أمگ هي كل الحيآة ❤
لو تفقدها ما في شي في الدنيآ ح يعوضهآ ليگ 👍
لأن الأم تفرق علي أي انسآن تآني 💖
طلع علي من الدش 🚶
خش علي امه فالمطبخ : شن اتديري يا غاليه
لطفية تقرض فالبصل : بندير الغدا يا اعليوة
علي مشى للدولاب محطوط عليه تفاح خدا تفاحه وغسلها قعد ياكل فيها 🍏
لطفية : شكلك جيعان مش فاطر
علي ياكل فالتفاحه : عادي تو نتغدا معاكم نشبع ❤
لطفية : حي عليك ضروري تفطر
علي ياكل : اهي ساد تفاحه وبعدها نتغدا عادي يا امي 😁
لطفية حطت البصل فالطنجرة : باه ماله
شوي وصوت اسماعيل خش 🚶
علي حط التفاحه وصبى 💔
اسماعيل شبحله : انت شن جيبك شن 😠
علي طبس راسه
لطفية : خلي الولد يا اسماعيل عيب عليك
اسماعيل بصوت عالي : وجهك معش نبي نشوفه هنا قلت والا 😠
علي شبحله : يا بوي كيف مش انتو اهلي وين تبيني نطير 💔
اسماعيل شده من يده : اني بريئ منك ليوم الدين بريئ منك
لطفية شهقت وتبكي : بتهبل يا راجل ولدك ولدك كيف هكي كيف
علي منصدم 💔
اسماعيل ادف فيه : برا برا اطلع معش نبي نشوفك بكل برا
علي يتحرك علي دف بوه وكأنه مش قادر يتحكم في روحه من قوة الكلمه يلي سمعها 💔
اسماعيل دف نين وصل لباب الشارع : رجليك مزال يعتبن الحوش نقصهلك 👌
علي شبحله ودموعه نزلو : تتبرا مني ؟
اسماعيل بقسوة : اي نتبرا منك معش نبيك اطلع
علي رفع السبابه فوجه بوه ودموعه ينزلو : والله يا بوي حيجي يوم وتتمناني حداك وتندم والله ☝💔
اسماعيل طلعه وسكر الباب عليه : اتتتفوووو 💦
لطفية اتخبط وتعيط : حرام عليك حرام عليك حرااام
اسماعيل دفدرها وخش 👊
علي واقف حدا باب الشارع ومسح دموعه يلي ميحب حد يشبحهم 💧 تنهد بقوة : يالله أعيني يا الله 💔
مس جيبه ولقى تلفونه مش معاه و مفيش فجيبه حتى فلوس ياخد بيهن اجرة 😔
قعد يمشي يمشي لعند خش للدكان يلي حداهم : السلام عليكم ✋
الشاب يلي فالدكان : وعليكم السلام تي وينك معش باين بكل
علي ابتسمله : والله معاد نلهى بكل اشعال
وفخاطره { همووم مش اشغال ااه وخلاص 😣 }
ا
لشاب :ربي يعاونك يارب
علي : اميين يارب .. بالله حسوونه نبي تلفونك شويه تلفوني استاكه معش ابا يشتغل بكل وعندي مكالمه مهمه
حسن مدهله : تفضل اكيد خود راحتك بيه 📱
خداه علي منه : صحيت يا احسونه والله
طلع بالتلفون برا الدكان وكتب رقم يوسف وهوا متحشم منه واتصل 📲
رنن رنن 📞
يوسف رد : اهلا بعليوة
علي متحشم : يوسف تقدر تجيني حدا الدكان 😵
يوسف عرف ان في حاجه : اكيد جليك تو 👍
علي : صحيت والله
يوسف : ما عندي جميل يا صاحبي ❤
علي سكر منه 💥
خش للدكان عطا لحسن التلفون : صحيت صحيت بارك الله فيك يا احسونه والله
حسن حط التلفون فجيبه : فأي وقت يا علي حاضر معش تشكرني
علي : باه حاضر وتوا بنمشي عشان صاحبي بيجيني
حسن : تمام خود راحتك 👍
طلع علي من الدكان وقعد يراجي 😵
لعند وصل يوسف 🚗
يوسف نزل قزاز السيارة : اعليوة تعال
علي مشا طول وركب : خير يا يوسف سامحني مشردك معاي 😞
يوسف حط يده علي كتف علي : عيب عليك والله تي انت صاحبي قولي شن صاير
علي حط يديه علي وجهه : تبرا مني 😔
يوسف بصدمه : شنووو 😲
علي حول اديه من علي وجهه وقعد احك فلحيته من الهم : اقسم بالله 💔
يوسف : لااا بووك هبل رسمي والله
علي حابس الغصة فرقبته : ربي يهديه 💔
يوسف حرك السيارة وطول للحوش 🏠
درس سيارته ونزلو 🚶🚶
علي خش { تو اخته تبدا اضايق فيا اااه وخلاص من الهم 😔 }
يوسف فتحله المربوعه : خش اهو حتى بطانيتك و ويادتك قاعدات فمكانهم
علي قعمز : صحيت والله متحشم منك
يوسف : والله مزال تقول الكلام هدا لنزعل منك
علي : حاضر معش نقوله 😣
يوسف : شويه وانجيك 👍
علي : تمام خود راحتك
يوسف خش للحوش وخبرهم ان علي قاعد ونبه علي غادة متطلعش برا 👌
غادة فخاطرها { جيت جيت والله إلما نوريك 😏 }
صالحه : هيي يا بنت وين سرحتي 👋
غاده وعت علي روحها : لا شي شي
صالحه : امشي طيبي الغدا وقت
غادة مشت : هي حاضر
اما يوسف طلع لعلي وهوا بيخش المربوعه وقف 💥
وقف لانه كان يسمع فصوت علي يبكي 💔
يوسف منصدم لان عمره فحياته مسمع علي يبكي ولا عمره شافه منكسر ديمه يعرفو علي بالشخص القوي يلي ما شي يهزه 💔
يوسف واقف يسمع وقلبه متقطع { والله عندگ حق يا صاحبي بوك تبرا منك بلا سبب اكيد حاجه تبكي 😔 }
يوسف محبش يقطع عليه او يحسسه انه سمعه طول تراجع وخش لداخل 🚶
اما علي كان حاط يديه غلي وجهه ويبكي { تتبرا مني يا بوي 💔 تتبرا مني واني ولدك ومدرتلك حتى حاجه تؤذيك 😢 الله يسامحك وخلاص 😢 }
لآ شيئ يؤلمنآ في هذه الحيآة 👌
كجرح لنآ في الاعماق من اقرب الاشخاص لنآ 💔
ولآ سيمآ لو كان هذا القريب احد والديگ 😔
علي فطن لروحه وخاف يخش عليه يوسف يشوفه .... مسح دموعه وناض للحمام بيغسل وجهه 🚶
في حوش سعد :
هدى : خيرك يا سعد مضايق
سعد متكي : نخمم في هالشباب شن بيجوزهم راه كبرو
هدى : كل واحد بشغلته وانشاء الله ربي يفرجها معش تاكل روحك
سعد : تي وين معش ناكل رووحي واني ابسط حقوقهم مش موفرهلهم 😔 ربي يفرج علينا وخلاص
هدى وجعها حاله : خلاص يا سعد ربي هوا الرزاق متاكلش روحك
سعد : حاضر انشاء الله خير وخلاص
في دار سارة واسراء :
سارة تلوي فشعرها بيدها : عرس مروى قريب 😣
اسراء تلعب بتلفونها : باه وكان 😒
سارة : شن بنلبس 😟
اسراء : خيرا دبشك الاول 😡
سارة : وااك واللله كله شابحينه 😞
اسراء حطت التلفون : بلا نقيق بوك عارفتيه معنداش ترا اهفتي
سارة بحزن : اي عارفه بس خاطري فالعرس 😞
اسراء : قولي لأمين يعطيك 😮
سارة ابتسمت : والله فكرة 😮😍
اسراء لوحت عليها المخده : شن فكره راه امييين 😲
سارة صبت : والله عشان العرس لأطلبه منه 😡😍😂
اسراء ضحكت : باه حاولي وتو نشوفو 😮😂
سارة ساوت شعرها : هي شويه وانجيك بالاخبار السارة 😁
اسراء : تي امين طلع يا هبله الصبح والا نسيتي 😂
سارة : سمعته روح 😌
اسراء : باه امشي ترا 😂
سارة مشت : بااي 👋
اسراء تضحك : شدي حيلك 😂👋
سارة تمشي وتدعي : قويني ياربي قويني 😐
وصلت لباب الدار ودقت : دق دق ✊
مهاب : من 😕
خشت وهيا خاشه فبعضها : شن اتديرو 😅
مهاب : شن تبي 😒
سارة : نبي امين شويه اطلع 😒
امين شبحلها : تبيني اني 😕
مهاب مسلها جبهتها : شكلك غاطله ✋😂
سارة : واااك اطلع قلت 😤
مهاب طلع وهوا يضحك : باهي طاللع 😂
خلاته يطلع وسكرت الباب وامين منصدم 😲
سارة قعمزت حداه : كيف حالك يا خوي الغالي 😅😁
امين شابحلها باستغراب : حالي باهي 😕
سارة بالقوة : خيرك تشبحلي هكي العفو 😡
امين شاد ضحكته : لا شي قولي 😂
سارة تشبح للوطا وتحرك فرجلها : نبي فلوس 😳😅
امين ضحك : تبي فلوس 😂
سارة تشلحله ومستغربه فضحكته : هازي عليا 😲 راه والله لولا العازة ما جيتك ايواه 😡
امين يضحك : تي باهي عارف 😂
سارة ناضت : معش نبي زيد اضحك 😒
امين شدلها يدها : كم تبي 😂
سارة كتفت يديها : يلي يجي منك باهي وانت كريم واحنا نستاهلو 😒
امين ناض فتح دولابه وطلع منها 300 د : هاك هك باهي 😉
سارة منصدمه : كم 😱
امين : 300 يسدنك 😁
سارة من غير متفطن خدتهن وقعدت تنط : يا احسن خوو فالدنيا شكرا شكرا شكرا 💃💃💃
امين يضحك : ساد نط ساد 😂
سارة : شكككككرااا 😍😍😍
امين : عفوا عفوا 😁
سارة طلعت تجري طلقه 🏃
وامين قعد يضحك علي اخته المهبوله 😂
صح منعزل عليهم اكتر الاحيان وشخصيته جافه بس يحبهم هلبا وبالذات سارة ❤
اما سارة خشت تجري لاسراء ترقص 💃💃
اسراء صبت : شن صار عطاك 😱
سارة ترقص وشاده الفلوس : 300 😌💃
اسراء : هييي يا فالحه انتي 😮😮
سارة : اي مالا شن تو نشري قفطان وكندرة وهديه ليها 😍
اسراء : يسعيدك 😍😂بس كيف عطاهلك 😱
سارة حط الفلوس : تي تعرفي قعد يضحك معاي 😱
اسراء : تبصري 😲
سارة ضحكت : والله ضحك وبانت غمازته 😂
اسراء ضحكت : اتفوو عليك عندك حظ 💦😂
سارة : اللهم لا حسد ✋😂
اسراء : خززززي 😂😒
وقعدن كلمه بكلمه طول الوقت وسارة فرحاااااانه عشان بتشري يلي تبيه وبتحضر عرس صاحبتها 😍
انتهى البارت ❤
عطوني رايكن 😘 و اضغطو علي ⭐ وشكرا 👍
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
