اللهمَّ اكفنا شر فراغ القلب 💔
وعطب الروح 💢
وانعدام الشغف وهوان الإرادة 🚫
وكل من سبيله أن يترُكنا فارغين دون رغبة 💨
⬅ و دون حياة 🍃
~~~~~~~~~~~~~~~♪♪√
صباحاً ☀ :
الساعه حوالي ال 8 الصبح 🕘
الكل راقدين وناضو علي صوت تخبيط باب الشارع 💥
علي يسمع فالصوت ويتقلب : انشاء الله خير يارب 😫
طلع امين وبصوت عالي : من من تي بالشويه جاايين 😡
وطلع معاذ مصبي حدا المربوعه يحك فراسه 😵
فتح امين الباب : من 😡
معتصم : تي وين يا راجل ليا ساعه نخبط وتلفوناتكم مسكرات 😠
امين : هدا انت 😨
معتصم : نسيتوني بكل لا طمنتوني علي علي لا شي 😡
امين وسعله وقعد يحك في شعره : خش خش حقك علينا 😅
معاذ شبح لمعتصم : تي هذا انت يا راس اللحم الباب قريب كسرته 😤
علي من المربوعه : من يا معاذ انشاء الله خير
خشله معاذ : هدا معتصم جاي رعشنا
خشو امين ومعتصم للمربوعه 🚶🚶
معتصم سلم علي علي : كيف حالك يعليوا اليوم
علي ضحك : جاي قريب كسرت الباب 😂
معتصم قعمز : انشغلت والله عاد لا اتصلتو لا شي
علي ابتسمله : والله حالي باهي ومدلعيني اخر دلع
معتصم شبحلهم علي جنب : انت يدلعوك واني ملووح فالشقه مفي من يسأل عليا 😒
معاذ حاط راسه عالمخده بيرقد : والله كنت بنتصل اليوم 😪
معتصم : ارقد ارقد انت 😒
امين يحك فلحيته : طيرتلنا النوم انت مزال فيها نوم 😅
معتصم : جيبلي بطانيه وتو نرقد حتى ني معاكم 😁
امين : هوينا مكاني ارقد فيه اني بنطلع نجيب خضرة للحوش
معتصم : ميه ميه تم 👍😁
طلع امين بجيب خضرة و معاذ خداه النوم 😴
وعلي ومعتصم هدرزو شويه بعدها كل واحد مشى في خبر كان 😴😴
مع الساعه 11:30 am 🌞 :
امين خش للمطبخ شاد اكياس فيهم خضرة وفواكه 🍌🍎🍇🍒🍅🍉🍆🍈
حط الاكياس عالطاوله : صباح الخير يا امي ❤
هدى جت تشوف فشن جايب : صباح النور علي وليدي ليش هدا كله
امين قعمز عالكرسي : امبكري شفت التلاجه لقيتهم ناقصات وانتم تستاهلو
هدى : ربي يعطيك الصحيحه يوليدي
امين يشرب في ميه : بالله يا امي الفطور واتي او لا
هدى فقصت دحيات بتقليهم : قريب يوليدي شويه بس
امين صبى : وين البنات مال ميجنش يعاونن 😕
هدى تحرك فالدحي : راقدات مزالن 😩
امين : تو نمشي انوضهن وانوض الشباب علي ما جهز الفطور
هدى : باهي امشي
طلع امين من المطبخ ومشى لدار خواته : اسراااااء سااااارة نوووضن 😡
سارة تتقلب : مزال 😴
امين بصوت عالي : نوضي 😠😡
سارة جت مقعمزة وحطت يدها علي قلبها وحتى اسراء انخلعت : بسم الله 😨
امين : امك من بكري فالمطبخ واني جايب خضرة تبي الدير وانتن راقدات 😡 مشااء الله والله 👏👏
سارة صبت : باه هه خلاص نضنا 😶
اسراء صبت تلم فشعرها : نضنا هه
امين : والله نطلع ونجي نلقاكن مش معاها لعند بوي 👌
وطلع 🚶
سارة قعمزت عالسرير : واااك مزال خاطري نرقد 😭
اسراء تساوي فسريرها : نوضي نوضي هيا ساد فكينا من لسانه امين و تعرفيه لما يحمق 😓
سارة ناضت تساوي فسريرها حتى هيا : اووف وخلاص 😤
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
