جَميل أن تَبتسِموا رُغَم ألم كل شيئ 👌
وَجميلة هي الثَقة بالله بإن كُل وَجع سَيمضِي يَوماً مَا🍃
~~~~~~~•••••••••
مرن ساعات علي يلي صار 🕔
مرن هالساعات وعلي نشفن دموعه فيهن 💧
الراجل يلي ميحبش اينزل دمعته قدام حد نزلها 💔
نزل دمعته مش منه من الوجع والألم يلي هوا حاس بيه
بعد بكا وفرغ يلي في قلبه قعد يشبح للسقف { معقووله يا علي انهرت وبكيت هكي وين قوتك وييين ويين ؟؟ }
عدل تقعميزته وابتسم ☺
اي ابتسم رغم الوجع لانه قوي 👌
معتصم مقعمز ويشبحله وبعد شبحه ابتسم خاف عليه : علي خيرك
علي شبحله بابتسامه : عليش نزعلو ونبكو والدنيا مش رافعين منها شي ❗
معتصم مستغرب فيه : مش عارف
علي ضحك بصوت عالي : تي شن مش عارف يا راجل الدنيا متستاااااهلش دموووعنا متستاااهلش
معتصم خاف اكتر عليه ناض قرب منه : علي انت كويس راه حالك ميطمنش 😔
علي شبحله بابتسامه : بنخطب البنت يلي نبيها وبنعيش معاها و بننسى كل الوجع كل الجروح كل الألم يلي عشته عارف ليش
معتصم يشبحله و واااجعه حاله : ليش
علي طبس راسه وابتسم بوجع : لان صاحبك تعب من العيشه يلي عايشها والله تعب
معتصم حط يده علي كتف علي : معاك في كل خطوة يا صاحبي للموت معاك 👌
علي حط يده علي كتف معتصم : عارفك صاحب ينشد بيه الظهر عارفك ✋
معتصم : امتى بتطلبها
علي ضحك : اليوم
معتصم ضحك : لا هلبا هكي
علي ضحك والضحكه واضح فيها الوجع : نبي نفرح
معتصم بدون تردد صبى : نووض
علي شبحله وضحك : انديروها حقا
معتصم مدله يده : اي هيااا 👐
علي مدله يده وصبى معاه وضحك : شكلنا اهبلنا راه
معتصم ابتسمله : مهبلناش هيا
علي : وكان ردونا لان مفيش حد كبير معانا
معتصم : مستحيل هما عارفين ظرفك يا علي
علي شبح لفوق : ياااارب 💓
معتصم : هيا راه نغير رايي 😌
علي ضحك : لالا هيا 😅
طلعو هما الزوز خدو تاكسي لحوش سعد 🚕
معتصم سارح يفكر فحال علي يلي عارفه موجووووع بكل ما تحمل الكلمه من معنى و يبي يفرحه ويبي يوقف معاه فالحاجه هدي يبي يشوفه يضحك من قلبه 💔
شبح معتصم لعلي لقاه يشبح من الروشن ومبتسم 😔
ابتسم معتصم بوجع { ربي يفرحك يا صاحبي 💔 }
شبحله علي وابتسمله ورد يشبح للروشن ✨
وصلو لحوش سعد ونزلو 🚶🚶
علي : حاس روحي متوتر 😫
معتصم رن الجرس : متتوترش اني معاك
علي حط يديه فجيوبه : يارب
معتصم يرن فالجرس ويعاود بس مفيش حد فتحلهم ❌
معتصم : وينهم معقوله طالعين كلهم
علي : هيا هيا نروحو بلا اهبال
معتصم طلع تلفونه : والله ماني مروح نين نطلبوها
اتصل بمعاذ 📲
رن رنن 📞
معاذ رد عليه : ايوا اعصومه
معتصم : تي وين يا راجل طالعين كلكم من الحوش
معاذ : والله طلعنا عشان الحوش امين بديرله صيانه واحنا توا في شقه صاحب امين فالشارع يلي بعد الشارع يلي فيه شقتكم
معتصم وحداه علي يقوله شن صار وهوا يسكت فيه بيده : ااه تمام وبوك قاعد او لا
معاذ : اي قاعد بوي شن تبيه
معتصم : اي والله نبوه في موضوع اني وعلي
معاذ : تمام تعالو للشارع تلقوني قدام العمارة مصبي
معتصم : تمام مسافه الطريق 👍
وسكر 💥
علي : شن وين ماشيين
معتصم : طلعو من الحوش عشان بديرو صيانه بعد الحريقه وسكنو في شقه قريبه من شقتنا هي بنمشو
علي شبح لمعتصم : بلكي مش وقتها
معتصم فات قدامه : هيا واني حلفت
وقفو تاكسي ومشو 🚕
علي يخمم ومتحشم ومتوتر ومتلخبط حاس ان مش وقتها و معتصم همه الوحيد انه يسعد علي ومدخلاش في شي ويلي بيصير اصير 💥
خش التاكسي للمنطقه وقعدو يمشو ويدورو لعند شبحو معاذ مصبي
معتصم : وقف حدا الشاب هدا لو سمحت
وقف التاكسي وخلصوه ونزلو 🚶🚶
معاذ سلم عليهم : انشاء الله خير شغلتوني
علي خاش فبعضه : لا خير 😵
معتصم شبح لمعاذ وابتسم : خير متخممش غير وين بوك
معاذ : هي ارحبو بوي فوق
ركبو هما التلاته 🚶🚶🚶
دقو الباب وفتح سعد : مرحبتين بولادي
معتصم ابتسمله : مرحبتين بيك يا عمي
علي وجهه احمر متحشم : كيف حالك توا يا عمي
سعد : والله بخير خشو للمربوعه
خشو للمربوعه وقعمزو و علي مقعمز ومشبك ايديه فبعضهم ويشبح للوطه 😣
سعد استأذن وطلع هوا ومعاذ
معتصم بتوشويش : تي ارخي روحك يا راجل
علي بتوشويش : فكنا خلاص بنروح 😰
معتصم فنص فيه : اني حلفت
خشو عليهم سعد و معاذ من جديد
سعد قعمز : شن يولادي قولولي تبو حاجه ناقصتكم حاجه
معتصم : والله يا عمي ما ناقصتنا حاجه بس علي يبي حاجه منك واني وهوا حنفرحو لو قلت باهي
علي هنا قعد يهز فرجله و وجهه احمر متحشم من سعد
سعد : والله علي زي ولدي واني اي شي يبيه حاضر بس شن هالحاجه
معتصم ابتسم : يا عمي انت عارف ان بو علي متبري منه وعارف انه انظلم في حياته
علي مطبس راسه ويسمع 💔 ومعاذ ساكت 🚫
سعد : اي صح عارف
معتصم : علي نعرفه من لما كنت صغير و اني وياه عشنا نفس المعاناة بس علي معاناته اكتر مني 💔 علي عاش مكسور يا عمي واني نبي نجبرله هالكسر بعد موافقتك طبعا
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
