نرجعو للخلف شويه 🔄
طفى النت و امتد في فراشه وحط التلفون جنبه 📱
وهوا سارح ويفكر سمع صوت عياط : وووووو ياااا نااااااس تعاااالوووووو
علي قفزز بسرعه ونسى وجعه وكل شي وطلع يجري : انشاء الله خيير انشااء الله خيير
هدى : يااااربي ياااربي وووو علياااا ووووو
علي مشى يجري جيهة الحوش و ميعلمش علي رووحه خششش للحوش بسرعه
لقى هدى وسعد يخبطو علي دار سارة واسراء والدخان يطلع منها 🔥
علي يرعش : شن في شن في وين البنات
سعد يخبط في راسه : البنات داخل و الدار مسكرة وشكله في حريقه
هدى تبكي : ياااربي احميلي بنياتي يااربي
علي خايف علي سارة ويقفع فالباب 💥
سعد : رد بابك يدك رد بابك
علي ميسمعش فيه ويقفع فالباب بقوو قوه 💥
سعد مقعمز وحاط يديه علي راسه و هدى تعيط وتخبط 💔
علي مقدرش يكسر الباب : يااربي ياربي ساعدنا
هدى تخبط : مفيش صوت مفيش صوووت يناري بناتي
سعد ناض : استهدي بالله يا مرا
وبدا سعد ينخنق من الدخان ويكح لان صدره ميتحملش 💨
علي بصوت عالي : طلعيه برا طلعيه
هدى تبكي : ياا ربي ارحمنا ياربي
علي بحمق : قتلك طلعيه
هدى شدت سعد وطلعاته برا وهيا تبكي وحالتها حاله وتدعي
علي يتحرك يمين ويسار وينادي : سااارة سااارة تسمعي فيا
مفيش ولا صوت 🚫
خطر عليه الروشن طلع يجري برا
لقى هدى تبكي واتمروح علي سعد و سعد مبطلش كحه
الجيران تلقطوو و واحد منهم رفع سعد واتصلو بالمطافي 🚒
علي مشى جري للروشن لقا القزاز مسكر ❌
ظلام ومفيش ضي عشان يشوف لوحه والا حاجه يكسره بيها ،، قلع فلينته و لفها علي يده من قدام نين يده ادرقت وخبط القزاز 👊
قعد يخبط فيه نين تحول القزاز كله و حمد ربه انه مش مسكر بحديد
نط للدار وحصن خدوش في اجنابه و ظهره لانه بلا فلينيا وكان الدخان بكل ،، حول الفلينيا من علي يده وحطها علي وجهه ومشى طول للباب فتحه عشان الدخان يطلع برا وبدا ينادي ويكح والنار تركب : ساارة ساارة
يكح ويتلمس بس من كتر الدخان علي فقد السيطره علي نفسه ومعش قدر يتحرك طاح ومعش قدر يرفع روحه
قعد يدعي بس وهوا داااهش : ياربي ياربي 💔
عتمت الدنيا عند علي 💥
بعد حوالي 30 دقيقه علي بدا يفتح فعيونه
علي دايخ وراسه تقيل ويشوف في ناس تمشي حداه : اني ويين
معاذ جاه و كله رايح اسود من الدخان وجهه ودبشه : الحمد لله علي سلامتك 😔
علي دايخ وراسه يلف : شن صار وين خواتك وين
معاذ : متفكر في حد توا المهم انت بخير
علي راسه يلف وداهش : قتلك وين
معاذ : سارة كويسه بس اسراء طايحه عليها حاجه علي راسها توا يخيطولها فيه
علي غمض عيونه : الحمد لله ياربي
خشت عليه هدى و امين ومهاب ومعتصم : الحمد لله علي سلامتك ربي نجاك 💔
علي دووب ميتكلم : الله ي يسلمكم
هدى تبكي وقربت منه : سلمت روحك للخطر عشان تنقض بنياتي ربي يسلمك يوليدي ربي يسلمك ويفتحها عليك ويعطيك ما في خاطرك 😢
علي قعد يكح يكح بالقوة
معتصم ينادي بصوت عالي وطلع : يا ممرضه يا ممرضه
جت الممرضه : تفضل
معتصم : خشي شوفي المريض يكح بالقوة
خشتله الممرضه وعلقتله متاع الاكسجين وحطتهله علي خشمه 🙏
علي بعد حطتله الاكسجين غمض عيونه وخداه النوم من التعب 💔
الممرضه : لو سمحتو خلوه يرتاح شويه
طلعو من الحجرة ومشو لسعد يلي حاله راح كويس و سارة ناضت حتى هيا وتشبح يمين يسار اتدور في علي وين وخيرا مش معاهم متعلمش انه حتى هوا كان معاهن !!
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
