اشرقت شمس اليوم التاني ☀
اليوم يلي سارة بتمشي فيه لعرس صاحبتها و يوسف بيجي يزور رفيق دربه 💓
واحداث تانيه بس خلونا نبدو البارت ✨
في حوش يوسف الصبح ☀
لم شنطه صغيرة فيها لبستين وخيط شحنه وفلوس وعطر ليه وطلع من الدار مشى لامه : امي
صالحه : نعم يا يوسف
وركزت عالشنطه : وين ماشي
يوسف قرب منها باس راسها : ماشي يومين لعلي صاحبي ومروح
صالحه مبتش تعارضه : باهي بس متطولش متنساش ان اني واختك بروحنا
يوسف : حنوصي عليكم حامد ولد خالي واني يومين بس وراجع
صالحه : رد بالك من روحك ❤
يوسف : وحتى انتي يا امي 💓
طلع يوسف و وقفاته غاده تبكي : يوسف 😢
يوسف بدون ما يلتفت : معش تكلميني قايل صح
غادة تبكي : قوله يسامحني 😢
يوسف : ربي يهديك
وطلع 🚶
ركب سيارته ومشى 🚗
••••••••••••••••••√
في هادي الاثناء كانت سارة تجهز فروحها :
سارة مقعمزة قدام المرايه : كيف ندير شعري 😟
اسراء جتها : تو نديرهلك اني 😘
سارة خلت اسراء تستشورلها شعرها باش اتديرلها تسريحه مناسبه للقفطان واسراء كان شعرها مش ناعم هلبا بس طويل وحلو ✨
استشورتلها نص شعرها والنص التاني مزال مطنطش وحالته حاله و وصله الاستشوار خربت 💥
سارة : يناااري عليك حظ ملقت متخرب كان توو 😠😠😠
اسراء : عدي شوفي وصله تلفزيون المربوعه اكيد فيها
سارة : بنطلع هكي شوفي منظري 😲
اسراء : كلا اني ايديا طابن ماني طالعه 😤
سارة بدت تنفخ : اووف وخلاص 😡
وناضت طلعت خشت للمربوعه وسمعت باب الشارع اسكر وصوت حد جاي للمربوعه 😨
قعدت مصبيه حدا التلفزيون وبتجلط 😨
خش عليها معاذ وعلي يهدرزو ويضحكو وبعد شافوها راحو هك 😨😲😧
معاذ وجهه احمر وقريب جاته جلطه وعلي طوول طلع و شاد روحه بالسيف علي منظرها 😂😨
معاذ قرب منها وشاد علي سنونه و عروقه بيطلعن : يا كلبه يا حيوانه شن اتدير هنا شنن 😠😠
سارة : جيت بناخد الوصله 😨
معاذ طلع شبح من الباب لقى علي طالع : اطلعي بسرعه سحيقه فضحتي بيا 😠😠
سارة طول فاتت تجري 🏃
معاذ مسح وجهه وطلع لعلي : خش سامحني بالله 😅😥
علي : لالا مصار شي 😅
وخشو للمربوعه هما الزوز وسارة تخبط وقلبها بيطلع عشان شافها بالمنظر هداك 😵😓
خشت للدار ومدت الوصله لاسراء وهيا خلااص بيغمى عليها من حشايمها قدامه 😵
كملتلها اسراء استشوار و لبست قفطانها ودارتلها تسريحه بسيطه وطلعت مشاء الله عليها وقعدت تراجي نين يجي وقت المشي ✨
اما علي هدرز شويه مع معاذ وطلع خدا تاكسي للشقه 🚕
و سارة مفارقتش خياله بكل 💓
نزل للشقه وخش امتد يراجي فمعتصم يجيب غداء معاه من برا 💙
بعد حوالي ساعتين وعى علي روحه لان خداه النوم والجرس يضرب 🔔
حك عيونه وناض فتح : تي وين لتو ومش عندك مفتاح
يوسف شبحله
وعلي ركز زين لقاه يوسف 💔
يوسف طبس راسه : سامحني 💔
علي طول اضبطه : مساامحك من غير متقول
يوسف : والله ماني لاقي صاحب زيك لو اشبح شن يصير 😔
علي : خش خش
خشو قعمزو وقعدو يهدرزو وخش عليهم معتصم جايب غداء وتفاجئ بيوسف وفنفس الوقت فرح بيه 💘
يوسف : امتى بتروحو
علي : اني بنرجع معاك بنشوف امي
معتصم : اني مزال منيش راجع
يوسف : امس شفت خالتي لطفية مشيتلها فالحوش
علي قلبه فز : كيف حالها امي 💔
يوسف : كويسه وقالتلي قوله يروح
علي : مشبحتش بوي
يوسف : لالا ليا فترة معش شبحته
علي تنهد :بنروح ونكلمه وانشاء الله قلبه يحن عليا 💔
معتصم ويوسف : اميين يارب
وكنلو هدرزتهم ✨
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
