كفكِفْ دُموعگ إنْ هآجتْ هَوآئجهآ 💥
فكلُّ ثغرٍ معَ الايآمِ يبتسمُ ✨💓
~~~~~~~•••••••√♪♪♪♪
انتهى اليوم وعلي الفرحة مش سايعاته لدرجة انه مجاشي النوم بكل من الفرحه ويفكر في امه وفرحتها لما بيخبرها 💙
جا اليوم التاني ☀ :
ناض علي فرحان ورايق من الصبح الساعه 8 💛
خدا دوش ولبس بدلته الرسميه الجديدة و ساوى شعره عالمرايه وخش للدار و ولع الضي وبدا يخبط ومداير صوت بيطلع فلوس ويدور في شيشه الريحة متاعه ✨
معتصم حول البطانيه من علي وجهه و عين مفتوحه وعين مسكره : تي طفي ال&$#& بنرقد 😤
علي يدور فشناطيه : اسس شويه بس اصبر 😡
معتصم حط دراعه علي جبهته : الله يجيبك يا طولت البال 😩 بنرقد بنرقد من صبح ربي نايض خيرك 😫
علي التفتله : اس قتلك بنمشي العمل وبنشري تلفون 😠
معتصم كان فاتح عين ومغمض عين ولما شبحه فتحهن الزوز شبحله وقعد يضحك : ووووك ووووك 😂😂😂
علي يشبح لروحه : بسم الله خيرك 😲
معتصم يضحك : تيى شياكه وجوو ياريت من زمان خطبتلك 😂😂
علي صبى وحط يده علي شعره : تي جمالي يبي اهتمام يا راجل 😌
معتصم ضحك : خف علينا يا عبد الواثق انت 😂
علي ضحك : ترا قول تي بالله مش طرف صاحبك 😂
معتصم صفق يديه : من ناحيه طرف طرف صاحبي 😂
علي نفخ صدره : خلاص مالا 😌
معتصم شبحله علي جنب : اطفي الضي 😂😒
علي رد لشناطيه : شووويه بس 😮
معتصم التفت وحط المخده علي وجهه : وواااك منك 😤
علي قعد يضحك عليه 😂
طلع فلوس وبخ ريحة 💨 وطلع 🚶
معتصم حول المخده من علي وجهه : تي طفي الضي 😠
علي ضحك : باهي نسيتك 😂
طفى علي الضي وطلع من الشقه وقف تاكسي ومشى لشغله 🚕
كلهم يلي فالشغل بالذات البنات منبهرين بيه وبشخصيته واناقته وجماله واخلاقه يلي يفرضن علي الشخص ان يحترمه ✋
خش واشتغل وكمل شغله وطوول مشى لمحل نقالات 📱
شرى نقال جديد وكرت رصيد وطلع وقف قدام المحل 🚶
طلع شفرته وركبها و عبا الرصيد واتصل بأمه 📲
تلفون لطفية يرن 📞
هيا تشبحله وتبكي مبتش ترد 🚫
علي عاود من جديد 📲 { ردي هيا يا امي ردي بنفرحك هيااا }
لطفية شبحت للتلفون ومسحت دموعها وردت : الو
علي بفرحه : يالغاليه ❤
لطفية ودموعها يسيلن : نعم يالغالي
علي فرحان : ترا قولي ولدك علي شن دار 😍
لطفية حاطه يدها علي فمها متبيش صوت بكالها يسمعه : شن يعليوة
علي ضحك : ولدك خطب 😍
لطفية غمضت عيونها وحست بالفرح ودموعها ينزلن : امتى وكيف ومن
علي بفرح : امس طلبتها اني ومعتصم صاحبي بنت الراجل يلي قعدت عنده وطول وافق عليا 😍
لطفية بدت تبكي بصوت : ربي يفرحك يوليدي ربي يفرحك يعليوة يكبيدتي
علي : امي ليش تبكي مفرحتيليش 😔
لطفية تبكي : فرحتلك يعليوة دموع فرح هدين دموع فرح 💔
علي : امي بالله معش تبكي حتى فرح منبيش دموعك يسيلن 😔
لطفية وشقاتها زادن : كنت متمنيه اني نخطبلك ونفرح بيك وانت حداي يعليوة ااه عالدنيا يلي بعداتك عليا
علي تأثر : امي بالله عليك راه والله نفسخ نين نجيبك انتي تطلبيهلي
لطفية حطت يدها علي فمها : لالالا بس عرسك هنا رااه
علي بفرح : اكيد والله ماني دايره الا فالحوش والله بس بوووي
لطفية : اني بنكلمه بووك وعرسك ماني دايراته الا هنا
علي : حاضر يا امي المهم متبكيش ومتزعليش بس والله منتحمل زعلك والله ودموعك
لطفية مسحت دموعها وابتسمت : شن اسم العروس خبرني
علي بابتسامه : سارة ❤
لطفية بفرح : انشاء الله تطلع حلوة وكويسه زي اسمها وزيك يعليوة
علي يتكلم والكلام من قلبه : والله يا امي حتخش قلبك طول زي ما خشت قلبي هيا واهلها بطيبهم واخلاقهم
لطفية فرحت بالكلام وعرفاته يحبها : انشاء الله نشبحك انت وياها ونشبح ضنا ضناك ياربي ويملو الحوش عليا
علي من قلبه : يااارب يالغاليه💗
لطفية : خيرك امس نتصل بيك مقفل خفت عليك
علي مباش يقوللها الحق : تلفوني طاح مني معش ابا يفتح نين تو شريت تلفون جديد
لطفية : ااه والله انشغلت عليك
علي : امي توا بنروح للحوش ونتصل بيك لما نحصل باهي ❤
لطفية : حاضر يعليوة رد بالك من روحك
علي : حاضر يالغاليه 💓
وسكر 💥
خدا تاكسي وروح للشقه وهوا فرحان لقى معتصم شاري ايكال جاهز تغدا هوا وياه بعدها رقد ومعتصم طلع لشغله ✨
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
