اشرقت شمس اليوم التاني ☀
ناس فرحآنة و نآس في وجع في قلبها 👌
ناس ما عندها في شن تفكر 👍
وناس تخمم في حياتها وكيف بيصير فيها ✋
نبدو البارت ونشوفو كل حد شن بيصير معاه 💭
••••••••••••||||||√
علي فتح عيونه واذكر كلامه هوا وسارة 💭
انقلب بالشويه عالجيهة التانيه وابتسم ابتسامه خفيفه 💙
خش عليه امين : اووو اعليوة ناايض
علي شبحله : اي تو كيف نضت
امين قعمز جنبه : صباح الخير كيف حالك اليوم وشن حااس
علي ابتسم : الحمد لله حاس روحي افضل من امس بهلبااا
امين ابتسمله : انشاء الله كل يوم افضل وافضل ياارب
خش عليهم معاذ جايب الفطوور : هيا هيا نشااط اهو الفطور واتي 😍
علي قعمز بالشويه : ليش متعبين روحكم 😩
معاذ : لا تعب لا شي يا اعليوة هذا واجبنا
علي قعد بااشويه يحاول ينوض فناض امين قعد يساعد فيه لعند صبى
علي : خلاص تو نمشي بروحي نقدر
امين : نساعدك لعند الحمام بس
علي شد فالساس : لالا والله نقدر تريح يا امين 💛
امين رد قعمز : باهي نراجو فيك
طلع علي بالشويه عليه وشاد فالساس لعند خش الحمام وطلع وهوا شاد فالساس يمشي بالشويه 🚶
جاته هدى جايبه سابات ( سلة ) فيها خبزة : علي يا وليدي نساعدك
علي عرفها التفت : لالا يا عمتي نقدر نقدر نمشي تريحي
جاته هدى وقعدت تساعد فيه لعند وصل للمربوعه وخشت حتى هيا حطت الخبزة : نسيت اهم شي يا معاذ
معاذ خبط راسه : حييي الخبرة 😱
علي ضحك : من الجوع معش ركزت
معاذ : اي شكلني 😅
هدى : هي كولو وصحه انشاء الله
وطلعت هدى وهما بدو يفطرو 🍯🍞🍳☕🍵
علي ياكل وفي ذاكرته امه { زعما شن صاير فيك يا امي توا 💔 انشاء الله يجي اليوم يلي نجيبك فيه هنا معاي 💙 }
امين حس علي ياكل وسارح : اعليوة
علي انتبه : نعم
امين ضحك : كوول راه معاذ بيمسح الصفرة
معاذ شبح لامين : ترا اس 😒
علي ضحك : فكونا من النشاب تو ناكل 😅
امين يمدغ : معاذ
معاذ يشرب فشاهي : تي هاا 😤
امين : وين مهاب 😕
علي : اي صح معش شبحته وينه
معاذ : والله معارف تو بعدين نتصل بيه 😕
امين : بعد تكلمه قولي
معاذ : تمام
وكملو ايكالهم ✨
# داخل فالحوش :
اسراء : خيرك شمسك زارقه اليوم 😁
سارة تمشط فشعرها : اسس خليني 😍
اسراء تضحك : تي قولي بالله حيرتيني ليك اسنين ممشطتيش شعرك الصبح شن السر اليوم تمشطي 😂
سارة لفت شعرها وشبحت لاسراء : فرحاااانه يا اسرااااء 💘
اسراء : اممم وليش فرحانه 😁
سارة شبحتلها علي جنب : علي اساس متعرفيش 😒
اسراء : قصدك عشان علي قاعد
سارة بنظره حب : اي 😍
اسراء حست نغزة في قلبها : انشاء الله ديمه فرحانه يا سارة 😍
سارة : يارب 😍
ناضت سارة بتشوف امها 🚶
اسراء { ليش يا ربي هالاحساس خيرني 😣 انشاء الله غير منحباش بس 💔 }
ضمت سريرها وطلعت لحقت علي سارة 🚶
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
