جت العشية ✨
لطفية محبوسه فالدار وتبكي وتخبط عالباب بس بدوون نتيجه 👌 و علي ومعتصم في طريقهم عشان يشوفو الحوش هما وأمين 🚗
أمين يسوق : باذن الله حتحصلوها الشقه وبسعر رخيص لان صاحبي وصيته عليكم
معتصم : بارك الله فيك والله يا أمين جميلك مستحيل ننساه
أمين شبح للمرايه لعلي : علي وين سارح
علي انتبه : لالا عر كنت نتفرج من الروشن بس 😅
وقعدو يهدرزو 💢
علي صح كان سارح بس مكانش يتفرج من الروشن 👌 كان يفكر في أمه بس 💔
وصلو للشقه ونزلو اتفقو مع الراجل وعطاهلهم بسعر اقل بهلبا من سعرها قاللهم 150 بس عالشهر ... فرحوو هلبااااا لان هما بروحهم الفلوس يلي معاهم مش هلبا ويالله تسد ايكالهم والمصروف اليومي ✔
صاحب الشقه : بس والله اليوم متقدروش تباتو فيها
معتصم يشبح للشقه : ليش 😕
صاحب ااشقه : والله يوخيي السخانات يبن شغل وبنجيبلهن عامل اليوم لذلك من غدوة تعالو تلقوها جاهزة
علي : اه تمام وبارك الله فيك 💙
معتصم مدله يده : والله بارك الله فيك 💙
الراجل سلم عليه : وفيكم بارك الله وانتو من طرف رفيقي امين اكيد نساعدكم 👍
حكوو شويه وخدا اسمائهم عشان اوراق للايجار وبعدها طلعو هما وامين بيدهورهم ويفرجهم عالمدينه 🚗🌆
••••••••••••••••••••••••••••••
فحوش سعد :
هدى تكلم فسعد : وين مشو الشباب
سعد : مشوو مع امين بيأجرو شقه صغيرة يقعدو فيها
هدى : ااه باه هما ليش جايين معتصم عارفه من زمان ان مش تمام هوا و بوه بس الشاب التاني ليش ؟
سعد تنهد : الشاب التاني بوه متبري منه 😩
هدى شهقت : هييي خيرا متبري منه ليكون ولد شوارع 😲
سعد : استهدي بالله يا مرا والله شاب عاقل تبارك الله عليه بس بوه زي بو معتصم
هدى قلبها وجعها : ينااري ربي يلطف بحاله 😞
سعد : اي والله ربي يلطف بحاله
سارة كانت تسمع وخشت تجري للدار🏃 : اسراء اسراء
اسراء شاده تلفونها : خيرك ياهم 😒
سارة بحزن : الشاب يلي شبحني 😞
اسراء : خيرا 😒
سارة بحزن : بوه متبري منه 😞
اسراء : بجد
سارة : والله سمعت بابا قالها لماما واني امبكري سمعته يكلم في امه وكان مخنوق خنق كأنه يبكي 😔
اسراء بحزن : ينااري والله وجعني 💔
سارة : حتى ني وجعني والله ما يستاهل شاب جمال ربي فيه 😞
اسراء ضحكت : انتي واجعك والا كبدتي يا بنت 😅
سارة لوحت عليها المخده : والله وجعت اتفوو 💦
اسراء : اي اي تو نشوفو 😌
سارة : الحق مش فيك الحق فيا اني يلي نحكيلك 😡
وطلعت سارة من الدار وهيا تراجع في كلام اسراء { حي عليا زعما هدا حب من اول نظره يلي نسمع بيه 😨 }
قعدت تفكر تفكر وبجد حاسه قلبها ومشاعرها تحركن من لما شبحاته ✨
••••••••••••••••••••••••••••
في دار الشباب :
مهاب : يا صفاء افهميني خيرك هكي بالله
صفاء : انت يلي افهمني ترا قولي قديش بنراجيك بالله راه مش شويه لينا
مهاب كان عارف ان عندها حق بس مش بيده شي : بالله تحمليني 😔
صفاء : تحملت تحملت وقريب صبري ينفد 💔
مهاب تنهد بوجع وقاللها 👇 :
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
