فات هاليوم ومصارنش فيه هلبا اشياء ✨
امين اتفق مع عمال عشان يزوقو يلي انحرق ،،،
حجز موبيليا جديدة لخواته 💙 ،،
حجز فرش جديد بدل كل الفرش يلي انحرق 🔄
شرا لامبات وحاجات للضي يلي اتكل 💢
~~~~~~~~~~~~
مهاب مستمر في شغله وهالك روحه عشان يعوض الفلوس ويقدر يخطب صفاء 💓
هدى وسعد يخممو في الحوش وكيف بيصير ؟؟؟
~~~~~~~~~~~~
اسراء تتعارك هيا و قلبها يلي معرفتش خيرا ينبض كل ما حد يجيب سيرة علي وكل ما تصيرله حاجه تخاف عليه 💔
اما سارة فتخمم في علي وكيف حاله وتراجي فالليل امتى يجي عشان تطلع تطمن عليه ✨
~~~~~~~~~~~~
نبدو البارت 💭
•••••••••••••••••••♪♪
مع الساعه 11 فالليل 🌃 :
مفيش حد فالمربوعه الا علي ومعتصم وهدكما كل واحد لاهي يدير فحاجه
علي : والله تعبت يا معتصم حياتي تبهدلت
معتصم : احمد ربك وخلاص قضاء وقدر
علي تنهد : الحمدلله 😩 خلاص بنروح معاك اليوم انضني الناس سادهم يلي فيهم وهما حالتهم الماديه استنتجت انها ضعيفه
معتصم : هيا من ناحية ضعيفه اي وتحسنت هلبااا علي زمان ايام كانو يسكنو غادي و افضل انك تجي معاي تاخد راحتك اكتر
علي : اي والله بندير هكي وكتر الله خيرهم لموني كأني واحد منهم وفيهم ❤
معتصم : ناس واجب معروفين ❤
معتصم ناض : اني وقت انت بتمشي معاي توا
علي : راجيني بس انلم دبشي فشنطتي ونكلم عمي سعد ميجيش نطلع وهوا ميعلمش
معتصم قعمز : هه تقعميزة مالا وتي روحك
علي بدا يلم في دبشه وكل شويه يحط في يده علي جنبه
معتصم انتبهله : خيرك
علي : جنبي محصل جرح
معتصم ناضله : ترا نشوف
علي رفع الفلينيا : من القزاز لما خشيت الدار
معتصم شبحله : يا راجل جرحك عميق ضروري يتعالج راه تو يلتهب
علي نزل فلينته وكمل ضم دبشه : تو يصح شن ما جت كان عليه هوا 💔
معتصم : اني وقضتك 👐
علي لم دبشه كله : راجي نتصل بعمي سعد
معتصم : اي اتصل بيه
علي طلع تلفونه واتصل 📲
رنن رنن 📞
سعد رد عليه : ايوا ولدي انشاء الله خير
علي : والله يا عمي خير بس بنقولك ان اليوم بنروح للشقه مع معتصم
سعد : خيرك ليش
علي : والله يا عمي قعدت عندكم هلبا وانتو توا لاهيين في يلي صار منبيش نتقل عليكم وكتر الله خيركم والله
سعد : والله مانك بايت الا عندنا اليوم عاد احنا مش قاعدين تبي تخلي الحوش فاضي وتطلع
علي تفكر ان كلهم طالعين : اي والله يا عمي هنا عندك حق
سعد : بات اليوم وغدوة منشدكش باهي
علي : تمام بارك الله فيك عمي
سعد : فيك بارك الله يوليدي 👐
علي : هي مع السلامه
سعد : مع السلامه
وسكر منه 💥
معتصم : شن صار
علي : بنبات اليوم منقدرش انخلي الحوش فاضي متجيش
معتصم ناض خدا تلفونه : هي امالا تصبح علي خير 👋
علي : وانت من اهل الخير وغدوة مر عليا 👋
معتصم طالع : تمام 👍
وطلع معتصم 🚶
علي قعمز فالمربوعه رد شنطته لمكانها وخدا الريموت قعد يقلب فالتلفزيون 📺
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
