صبح اليوم التالي اليوم يلي علي بيروح فيه لحوشه وبيشوف امه وبوه 💔
ومع الساعه 7 الصبح :
معتصم : سوق بالشويه يا يوسف
يوسف يساوي في شعره : حاضر انشاء الله
علي : خودلي اجازة من المكتب راك تنسى
معتصم : اي اكيد تو نمشيلهم بعدين
وطلعو هما الزوز : هي مع السلامه 👋
معتصم : توصلو بالسلامه 👋
نزلو ركبو سيارة يوسف وانطلقو 🚗
مرة يهدرزو مرة يسكتو و نزلو كلو في مطعم لعند الساعه 9 كانو واصلين مدينتهم 💙
يوسف حط علي قدام حوشه ومشى 🚗
علي سما بسم الله وفتح الباب وخش 🚶
خش داخل : امي امي
جاته لطفية تجري : اعليوا روحت
حضنها طوول وباس راسها : كيف حالك يالغاليه مستاحشك يا امي واستاحشت حضنك الدافي 💔
لطفية تبكي : معش تخليني يوليدي الله يربحك
علي حاضنها : حاضر منخليكش متبكيش بس 💔
لطفية فكت روحها منه : خش خش
علي قلع كندرته : بوه وين
لطفية : مشى عمك صالح توا بيجيبه
علي مشى لداره وفتح الباب وجمد : وين حاجاتي 💔
لطفية نزلن دموعها : بوك الله يهديه بس دبشك مزال قاعد دسيته 😢
علي بوجع : يكرهني للدرجه هدي ! 💔
لطفية سكرت باب الدار : متخممش اكيد تغير توا مرات الجلطه وعاته 😔
علي بوجع فقلبه : والله ما ضني يا امي
قعمز هوا وياها فالصاله وراسه علي رجلها وحاس بخنقه بالذات بعد شاف داره كلها فاضيه { ليش يا بوي شن درتلك عشان اتدير معاي هكي بس 💔 ليش تكرهني ليش 😔 }
سمعو صوت باب الحوش انفتح وصوت صالح : شد روحك زين يا اسماعيل
اسماعيل : نقدر نمشي خلاص اطلقني
صالح : تي خليك هكي شادك
لعند وصلو لداخل وخش اسماعيل وشبح لعلي بعدها طول حول عيونه من عليه
علي ناض طول سلم علي عمه : كيف حالك يا عمي
صالح : بخير والله كيف حالك انت
علي بحزن : بخير والحمد لله
علي وقف قدام بوه وباس راسه : كيف حالك يا بوي
اسماعيل فات ومباش يرد عليه
علي غمض عيوونه بقووووة 💔
صالح حط يده علي كتف علي : مدوراش خلاص بوك وعارف طبعه
علي قبض يده بقوة : انشاء الله 💔
خشو وقعمزو و لطفية كانت مجهزة سرير لاسماعيل وكانت تحوس ودموعها يقطرو من كتر ما واجعها علي
صالح متكي : شن حصلت شغل غادي او لا و وين قاعد
علي : اي حصلت شغل فمكتب و قاعد فشقه اني و معتصم صاحبي
صالح : باهي ربي يفتحها عليك يوليدي
علي كان متمني هالكلمه هدي من بوه مش من عمه بس خلاها في قلبه : انشاء الله
صالح ناض : هي نستأذنكم
علي واسماعيل : وين
صالح : عندي شغل بنمشيله وبعدين تو نجي
علي : تمام يا عمي
وطلع صالح 🚶
علي قعد مقعمز وخلاص وساكت بعدها سأل بوه : شن تحس فروحك اليوم
اسماعيل : كنت كويس وبعد ما شفتك زدت مرضت
علي الكلام نزل عليه زي الموس في وسط قلبه 🔪
وعلي كتر ما كان متمالك نفسه وشاد روحه بس عيونه تجمعو في عينه وناض صبى قابل بوه : للدرجه هدي تكرهني يا بوي شن دايرلك قولي
اسماعيل لفت وجهه للجيهة التانيه : واكتر من هكي
علي دمعته خاناته ونزلت : داري لقيتها فاضيه و تبريت مني و عمرك ما عاملتني كأب ليش بس فهمني ونوعدك معش تشبح وجهي طول عمرك
اسماعيل ساكت
علي قرب منه اكتر وطبس عليه : قوولي بالله قوولي
اسماعيل : معش نبي نشوفك هنا بكل
علي ودمعه تانيه نزلت منه : اخر كلام
اسماعيل : اي
علي مسح دموعه : ربي يسامحك 💔
و فات من حداه وناداه اسماعيل : علي
علي قبض يده وغمض عيونه وحس فرح : نعم
اسماعيل : حيجي يوم وتفهم ليش اني درت هكي
علي التفت : شن قصدك
اسماعيل : اطلع برا
علي طبس راسه : طالع 💔
جت لطفية : خيركم شن في
علي حضنها بقووة : سامحيني يا امي مرات معش تشوفيني 😢
لطفية تبكي : خيرك ليش تقول هكي ليش
علي فكها وجا بيمشي شداته : وين ماشي وين قولي
اسماعيل بصوت عالي : خليه
علي فك روحه من امه وخدا شنطته يلي معاه وطلع 🚶
طلع وخلاها تبكي وراه 💧
خدا نفس وطلع للشارع و عطا نظره للحوش يلي كبر فيه يلي بكا وفرح و لعب فيه يلي عاش فيه كامل طفولته و مكانش متخيل فيوم انه حيطلع منه ويسيبه و السبب فهذا كله بوه 💔
ابتسم بألم : مع السلامه 👋💔
أصعب أنوآع المقاومة 💢
عندمآ قلبگ يريد شيئ و عقلگ يمنعگ 🚫
عندمآ تكون لديگ رغبة بالبكآء 💧
و لكنگ تبتسم لتحمي كبريائك ☺
عندمآ تكون لديگ رغبة في الانفجآر 💥
و لكنگ تفضل أن تنفجر بأعماق أعمآقگ 💔
حتى لا يشعر من حولگ بألمگ 😔
وهذا هو اشد انوآع المقآومه 👌
خدا تاكسي وركب فيه وقاله انه بيرجع للمدينه يلي كان فيها 💔 🚕
طلع تلفونه اتصل بيوسف 📲
رد عليه : ايوا اعليوا
علي بدون مقدمات : اني راجع توا لي.....
يوسف : شنوو خيرك يا راجل
علي : هذا يلي صار
يوسف فهم ان القصه وراها بوه : تمام حنزورك غادي
علي : امانه فرقبتك امي
يوسف : والله من غير متوصي امك هيا امي
علي : تمام تو بنسكر
يوسف : ربي معاك
وسكر 💥
تكى راسه علي كرسي ااسيارة وغمض عيونه 💔
•••••••••••••••••••••••••••√
فحوش سعد :
كلهم مقعمزين فالصاله جميع ما عدا مهاب يلي كان فداره راقد من الحمل يلي في قلبه شايله
هدى : وين اصاحبكم معش جو
معاذ : علي روح اليوم ومعتصم قاعد تو بعدين بنجيه
سارة قلبها قبضها عشان روح و هدى فرحت : قصدك بوه رضا عليه
معاذ : لا لا غير بوه جاته جلطه مسى بيشوفه وراجع
سعد شاد سبحه ويسبح : تو مرات يتغير راه بعد الجلطه ويحن عليه
امين : والله علي يلي حكاهلي ما ضني 😐
هدى : ربي يفتحها قدامه و يسر امره ❤
كلهم : امييين ❤
واسراء كانن عيونها علي سارة وشبحت الحب فعيونها لما قعدو يحكو عليه 💓
معاذ : مهاب وين
سارة : في داره راقد
سعد : الولد هدا معش عاجبني ديمه راقد خيرا
هدى : اي والله حتى طلوع معاد يكلع بكل
معاذ ناض : تو نشوفه
ومشى ليه 🚶
فتح الدار وخش ولع الضي و قعمز علي سريره : مهاب
مهاب حول البطانيه من علي راسه : طفي الضي يا عن&$#
معاذ بصوت عالي : تي خيرك يا راجل
مهاب قعمز : اطلع واطفي الضي 😠
معاذ ناض سكر الباب و رجع قعمز عالسرير وبحمق : شن تحساب روحك هكي بالنوم بتقدر تجيبها 😡
مهاب : متحكيش معاي فالموضوع اطلع
معاذ : يلي يحب يسعى عشان يلي يحبه ويشتغل ليل نهار عشان يجيبه حداه قبل ما ياخده منه غيره مش يجي ويرقد ويقول خيرني وليش وموجوع ونبيها
وطلع وقرفع الباب 💥
مهاب حس كلام معاذ صح لانه يلي يحب يسعى و هوا من كتر ما معش عرف شن يدير قعد يرقد وبس وهدا مش حل 💔
ناض غير دبشه و ساوى روحه وطلع من الدار 🚶
خطم من قدامهم وامه ناداته : مهاب تعال
مهاب طلع بدون ميرد 🚶
معاذ ابتسم لان عرف ان كلامه دار نتيجه ❤
مهاب خدا تاكسي ومشى لصاحبه يلي كان يدور في حد يشتغل وقاله اني بنشتغل وصاحبه طول وافق 👍
قرر يسعى و يشتغل و يدير يلي بيديه عشان يجيب البنت يلي حبها حداه 💓
عشان يحقق كل حلم و امنيه كان راسمها في مستقبله 💗
اللهُم شيئاً لطيفاً 💛
مُفاجئ غير مُخطط له ✨
يأتي من دون توقع ✋
شيء جميل مُفتقد ، مُنسي ، يكسر الروتين المُهلك 👌
و يُرجع الهمة ، يبعد الغمه 👊
اللهم شيئاً يسعد القلب 💓
•••••••••••••••••••••√♪
انتهى البارت ❤
عطوني رايكم ومتنسوش ال⭐
نبي تفاعل قوي ارجوكم 💙
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
