( سااامحووووني عالتأخير قرائي الاعزااء وليكم وحشات والله 😘😘 )...
نبدو البارت 💭📝
المستشفى دارت خروج لعلي وطبعا هدى اصرت وكلهم انه يقعد في حوشهم 🏠
طلعوه بالشويه لانه محصل كدمات وركبو السيارة وفطريقهم للحوش 🚗
هدى وهيا فالسيارة اتصلت باسراء 📲
اسراء طول ردت : ايوا يا امي شن صار
وبينما اسراء تتكلم خدت سارة منها التلفون وبخووف ودموعها ينزلو : امي كيف حال علي 💔
هدى : بلا بكي يسريوة خيرك مفيه شي
علي كان مركز وعرفها تبكي عشانه نسى وجعه وابتسم
سارة مسحت دموعها : الحمد لله يااارب
هدى : جهزي المربوعه انتي واسراء وحطي فيها فراش و وتي ايكال لان توا مروحين بعلي
سارة بفرحه : حاضر حاضر
سكرت هدى و سارة طبعا قلبتها نط و تضبط في اسراء : علي بيقعد هنا بيقعد هنا 😍
اسراء : تبصري 😮
سارة : والله والله 😍 هي نوتو الحاجات بالذات المربوعه لان قريب يوصلو
اسراء : هي
اسراء فرحت لاختها بس حست احساس غريب لما عرفت ان علي بيروح للحوش وفرحت حتى هيا لما عرفت ان مش صايرله شي { لا ياربي شن هالاحساس اختي تحبه ياربي لا 😣 }
سارة بصوت عالي : استعجلي 😡
اسراء فطنت لروحها : هي هي
حطن فراش فالمربوعه وبخرنها وكنسن و اسراء حطت شربه عالنار و سارة دارت سلاطه وحاجات لعند سمعن باب الحوش انفتح
سارة قلبها فز : جوو جوو
اسراء : اي سمعت الباب
طارن يجرن يراقبن 🏃🏃
خشو كلهم و بعدها علي شاده معتصم وكان وجهه حااله وراسه ملفوف 😞
سارة شبحاته دموعها نزلو : يناااري 😢
اسراء حتى هيا قلبها وجعها 😔
خشو بيه لعند المربوعه وهنا خشن للمطبخ 🚶🚶
سارة تبكي : شفتي كيف رايح 😢
اسراء : هالولد ما عنده حظ فالدنيا 💔
خشت عليهن هدى : شن درتن طيبتن
سارة مسحت دموعها بسرعه : اي درنا شربه وسلايط
هدى تحول في محرمتها : باه هاك الساكو في دبش عليه ولعي عليه الغساله
سارة خداته بسرعه : حاضر يمي
مشت طلعاته وقعدت تشوف فيه كيف ملبز دم 💔
سارة : يناااري عليك 😔
ولعت الغساله وحطاته فيها وطلعت 🚶
لقت اسراء موتيه كل شي في الصفرة عالشربه بس يلي مزالت عالنار مطابتش
قعمزت عالكرسي وقعدن يهدرزن لعند طابت الشربه وحطنها واتصلن بمعاذ جي خداها 🚶
تغدو الشباب وغصبو علي علي انه ياكل بالسيف وكلى وكان كل تفكيره عند امه 💔
اما سارة واسراء ضمن المطبخ وخشن لدارهن كالعاده
# فالليل :
رقدو الجميع الا علي يلي يتوجع من الكدمات يلي محصلهم ومجاشي نوم بكل بكل
وسارة يلي تتقلب وتخمم في علي كيف حاله وشن صاير معاه توا
ناضت سارة خدت وشاحها حطاته علي راسها وطلعت برا قعمزت تشبح للنجوم 🌃
وعلي قعد يساعد في روحه لعند ناض بيمشي للحمام 🚶
سارة سمعت صوت حد جاي ناضت بسرعه ودرقت روحها 🏃
قعدت مصبيه حدا الساس وتشبح لعند شبحت علي طالع من المربوعه يكر في روحه وشاد فالساس عشان يقدر يمشي
خش للحمام وطلع وقرر انه يقعمز شويه لانه تعب 💔
حدا المربوعه كانت في حاشيه عاليه شويه قعمز عليها وسارة كانت قريبه عليه من ورا لكن مش باينه بكل
قعمز علي و رفع راسه فوق قعد يشبح للسماء 💔
طبس راسه وقعد يبكي 💧
بكاء وفطن لروحه طول قعد يمسح فدموعه { علي انت قوي ما في شي يبيك خلاص معش تبكي اس }
هدا و قعد ساكت وسارة كانت مراقبته وقلبها تقطع عليه 💔
قعمزت لوطه حتى هيا بس مش باينه عليه بكل : ابكي وطلع يلي في خاطرك الكتمان ما ينفعش
علي انتبه بس ملتفتش وعرفها هيا بس مردش بولا حرف
سارة تنهدت : الحياه صعبه و زمان كنا نقوولو الله غير امتى نكبرو ولما كبرنا نقوولوو ياريت نرجعو صغار منفهموش ومنحسوش بيلي يصير قدامنا و نفهمو في كل شي بحسن نيه
علي تنهد ومن وسط خاطره : ايييي والله جبتيها 💔
سارة سندت راسها عالساس : عليش تشد فدموعك
علي طبس راسه و مباش يرد ❌
سارة : راه مش كان انت راجل معناها ضروري تشد دموعك راه كل انسان ليه لحظات ضعف والكتمان مش كويس
علي شبح لفوق : عشت المر من صغري
وسكت ❌
سارة : احكي
علي حط يده علي رقبته لان توجع لما يتكلم : تعرفي مش متمني شي من الحياه الا نقعد حدا امي 💔
سارة تأترت وبصوت حزين : ربي يرجعك لامك ياري
علي بصوت فيه غصه : تعرفي عرفت ان كل شي يهون في الحياه الا انك تباعد علي امك 💔
سارة دموعها نزلن : صح 😢
علي يتكلم وكأنه حاس بفراغ في داخله وابتسم بحزن : بوي ميحبنيش تصدقي
سارة ودموعها ينزلو وتبي تخفف عليه : اكيد يحبك بس ميبيش يطلع حبه ليك 😔
علي ضحك بوجع : ياريت بس والله كنت متمني فيوم بس يعاملني معامله تتبتلي انه يحبني بس ولا مرة عاملني بحب ولا مرة 💔
سارة تبكي وساكته 😢
علي ضحك ونزلت دمعته : حياتي مأساويه راه 💔💧
سارة تبكي ومبتش ترد 😢
علي عرفها تبكي مسح دمعته وشبح لفوق : تعرفي
سارة من بين دموعها : شن
علي ضحك يبي يغير الجو : منظرك تحفه لما خشيت عليك فالمربوعه
سارة من بين دموعها ضحكت : والله
علي شبح لفوق وضحك : والله العظيم مع اني كنت موجوع ضحكتيني
سارة ضحكت وتمسح فدموعها : مدام ضحكتك معناها باهي المهم انت ضحكت منيش زاعله منك
علي ضحك : مجنونه
سارة : عارفه روووحي 😶
علي شد فالوطا وبدا يرفع في روحه بيصبي : هي نوضي الوقت تأخر وخوتك تو يسمعونا
سارة صبت : تمام
علي ابتسم : فرحت وخففتي عليا هلبا
سارة ابتسمت : كل يوم حنطلع في نفس الوقت ويلي في خاطرك قولهلي
علي التفت بس هيا مش باينه : تمام وتصبحي علي سعاده تغمر قلبك ❤
سارة تحشمت : وقلبك يارب ❤
خشت سارة تجري و قلبها يدق وهوا ابتسم ( هالبنت كأنها نزلتلي من السماء عشان تنسيني وجعي )
قعد يمشي بالشوي بالشوي لعند خش للمربوعه وامتد في فراشه وقعد يتفكر في كل حرف دار بينه وبينها 💞
وهيا خشت في سريرها ويدها علي قلبها وتتفكر فيه لعند خداها النوم 💤
رقد هوا وهيا وفي فرح في قلبهم رغم الجروح و الآلام 🎵
أحيآنا محادثه قصيرة مع من نحب 💭
كفيلة بأن تزيل هماً كان يصل عِنان السمآء ☁
•••••••••••√♪
في حوش عيت عم علي 🏠 :
نسرين تبكي : منبيييش اني منبيييش قولولي خييركم معاي بس بالله
رؤية جت قعمزت حداها : يا نسرين الله يهديك ليش متبيش سعد والله يحبك من زمان ويموووت فيك واهو تقدملك وصدقيني حيسعدك
نسرين تبكي : اني نحب علي وانتي عارفتيني يا رؤية عارفه 💔
رؤية بهدوء : نسرين انتي تعرفي زين ان علي ميحبكش فليش اديري فروحك هكي ليش
نسرين تبكي : تو يحبني مع الوقت تو يحبني
رؤية حضنتها : نسرين اهدي بالله و علي يا نسرين عارفه قديش شايف من الحياه وعارفه عمي اسماعيل يكرهه وتوا مباعد علي امه خليه ياخد البنت يلي يحبها ويفرح حتى شويه لو كنتي تحبيه 😔
نسرين تبكي بعبرتها : نحبه نحبه
رؤية : لو تحبيه ادعيله بالفرح مع يلي يحبها
نسرين تبكي : يعني نوافق 💔
رؤية : وافقي ومشحا تندمي لان زي ما تحبي علي سعد يحبك
نسرين حضنت اختها بقوووووة وبدت تبكي تبكي لدرجه ان رؤية استغربت فيها واستغربت في مقدار حبها لعلي وقعدت تسكت وتدعيلها ان ربي يسعدها مع سعد وتحبه زي علي 😔
احيانا تحب قلوبنآ اشخاص ليس لنا سبيل للوصول اليهم ❌
ليس لبعد المسآفه بيننا 🚫
وانمآ لان قلب هذا الشخص ليس لنآ 💔
ولاننا نتمنى له السعآدة 👌
نبتعد مع من بمقدوره اسعآدنا ✋
••••••••••••
انتهى البارت 💙
نتمنى نال اعجباكم ومتنسوش ال ⭐
واسفه عالتأخير والله امتحانات 😢
وشكرا ليكم ❤
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
