠
زرطتها البكية مسكينه خوف من انه يهجم عليها 😢
،،،،،،،،،،،،،،،،،،،،،،،،،،،،،،،
علي طلع من الحوش وحابس دمعته في عينه 💧
من بوه يلي ضربه ومعمراش حسسه انه ولده 💔
و مقهور علي امه يلي من يومها وهيا فالهم والنكد 💔
علي مشى مسافه علي رجليه بعدها طلع فونها واتصل بيوسف 📲
يوسف رد عليه : ايوا اعليوا
علي بصوت مخنوق : يوسف فاضي
يوسف حس من صوته ان فيه حاجه : اي خيرك يا راجل شن في خوفتني
علي : تعال خودني من حدا دكان ال****
يوسف : هي هي تم جايك
سكر منه علي وقعد مصبي حدا الدكان نين جاه يوسف درس عليه 🚗
يوسف : هي تعال اركب
علي ركب فالسيارة : خير يا يوسف سامحني تعبتك
يوسف : تي شن تعبتني نزعل منك راه .. قولي شن في ؟
علي بخنقه : بوي لزني
يوسف : شنوو ... كيف صار
علي بحزن : ضرب امي وبعدها ضربني عشان دافعت ولزني
يوسف وجعه صاحبه : خلاص خلاص اليوم بتقعد معاي
علي : تي لا يا راجل حطني في اول اوتيل
يوسف شبحله : تي والله مانك بايت الا عندي
علي سكت 💔
حرك يوسف سيارته لعند حوشه 🏠
يوسف يطفي فالسيارة : هي انزل
علي شد شنطته ونزل 🚶
يوسف فتح الباب وخش : هي تفضل يا اعليوة خش
خش علي للمربوعه وكانت فاضيه حط شنطته و حط راسه عالمخده وغمض عيونه بقوووة 💔
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
