أوجعتني يا أمي 💔

part 22

سيعوضك الله لأنه يعرف أنك كنت دائمًا عند حسن الظن به

وما يأست حتى في أكثر اللحظات ظلمة ✨. ..

~~~~~~~~~~~~~~~~••••••

مر حوالي شهر علي أخر الأحداث 💙

وتوا كل يلي شاغلهم هوا عرس علي وسارة ❤

علي ماشي جاي يجهز في الشقه يلي أجرها بيتزوج فيها ✨

لطفية موصيه علي كل شي وحجزت كل شي وكل شي كان واتي 👍

سارة فرحاااانه ومتوترة عشان بتخلي هلها وبتنتقل لمدينه تانيه بكل واسراء مقضيتها بكاء من وجع قلبها ولأنها بتباعد عليها اختها 💔

~~~~~~~~~~~~~~

يوم الاربعاء يوم الحنه :

في الدار وسارة تلبس فالبودري .. خشت عليها هدى وشبحتلها : والله يا بنيتي مفروض جت امه وبنات عمه عالاقل حنوك كيف هكي ميصيرش 😩
سارة شاده الردي من فوق وخالتها تشحطلها فيه : يا ماما خلاص الموضوع تم انتو عارفين وحتى المسافه مش قريبه راه بيش يمشو ويجو واني حنيت ورد تو علي حطت طشه حنه في يدي بيجو من غادي
هدى فتحت الدولاب خدت مفتاح سيارة امين : باهي غير استعجلي توا بس
طلعت هدى 🚶
خالة سارة " نجاح " : امك عندها حق راه
سارة : اني راضيه ومش هامني اذا جو او لا اني مقدرة ظروفهم
نجاح : باه كيف بيصير غدوة امتى بتتسقدي من هنا
سارة : بنسقدو الفجر وحتى ماما بتمشي واني مزينتي حجزتها غادي وبابا اجر شقه بيقعدو فيها علي ما كملت وبعدها نمشو جميع
نجاح : امك بتمشي
سارة : اي بتمشي ماه عمتي قالتلي تبي تتعرف عليها
نجاح كملتلها الردي : ااه تمام ،، مشااء الله ربي يبارك عليك طلع عليك يهبل 😍
سارة وقفت قدام المرايه تشبح لروحها : حقا نهبل 😍
خشت عليهن اسراء وعجبتها لما شبحتها بالبودري : شن كملتي يا عروسه
سارة ضحكت : اي كملت خلاص 😂
اسراء قربت منها وباستها : ربي يهنيك يوخيتي 😘
س

ارة ابتسمتلها : وربي يفرحك يوخيتي يااارب ❤
اسراء طلعت { ربي يفرحگ مع الشخص يلي قلبي حبة 💔 }

انقرت الفاتحة العشية وسارة وعلي في اسعد ما يكون 💓

علي واقف هوا ومعتصم :

علي بفرحه : فرحااان يا معتصم فرحااان 😍
معتصم اضبطه : ربي يدوووم فرحك يا صاحبي 😍
علي فك روحه منه ودمعته في عينه : واخيرا بنفرح يا صاحبي واخيرا 😢
معتصم تأثر : ربي يكملك فرحتك علي خير يوخيي 💔
علي : تصدق انه شعور معمريش حسيت بيه والله ما عمري فرحت فحياتي هكي والله
معتصم حط يده علي كتف علي : انشاء الله تفرح اكتر واكتر فالجاي يعليوة لانك تستاهل يا خوي تستاهل
علي اضبطه : انشاء الله نفرح بيك حتى انت يارب
معتصم ضحك : يااااارب 😂
علي من بين دمعته ضحك : مخاطركش شكله 😂
معتصم ضحك : شن بنتحشم منك ونقولك مزال والله كان لقيت بنت الحلال طول 😂
علي ضحك : انشاء الله تلقاها واني نخطبهلك 😍
معتصم رفع ايديه ويضحك : امين 😂