ليست كل ابتسآمة تعني الفرح 👌
وليست كل دمعة تعني الحزن 💧
فكم من مبتسم وفي قلبه جرح ينزف 💔
وكم من بآكي تتسآقط دمعاته فرحاً 👌
لا تحكم على الانسان من مظهره الخارجي ✖
ففي التعمق يُعرف كل انسآنٍ بشكلٍ صآئب ☑✔
( الكلام والاقتباسآت أغلبهم من كتابتي ✍
،،،،، ما عدا الاشعاء والقصائد ✋ ) •••♪
••••••••••••••••••••••••√
سارة حايسه فالحوش واتلعلع : نبي نمشي للسوق عرس صاحبتي غدوة دبرووولي 😭
هدى : اس يا بنت وانتي تلعلعي 😡
سارة : منيييش كنا لاهيين فالضيوف ونسيت بكل دبروولي والله ماني ماشيه بدبشي الاول 😭
هدى : الله يهديك وخلاص 😤
امين خش عليهم : خيركم شن في
هدى : وين خوتك قول لواحد منهم يرفع هالبلوة ليها ساعه اتنق علي راسي 😡
امين شبحلها : خيرك وين يرفعوك
سارة ببراءة : للسوق 😟
امين اذكر لما خدت الفلوس : ااه باهي تو نرفعك اني امشي وتي روحك فيسع
سارة : بجد 😱
هدى : بلا كلام امشي وتي روحك 😡
سارة طارت تجري 🏃
هدى ناضت : نمشي نجيبلها فلوس 😩
امين : لا يا امي اني عندي
هدى : بلكي تستحقهن يوليدي
امين : لالا متخمميش عندي وتو نشريلها
هدى : ربي يعطيك الصحه يا امين ❤
امين خدا مفتاحه وناض : سااارة هيااا
سارة جاته تجري : جيت جيت 🏃
امين شبحلها واطربق ضحك : خيرك هكي 😂
سارة تشبح لروحها : خيرني 😱
امين يضحك : بالله ساوي وشاحك وانتي عكس البنات شن هاللفه هدي رايحه اتضحكي 😂
سارة رقتلها وساواته : هه 😒
امين ضحك : مهمله 😂
سارة : وقت هيا 😒
وطلعو هما الزوز ركبو للسيارة 🚗
وبينما هما فالطريق اتصل علي بأمين 📲
امين رد عليها : ايوا اعليوة
سارة لما سمعت اسمه قلبه بدا يدق 💓
علي : امين والله نبيك فطلب بس متحشم منك
امين يسوق : قوول مش بيناتنا يا اعليوة
علي : نبيك تدهم عليا تحطني فمحل ملابس لان اليوم حصلت شغل ومعنديش بدالي رسميه
امين ضحك : اهوو اني فطريقي للسوق وتو جايك هي انزل تحت العمارة
علي ابتسم : هي نراجي فيك
وسكرو 💥
سارة قلبها بم بم بم 😂 وفرحااانه وبطنها تلوي 😂💓
امين لف بالسيارة ومشى لجيهة ااشقه يلي فيها علي و وصلو للمكان وعلي كان واقف يراجي و سارة عيونها عليه { ووواااك يهبل يهبل يهبل 😍😍😍}
صبى عليه امين وشبح لسارة : نوضي للخلف
سارة متعلمش بروحها فتحت الباب ونزلت تشبح لعلي وعلي يشبحلها وشاد ضحكته 😂😂
فتحت الكرسي الخلفي وقعمزت ونص عبايتها برا مسكر عليه الباب 😂
علي ركب ومشبحش للعبايه انها مسكر عليها الباب قبل ما يركب وقعد يهدرز هوا وامين ،،،،
امين يسوق : شن وين حصلت شغل
وطبعا سارة مرررركزة علي كل حرف 😁😂
علي : اني خريج قانون وحصلت شغل في مكتب فيه اوراق وهك وحنكون مسؤول عليه
امين : والله كويس بكل
علي ضحك : اي هدا باش نبي نشري بدالي رسميه 😁
امين : ربي يوفقك يارب ❤
سارة جبدت عبايتها لقتها حاصله شهقت بصوت عالي : هييييي 😱😱😱
علي شاد ضحكته وامين هزبها : خيرك 😡
سارة تكر فعبايتها : عبايتي مسكر عبيها الباب 😨😭
علي لفت وجهه للروشن ويضحك 😂
وامين شبحلها لقاها تكر فيها : يا عن$#&$ معش تكريها تنشرك 😡😤😠
سارة : شن تندير باه 😭
امين : افتحي الباب بالشويه ودخليها وانتي ما فاهمه راسك من رجليك 😡
سارة تحشمت قدام علي 😨
امين : افتحي الخرا 😡
سارة : وكان نفتحه ونطيح برا وانت تجري 😭
علي ضحك بصوت 😂😂
امين حتى هوا قعد يضحك : مطيحيش يا همي افتحي الخرا 😂
سارة : كان طحت ماني مسامحاتك 😡👌
فتحت الباب عالسريع ودخلت عبايتها 😂
علي يضحك : الحمد لله عالسلامه 😂
سارة رقتلها : اووف 😒
امين يسوق ويضحك نين وصلو للمحلات وكانن في اسواق كبيرة مخلطه ملابس رجاليه ونسائيه 👟👠👘👔
خشو هما التلاته و علي وامين كانو القدام و خلفهم سارة 🚶🚶🚶
سارة تمشي وتشبح لعلي 😍
امين التفتلها : بسرعه 😡
سارة : ورااك اني 😒
امين يكلم فعلي : انت امشي لجيهة الرجال واحنا بنمشو لجيهة النساء بعد تكمل تعاللنا
علي : تمام
مشى علي جيهة الرجال و هدكما جيهة النساء 🚶🚶🚶
فاتن قريب نص ساعه وعلي كمل حاجته وخدا ملابس وكنادر لشغله وقرر يمشي يدور امين وسارة ...
قعد علي يبرم ويدور فيهم لعند شبحهم من بعيد ومشالهم 🚶
علي وقف عليهم : اني كملت
امين حامق : قسما بالله وحلت فيها متحطش كان عالحاجه يلي تزهق الكبد 😡
علي شد ضحكته : خيرها 😂
سارة مصبيه وتهز فرجلها : اني يلي بنلبس انت مدخلكش واني عاجبني
علي : خيرها هيا شن يلي عجبها
امين وراهله : بالله شوف تو هدا ينشرا
علي شبح وشد ضحكته : بصراحه مش حلو بكل 😐😂
سارة : اوووف بنروح 😤
وهما ماشيين علي عجبه قفطان كلم امين : اهو قفطان يا امين لو اختك بتاخده
سارة شبحتله وشقلبت عيونها : مش حلو 😒
امين طارتله : والله اخر محل يا تاخدي يا لا هيا 😡😠
سارة خافت منه وقالت باهي عليه ومعجبهاش بس لانه ذوق علي رضت وخلاص وشرت حداء واكسسوارات وهديه لصاحبتها 😍
ركبو للسيارة وهيا دايره روحها حامقه وهما يهدرزو 🚗
حطو علي قدام العمارة وهما روحو للحوش 🏠
خشت سارة راقيلها وطول لدارها ولوحت الكيس : اووف 😡
اسراء استغربت : خيرك 😲
سارة تهز فرجلها : معجبنيش القفطان اختارة علي 😡
اسراء : علي شن رفعه معاكم 😲
سارة : يبي يشري ملابس لشغله 😒
اسراء خدت الكيس فتحاته وطلعت القفطان وفتحا فمها : ينااااري 😲😲😲
سارة كشخت : ريتي قتلك يع 😟😭
اسراء وقفت عالمرايه وحطاته عليها : تي القفطااان يجننننن 😲😲😲
سارة : بجد 😞
اسراء تشبحله : والله والله يهببببل انتي معندكش ذوووق بكل والله وعلي طلع عنده ذووق
سارة فرحت : نجي اعليوة يا ربي 😍
اسراء ضحكت : وين وين شدي فرينوات 😂
سارة ضحكت وناضت : هاتي بنقيس 😂
اسراء مدتهلها : هاك قيسي 😁
مشت سارة قاساته وطلعت فيه خياال مع انها مش من البنات يلي يدورن يعني عندها كل شي عادي و وراته لامها واسراء وقاللهل يههههبللل 😍😍
,,,,,,,,,,,,,,,,,,,,,,،،،،،،،،،،،،،√
فحوش لطفية :
كانت مقعمزة وفاتحه التلفويون سمعت الجرس 🔔
ناضت بتفتح : من
صوت شاب : افتحي
فتحت لطفية : انت من
يوسف : اني يوسف يا خالتي
لطفية فتحتله الباب : خش يا يوسف
خش يوسف وسلم عليها : كيف حالك يا خالتي
لطفية : والله باهيه الحمد لله وانت كيف حالك وحال اهلك
يوسف : الحمد لله ماشيه ، كيف حال علي
لطفية بحزن : علي مش هنا مشى لمدينه تانيه شن متعلمش
يوسف بحزن : لا قالي غر ننشد بس 😔
لطفية عيونها دمعو : مشى بس قالي بيجي الايام هدين 😢
يوسف : مقالكش وين ساكن
لطفية : قال بيأجر شقه هوا ومعتصم
يوسف بحزن : تمام خالتي صحيتي بارك الله فيك واي شي اتصلي بيا
لطفيه : حاضر يوليدي ربي يحفظك
يوسف طلع : هي بالسلامه
لكفية سكرت الباب وخشت 😔🚶
ويوسف ركب سيارته وروح 🚗
قرر انه يمشي لعلي غادي ويتأسف منه بس ميبيش يقوله يعني بيمشي زي المفاجأة ليه 💥
وصل لحوشه وخش وكان ميكلمش فغاده نهائيا 👌
حاولت اكتر من مرة تتأسف منه بس مباش بكل وكان يصد فيها ✋
لان صحبته هوا وعلي من الطفووله وكانو ميفووتش يوم الا ويشبحو فيه في بعض 💔
قعمز يدكر ايام كانو فالابتدائي 💭
يوسف يدق علي حوش علي : علي هيا وقت
علي طلعله : اسسس بوي تو يسمعنا
يوسف : باه هيا وقت
علي طلع بالشويه وهوا شاد كيس فيه كرموس هندي كبير وشده معاه يوسف ومشو بيه 🚶🚶
يوسف : هيا حطه هنا حط
علي حطه : هيا انظفوه من السل قبل تشرق الشمس ونمشو بكري للسوق
قعدو يديرو فيه بعرجوون لعند نقص السل متاعه وغسلوه وحطوه فالكيس ومشو بيه للسوق حطوه للبيع
وكسبو 40 دينار وقسموهن وكانو فرحانين بيطيرو بيهم 💓
وروح كل حد لحوشه ودار روحه راقد ... علي خوفا من بوه و يوسف ميبيش امه تزعل عشان يشتغل هكي لان بوه متوفي من صغره
اشتغلو هكي وهما صغار كانو فعمر ال 12 سنه بس عشاان يقدرو يعيشو ويحصلو مصروفهم ✨
كافحو وجاهدو عشان يقدرو يعيشو مع ان علي شده بوه كم مرة وعطاه طريحه بس مباش يتراجع لعند حصل شهادة القانون 📝
يوسف تنهد : الله الله عليك ايام تقاسمناهن بحلوهن ومرهن 😔
وناض بيوتي شنطه صغيرة عشان يرفعها معاه 🎒
تمضي الأيآم بسرعه 🍃
و في كل يوم من هذه الايام يحدث معنا شيئ 👌
إما أن يبقى مخلد فالذاكرة ☝
واما ان يتلاشى كمآ تلاشى البقية 💨
ولكن الاشخاص الذين شاركونآ ادق تفاصيل يومنا ✨
و ذقنآ العنآء معهم يستحيل لنآ نسيانهم مهمآ حدث 💥
فالبعض له مكآنة مغروسة في اعمآق القلب 💓
لا تتغير و لا تتبدل و لا تنتهي ✋
••••••••••••••••••••••••••√
انتهى البارت ❤
سامحوني عالتأخير ونتمنى يكون عجبكم 😘
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
