أوجعتني يا أمي 💔

part 3

خش علي للمربوعه وانصدم 😨
طبس راسه : اسف اسف يا اختي مكنتش نحساب في حد هنا 😨
غادة ضحكت : عادي عادي مدورش 😉
علي عرفها بنت متنفعش : باه اني بنطلع بنراجي يوسف برا
غادة طلعت بسرعه وجت قدامه : معقوله متحشم مني 😉
علي بصوت عالي : استغفر الله وخلاص 😠
وطلع بسرعه قبل ميجي يوسف ويشبحهم ويفهم غلط
غادة حمقت وطارتلها لان معبرهاش بكل : والله تشوووف يا علي حركتك 😏👌
وخشت بسرعه 🏃
علي طلع فالشارع حاط يديه فجيوبه ومطبس راسه وراقيله بكل وكاره نفسه وكاره الوضع يلي راح فيه 😔
بدل ما يكون في حوشه في داره معزز مكرم مع امه وبوه قاعد دايح فحوش صاحبه 😔
تنهدت بصوت عالي : اااه يالله 💔
رفع راسه وقابلاته سيارة يوسف 🚗
يوسف درس السيارة ونزل 🚶
يوسف : تي خيرك قاعد برا مش قتلك خش 😕
علي بضيق : قلت نراجيك خير ☺
يوسف حط يده علي ظهر علي : هي هي خش خلاص
خشو الزوز جميع للمربوعه و يوسف حتى هوا بات مع علي فالمربوعه ❤
يوسف ولع الدخان قعد يدخن 🚬
علي : تي فكنا عارفني ريحته منحبهاش 😵
يوسف ضحك : مش عاجبك غم وجهك 😁😂
علي : اتفوو 💦
وغم وجهه 😒
اما يوسف قعد مقعمز متكيف ويجبد فالدخان 🚬😂

في مكان تاني وبالتحديد في مدينه تانيه 💙

سارة تلم فدبشها : وااااك وااااك تو ماما ملقت متدير الا تنكتلي الدولاب هكي 😭
اسراء تضحك عليها : هدا لانك مهمله تستاهلي 😂😂
سارة فنصت فيها ولوحت عليها سروال : يا كلبه 😡
اسراء شدت السروال : شدي عفنك علياا يحمارة 😂
سارة وقفت حدا الباب : ترا اطلعي من الدار 😡
اسراء تضحك : منيش 😂😂
سارة بصوت عالي : اطططلعيي 😡😡😤
جت هدى تجري : خيركن 😲
سارة بحمق : نبي نضم دولابي يلي نكتيهلي وهيا تضحك عليا 😤
هدى شبحت لاسراء : اطلعي وخلي اختك 😒 وانتي ضميه زين خيرلك 👌😒
سارة : باه 😤
اسراء ميته ضحك عالهزاز وطلعت 🚶😂
سارة قرفعت الباب 💥😡
قعمزت حدا دبشها يلي معرم كله قدامها : وااااك عليا شن بيضمه 😭😭

تعريف الشخصيات :
سارة : 19 سنه ،، متوسطه الطول والجسم ،، عيونها ملونات ،، شعرها كستنائي طويل و بشرتها بيضه ،، مهبووله ومهمله ومدور في شي وديمه امها تعارك فيها 😂
اسراء : 22 سنه ،، طويله وبشرتها قمحيه ،، عيونها واسعات خضر و شعرها اصفر طويل ،، منظمه وديمه تضحك وعسل 😁😂
امهم هدى و بوهن سعد
خوتهن :
أمين : 26 سنه
معاذ : 25  سنه
مهاب : 23 سنه
حالتهم الماديه علي قد حالهم بس امشيين الحياة ضحك و متقبلينها بحلوها ومرها 💙

سارة ناضت : اوووف وخلاص هي نضم بااشويه امري لله 😩😭
بدت اتضم فيه المهمله تستاهل 😂😂😂

خش معاذ علي اسراء لقاها تضحك : خيرك تضحكي 😮
اسراء تضحك : امي نكتت لسارة دبشها كله 😂
معاذ يضحك : ليا هلبا نراجي فيها اللحظه هدي 😮😂
اسراء : عدي عدي شوف 😂
معاذ : والله نكرهها فحياتها 😈
ومشالها 🚶
معاذ يدق عالباب : دق دق ✊ سريوة 😁
سارة بصوت كأنها بتعيط : ها نعم 😟😭
معاذ شاد ضحكته : افتحي جبتلك شاورما 😂😂
سارة ناضت تجري فتحت : حقاا 😍😍
خش يجري للدار وقعد يشبح للدبش المعرم : ووو تستاهلي 😱😂😂😂
سارة : وين الشاورما 😡
معاذ يضحك : بالله هدا كله وتقولي معنديش دبش تي هدا يلبسني سبع سنين القدام 😂
سارة ضرباته : حقير كذبت عليا 😱😭
معاذ طلع من الدار : ضمي ضمي شاورما عينك اني ما عندي حق مستكه مش نجيبلك شاورما 😂
سارة قرفعت الباب : حقييير 😠
وتمت ضم دبشها 😡😤
جا بوهم سعد : خيركم شن في 😲
هدى : نكتت لسارة دولابها و معاذ و اسراء لابسينها يضحكو عليها
سعد ضحك : عندهم الحق البنت هدي مش عارف لمن طالعه 😂
هدى : اي وريتها نكتهلها كله رايح مقلوب فوقي لوطي وليا ايام نتحزز عليها 👌
سعد ضحك : فالحه عارفك 😁

مهاب كان في الدار مسكر عليه ويتكلم فالتلفون 📲
مهاب : يا رووحي بلا عناد
صفاء : نبي نمشي يعني نبي نمشي 😤
مهاب رقتله : عارفتيني نغار عليك وداسك بالسيف خايف ياخدوك مني 😡
صفاء بحمق : شن كنهادا نحرم رووحي العمر كله اني 😠
مهاب بحمق : امشي للعرس والبسي احسن ما عندك باهي وبعدها متجينيش تعيطي وتقولي جايين ناس يخطبو 👌
وسكر عليها 💥
مهاب لوح التلفون وحط يديه علي راسه : ااه يا ربي افرجها علينا معش عرفت شن اندير بكل 💔
خش عليه معاذ قعمز حداه : خيرك متنكد 😕
مهاب : ترا فوتني مش ناقصك والله 💔
معاذ : اني خوك احكي
مهاب : تي والله معاد فهمت حاجه البنت نحبها وليا هلبا معاها ومفيش فلوس بيش ندير اي شي ونتقدملها 💔
معاذ حط يده علي يد خوه : استهدي بالله يا راجل ولو من نصيبك مشحا ياخدها منك حد والله
مهاب بضيق : يااارب 💔
معاذ : تريح وارقد خيرلك
مهاب : تمام ❤
معاذ خله خوه وطلع لاسراء دروحه مضايق : وو يا اسرااء وو 😔😭
اسراء انصدمت : خيرك تو كنت تضحك 😲
معاذ : بتقطعني يا اسراء والله معش عرفت شن انديرلها 😔😭
اسراء مصدومه : من هيا 😲
معاذ بحزن : قد ما درتلها مبتش بكل راني نتعذب 😢
اسراء بحزن : جرب كلمها 😞
معاذ : وووك قد مقلتلها وقد مدرتلها متبيش بكل موجووع اني 😭
اسراء : عطيها رقمك قتلك 😡
معاذ : منقدرش منقدرش وليا وين معاد قدرت نرقد من وجعها  😭😢
اسراء : ينااري وخيي هدا كله داسه في قلبك 😔
معاذ : ااه يسريوة ااه موجووع شن ندير قوليلي 😭😢
اسراء : قولي من هيا واني نحاول نكلمهلك 😞
معاذ بحزن : متقدريش ومتاباش  😭
اسراء : انت غر قولي واني تو نفهمها انك نحبها 😞
معاذ انفجر ضحك : بطني 😂😂😂
اسراء : هييي بطنك يا تافه 😠😡😤
معاذ يضحك : اي ليها ايام مسهرتني توجع فيا 😂😂😂
اسراء : والله حيوان باهي قريب بكيت عليك 😡
معاذ يضحك : تستاهلي 😂😂
اسراء ناضت : الحق فيا نسمع فيك 😒
معاذ يضحك : وين ماشيه مش اختك مسكرة الباب 😂😂
اسراء : بنقرفع عليها نين تفتح 😒
معاذ ناض بيمشي لدارة : سلام سلام 👋😂
اسراء كشرت عيونها : اتفو 💦😒
معاذ خش للدار وطبعا هوا وخوته جميع لقى مهاب راقد وامي مزال مش مروح خش لفراشه ورقد وهوا يضحك 😂😍
اما اسراء صبت حدا الباب : سارة يا سارة افتحي 😡
سارة فتحتلها : خشي 😒
اسراء بحمق : خوك الكلب معاذ خزي 😤
سارة : شن دارلك 😮
اسراء : قعمز حداي وقعد يقولي موجوع معش عرفت شن انديرلها و مسهرتني الليل 😡
سارة خبطت وجهها : قصدك يحب ومن هيا 😱
اسراء : طلع يحكي علي بطنه 😒
سارة انفجرت ضحك : واااك هالمعاذ جووو والله 😂😂😂
اسراء من بين الحمق ضحكت : اي والله تافه بكل واني تفاعلت معاه وجو 😂😂
سارة تضحك : والله معاذ بالنسبه ليا نكهة الحوش صح نتعاركو بس نحبه مووت 😍
اسراء : والله حتى ني 😍
اسراء : شن ضميتي دولابك زين 😂
سارة : اي ضميته ومتأكده انه غدوة بينقلب من جديد 😂
اسراء : عاد عارفاتك اني 😂
سارة : باه غمي وجهك بنبدل 😂
اسراء غمت وجهها : هه يحيوانه 😁😂
سارة بدلت ملابسها وخشت ففراشها : خلاص تميت 😁
اسراء : باه يلا نرقدو 😍
سارة : اي هي 😍
ورقدن الزوز 😴😴

اهلك وخوتك مهما تتعارك معاهم 👌
يقعدو قراب من قلبك وفيسع متسامحهم ❤
لان ربي زرع حبهم فقلوبنا بالفطرة 💓

انتهى البارت 💙
عطوني رايكم 😘