منحرم وصلگ و أنآ قلبي ضعيف 💔
مآ اتحمل غيبتگ لو ثآنية 🕒
و دمع عيني ما يوقف بالنزيف 💧
الحيآة بدون شوفتك فآنية 💥
✨
رقدو الكل لان معندهمش هموم إلا علي 💥
يتقلب ففراشه وقلبه مقبوووض مش عارف خيره 💔
يفكر في أمه و حاس ان صايرلها شي 😔
تعوذ من الشيطان وخدا تلفونه وطلع من المربوعه 🚶
اتصل بأمه 📲
رنن رنن 📞
فصل ومردتش 💥
عاود من جديد :
رن رنن 📞
وهما ردت عليه و واضح فصوتها التعب : ايوا
علي بلهفة وشوق : امي يا الغاليه كيف حالك 💔
لطفية مبتش تقوله علي يلي صار لانه بينشغل عليها هلبا وتخاف يطلع في هالليل وتصيرله حاجه : الحمد لله يا اعليوة وانت كيف حالك متريح او لا 😢
علي قعمز علي حاشية الكرسي : مشتاقلك والله 😔 اشتقت لما انوض الصبح ونلقاك ولما تجيني اتنوضيني واتديريلي الفطور بيديك 💔 استاحشت انبوس راسك يا الغاليه
لطفية قعدت تبكي : امتى بتروح امتى 😢
علي عيونه تجمعو فعينه : معش نقدر انطول ايام وبنجي انشوفك وبنكلم بوي معش نقدر نتحمل
لطفية تبكي : ربي يخليك ليا يارب 💔
علي ودموعه فعينه : شن بوي معاك
لطفية : الحمد لله 😢
علي : معش قرب منك بكل ولا ضربك
لطفية مسحت دموعها : لالا غير تعال بس 😔
علي مسح دمعته يلي نزلت علي خده : ايام بس وامروح نوعدك
لطفية : حاضر يوليدي وهي تريح توا ارقد وتغطا
علي بخنقه : حاضر يا امي ديري بالك من صحتك
وسكر 💥
تنهد تنهيدة ألم : يااا قديييش الأم نعمة من الله 💔
ناض وخش للمربوعه اسطح ففراشه وتغطا ورقد 💤
عند سارة :
راقده فسريرها ومش جايها نوم وتفكر فعلي 💭
{ ليش كل ما نشوفه نحس بكل هالاحساس الغريب يلي عمري ما حسيته 😩 }
حطت يدها علي قلبها { والله قلبي نبض من اول ما ريته سبحان الله غير كيف بس 💓 }
ابتسمت واستسلمت للنوم حتى هيا 😴
,,,,,,,,,,,,,,,,,,,,,,,,,,,,,,,
تاني يوم صباحآ ☀ :
علي ومعتصم لبسو وجهزو روحهم عشان بيمشو للشقه اليوم 🏢
وسارة واسراء يجهزن فالفطور كالعاده ليهم فالمطبخ وسارة متنكده عشان احتمال معش تشوفه 😵
اسراء : خيرك سارة 😕
سارة تنهدت : شي شي 😩
اسراء ضحكت : غريبه ماشطه شعرك 😮
سارة ابتسمت : اي ليا ايام مش ماشطاته 😅
خشت عليهن هدى : بسرعه واني توا طالعه بنسلم عليهم قبل ما يمشو
سارة واسراء : حاضر تمام
طلعت هدى 🚶
سارة تحط فالحاجات بسرعه : فيسع فيسع بيش تشوفيهم 😍
اسراء : قصدك خاطرك تشوفي علي 😌
سارة انطلست منها الكلمه : تي والله يهبل غير هيا بس 😍
اسراء : مش قتلك مكبده 😌
سارة : هيا 😒
جهزن السفرة بسرعه وطلعن ايبيتن عليهن 🏃🏃
#هدى طلعت وصبت حدا المربوعه : معاذ مهاب
طلعلها معاذ : نعم يا امي
هدى : نبي انسلم عليهم قبل يمشو
معاذ : حاضر هي تو اناديهم
هدى تراجي و هنا يذشبحن ومعاذ خش ناداهم : امي تبي تسلم عليكم قبل تمشو 💙
معتصم ناض : الله الله خالتي هدى والله مشتاقلها
علي ناض ومتحشم وطلعو الزوز لقوها مصبيه 🚶
معتصم مدلها يده : كيف حالك يا خالتي هدى وكيف حال صحتك بالله
هدى ابتسمت : والله بخير كيف حالك انت وحال اهلك
معتصم فك يده منها : والله بخير والله
علي متحشم مدلها يده : اهلا كيف حالك خالتي
هدى مدتله يدها بوجع عليه : الحمد لله وكيف حالك انت يوليدي
علي نزل يده وكلمتها خطرت عليه امه لما تقوله وليدي : والله الحمد لله 💔
هدى شبحتله : متزعلش ربي كريم
علي شبحلها باستغراب و وجع فقلبه : انشاء الله خالتي 💔
وطبعا سارة و اسراء يشبحن 😍
اسراء : ووو وحق ربي يهبل 😍
سارة : حتى معتصم كويس اشبحيله هوا 😒
اسراء : بس علي احلى بهلبا مالا اللحيه 😍
سارة خبطتها علي يدها : هييي 😡
اسراء حطت يدها مكان الخبطه : ااي يا حصله 😡 بس تعرفي هالولد فعيونه حزن والله من شكله حسيت بيه و قلبي تقطع
سارة بحزن : ربي يعينه 😞
وشبحن امهن جايه خشن جري 🏃🏃
خشت هدى : طلعن الصفر لخوك انتي وياها بسرعه
طلعن الصفر عطنهن لأمين وخشن حدا امهم لقنها مقعمزة ومتنكده
اسراء : خيرك يا امي
هدى : الولد وجعني شاب زي الغزال وبوه متبري منه ولما قتلي يوليدي حسيت خطرت عليه امه
سارة واسراء : ربي يعينه والله
هدى : انشاء الله
هنا قعمزن حدا امهن يتفرجن عالتلفزيون 📺 ،،، أما الشباب فطرو وطلعو طول رفعهم أمين للشقه 🚗
حطهم امين ومشى لشغله 🚗
ركبو للشقه وخشو لقوها مفرشه والراجل مجهزها احسن تجهيز 💙
قعمزو هما الزوز
معتصم شبح لعلي : خيرك نحس فيك مش علي بعضك
علي تنهد : مش عارف والله حنيت لامي
معتصم : حتى ني والله حنيتلهم كلهم
علي : الايام الجايه بنمشي نشوفها
معتصم : من جدك بتمشي بروحك
علي اتكا : عادي المهم نشوفها حاسها مش كويسه
معتصم : تمام علي راحتك
علي غمض عيونه ومعتصم ناض يشوف فالشقه 🚶
,,,,,,,,,,,,,,,,,,,,,,,,,,,,,,,
فحوش اسماعيل :
لطفية كانت ممتده راقده من التعب والفشل و وعت علي صوت تكفيخ 😵
ناض بالشويه عليها لقت اسماعيل في دار علي يطلع في دبشه وموبيلته مشتله تجري : خيرك خيرك 😲
اسماعيل دفها : حصلت فيها بيعه الموبيليا بسعر كويس
لطفية مصدومه : من جدك يا راجل بالله
اسماعيل معدلش عليها وقعد يفك فالموبيليا
لطفية بحمق : رد عليا من جدك بتدير هكي خاف ربك خاف
اسماعيل شبحلها : دبشه حوليه خير ما حتى هوا انولع فيه النار
لطفية شبحتله بنظره لوم وعتب وكره : حسبي الله ونعم الوكيل فيك بس حيجيك يوم وتندم لانك مش حتلقى غيرا بعدين👌
اسماعيل يفك فالموبيليا ولا كأنه سمع حاجه 💥
لطفية قعدت اتلم في دبشه واتطلع فيه من الدار وتحط فيه فدارها 😔
تمت لم دبشه وقعدت مقعمزه تشوف في اسماعيل يطلع في موبيليه ولده من الحوش مكأناش عنده قلب بكل 💔
لطفيه { تو لما يروح علي ويلقى حتى داره فاضيه شن بيقول 😔 كاتبلك ربي الشقى والهم يوليدي 💔 }
اسماعيل نادها : نوضي طلعي معاي وانتي تتفرجي 😠
لطفية ناضت والفم ساكت غير دمعتها يلي في عينها تتكلم بس 💧
طلعت معاه والدار فضت 💢
فضت الدار يلي كل ما تستاحشه تخشلها 👌
فضت الدار وراح ماتابته بمتابت الميت يلي يعطو في ملابسه وحاجته بعد يموت 😔
لم أعد أحتمل هذا العنآء 💔
لم أعد أحتمل هذه الحيآة البائسة ✖
لم أعد أحتمل رؤية كل شيئ قريب من قلبي يتلاشى ببطئ
شديد أمام محيا عيني 🚶
ادعو الله أن يأخد بحقي من كل من ظلمني 💔
و أن يرى من الحياة عنآءاً مثلمآ أراني 👌
لطفية وكلت ربها بس ودعت ربها ياخدلها حقها من اسماعيل ويجيه يوم ويجيها عيونه تدمع من الندم علي كل يلي داره فيها وعلي كل يلي داره لعلي من ضرب واستحقار ومعامله قاسيه ✋
••••••••••••••••••••••••√
كلنا لما نقرو حاجات هكي نقولو مستحيل في أب يعامل ابنه بالقسوة هدي 👌
بس في هالدنيا هدي كل شي يصير 👍
وياما ناس متعذبة و شايفه الويل فحياتها ومن اقرب الناس ليها 💔
لذلك ما حد يستغرب ان اب يدير لابنه هكي ويعامله بالقوة هدي لان في الحياه مزال في احرف واحرف 👌
•••••••••••••••••••••••••
انتهى البارت ❤
نتمنى دعمكم ليا قرائي الأعزاء وشكرا ليكم والله 💙
متنسوش ال ⭐
و عطوني رايكم 💕
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
