روح علي للشقة مع معتصم 🏢
خش هوا وياه و في كنبه قريبه من الباب قعمز عليها علي وسند راسه : اااه تعبت من الدوران
معتصم قعمز مقابله : حتى ني عييت من الدوران حوش اهلي قاعد واني من حوش لحوش 😔
علي تنهد : ربي يفرج حالي وحالك 😩
معتصم من قلبه : يااااااارب
علي : عارف فشن نفكر
معتصم : شن
علي : نبي نخطب ونتزوج
معتصم استغرب : وانت هنا ومن هيا البنت !!
علي عدل تقعميزته : اي واني هنا ونبي نجيب امي معاي والبنت اخت معاذ صاحبك
معتصم : الكبيرة او الصغيرة
علي : عجيتني يلي اسمها سارة الحق اخلاق وكل شي وقلبي ارتاحلها
معتصم : تبي الحق بنات عمي سعد نعم التربيه راه
علي : اي حتى ني قعدت معاهم وعرفت هالشي
معتصم : باه كيف بتتقدمها ❗❗
علي بحزن : بنكلم امي تقول لبوي 💔
معتصم ضحك بوجع : والله
علي : شن بندير مالا بنجرب وخلاص بلكي يوقف معاي ولو مرة فحياته 😔
معتصم : ربي يكون معاك يا صاحبي 👐
علي : الدنيا لعبت بينا يا معتصم
معتصم تنهد : اي والله لعبت بينا لعب
علي تفكر : بالله معش كلمك يوسف ؟
معتصم : لا والله ليه ايام مختفي حتى الحادث متاعك مسمعش بيه
علي : هيييه حتى هوا ربي يعاونه تحمل المسؤوليه من صغرة وخوه مسيبه وماشي
معتصم : كل حد عنده هم في هالدنيا مفيش حد خالي
علي : الحمد لله غلي كل حال وخلاص 💔
معتصم : الظهر يأذن عيا نصلو
علي ناض : هي شوي نتوضأ بس
معتصم : تمام نراجي فيك 👍
ناض علي حول جاكته برا الحمام وخش توضا وطلع 💗
معتصم ناض : هي نصلو
علي : هي
صبو هما الاتنين و صلو الظهر وفي السجووود فرغو جميع ما في قلوبهم 💔
ف اللهم أرنا عجآئب قدرتگ بتيسير أمورنآ 💙
و أرنآ عجائب قدرتگ لأن تقول لأمرنآ كن فيكون 💓
~~~~~~~~~~~~~~~~~~~~√
تمو الصلاة و علي قعمز خدا تلفونه واتصل بأمه 📲
تلفونها رن رن ومفيش اجابه 🚫
عاود من جديد 📲
رن رن ومفيش اجابه 🚫
عاود نرة تالته 📲
طبعا التلفون كان حدا اسماعيل وهيا مسكرة علي روحها الدار تبكي وهوا شبحه لقاه علي مباش يدوره بس فالمرة التالته خداه هوا رد : ايوا
علي قلبه جمد عرفه بووه بس فنفس الوقت قلبه حن : ايواه 😔
اسماعيل بعنف : خيرك شن تبي
علي بحزن من اسلوب بوه : كيف حالك يا بوي 💔
اسماعيل بدون رحمه : اني قلتهلك لو تقعد بعيد عليا حنكون بخير 👌
علي الكلام نزل عليه زي السم بس مباش يدور وبوجع : بوي نبي نخطب ونبيك توقف معاي متردنيش ونوعدك مشحا نقرب منك مرة تانيه بس انت سندي اوقف معاي هالمرة بس 💔
اسماعيل ضحك : اخطب من شادك
علي دمعته نزلت : نبيك انت توقف معاي لو سمحت بس 💧
اسماعيل : اني متبري منك كيف تبيني نوقف معاك ونخطبلك و و و
علي بدا يبكي : باهي ليش لييش 💔
اسماعيل : هكي
علي يبكي : قولي شن قصدك لما قتلي حيجي يوم وتعرف ليش اني اندير هكي قوولي اقسم بالله دماغي بينفجر قلبي بينحرق والله حرام والله
اسماعيل بحده : علي
علي يبكي : نعم يا بوي نعم 💔
اسماعيل : ربي يهنيك
علي يبكي بقوو قوه ومعتصم حداه شده : ليييش ربي يهنيني لييش نبي هناي حداكم وبينكم لييش تقولي هكي ليييش ارحمني ارحمني من حوش لحوش اندور المدينه وسيبتها كل شي سيبته بالله عليك معندكش قلب راني دم ولحم اقسم بالله تعبت حس بيا حسسسس 💔
اسماعيل قلبه وجعه وطلع الوجع يلي كان داسه طووول هالسنين : اخطب وعيش حياتك اني مشحا نوقف معاك
علي يبكي ويخبط في يلي حداه : لييش باهي لييش ارحمني وقوولي تعبت
اسماعيل غمض عيونه بقوة : ربي يهنيك
وسكر 💥
علي يبكي ويعيط بصوت عالي : بووووي بوووي
عرفه سكر لوح التلفون علي قوو قوه 💥
قعد يكسر ويطيح فكل شي قدامه ويبكي : ليييش هكي ليييش شن داير فعمري اني شن داير يا ربي شننن تعبببت
معتصم يشد فيه ومنصدم لانه اول مرة يشوووف علي تاعب ومكسوور ويبكي هكي !!!
علي يلي معرووف بقوته وعزمه و مفيش حد يشووف الحزن علي وجهه و لا حد يشوف دمعته اليوم منهار 💔
معتصم يشد فيه وعلي يخبط ويبكي : اذكر الله يا علي اذكر الله
علي جهده عدا قعمز علي اركابه وقعد يبكي : تعبت يا معتصم تعبت يا صاحبي معش قادر ندس فداااخلي معش قادر والله 💔
معتصم منصدم وقلبه بيتقطع : شن قالك بووك شن
علي بأعلى صوت ليه : ااااه يااااربي قااالي ربي يهنيييك قااالي ربي يهنيييك
معتصم مقعمز قدامه : لييش ربي يهنيك ؟؟؟
علي حط يديه علي وجهه ويبكي : مش عاارف يا صاحبي مششش عااارف 💔
معتصم سكت لانه حس الموضوع فيه شي { انشااء الله ما يطلع الموضوع زي يلي في بالي يا صاحبي بس 💔 }
علي يبكي ومعتصم معش قدر يزيد حتى حرف ❌
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
