مشى الوقت ولطفية داخل فالحوش تبكي وكلهم يسألو عليها وهدى تبي تتعرف عليها بس مبتش تطلع بكل ✋
لعند جا وقت اخش علي داخل 💖
خوله : يا نساوين البسن العريس بيخش
كلهن رفعن عباياتهم و وشاحاتهن علي روسهن ويشبحن لعند قابلهم علي بهديك الشخصيه والجمال وكانن عيونه علي سارة بس وبيموت من الفرح 💖
لما خش كانن في # تلات عيون يراقبن فيه 👌
عيون اسراء يلي قلبها نبض ليه بدون متحس ✋
عيون نسرين يلي كانت تحبه وتتمنى هاللحضه هدي ليها هدا 💔
عيون لطفية يلي تشوف في ولدها الفرحان بينكسر قدامها 💔
وصل علي لسارة و وقف جنبها وشدلها يدها وهوا وياها فرحااانين 💓
وكان يدور بعيونه علي امه وييين ؟؟؟
علي لمح خوله من بعيد : خوله
خوله جاته : نعم يعليوة
علي : نادي امي وين
خوله : باهي
سارة وشوشتله : من لما جيت معش شبحتها
علي استغرب : غريبه 😕
خوله جاته : اهي جايه 😁
علي ابتسم : باهي 😍
وخشت عليهم لطفية وعيونها متورمات من البكي لين كلهم استغربو !!!!!!
علي شبحلها باستغراب : امييي خيييرك شن فيي
لطفية وقفت قدامهم وهنا شبحها الوجه التاني يلي هيا شبحاته وجا مصبي 💥
لطفية ودموعها ينزلن : العرس مشحا يتم يوليدي 💔
علي وسارة انصدمو 💥
علي ضحك : امي خيرك الناس يشبحو فينا خيرك شن تقولي !!!!
لطفية تبكي وبصوت عالي : العرس مشحا يتم مشحا يتم خلاص 💔
علي نزل من عالكوشه وصبى قدامها ويضحك ومش فاهم شي : امي اني اول مرة نفرح امي خيرك فهميني تبصري صح والله ما وقتها راه !!!!
لطفية حضناته وتبكي بأقوى ما عندها : العرس مشحا يتم سامحني سامحني سامحني 💔💔
علي حولها من حضنه : ليييش ليييش بالله مش وقتها يا امي بالله خليني نفرح خيرك معاي خيرك !!!
جاته هدى ودموعها ينزلن وقفت جنب لطفية : العرس مشحا يتم 💔
علي منصدم وسارة منصدمه والكل مصدومين من يلي قاعد يصير قدامهم ؟؟؟!!!
علي ضحك باستغراب وقهر : شن قصدك يا عمتي هدى خيييركم خيركم شن مسرحيه او فيلم فهموووني شن قاااعد يصيير !!!
سارة تشبح لامها بقهر : شن في ليش خيركم خيركم !!!
~~~~~~~~~•••••°°°°°~~
نرجو بالذاكرة لقبل تقريبا 25 سنه :
هدى تبكي : قالولي حامل واني معنديش بيش نوكل اصغار نبي نطيحه يا لطفية والله كان يسمعها سعد يحمق 😢
لطفية : شن اتطيحيه تبي تقتلي روووح راه غيرك متمنييهم الصغار شووفي حالي اني
هدى تبكي : شن اندير حالتنا الماديه متسمحش متسمحش الاولين معنديش بيش نوكلهم وانتي عارفه 😢
لطفية قعمزت قدامها : باه شن رايك لما تجيبي اني ناخده
هدى شبحتلها وتبكي : سعد مستخيل يرضى مستحيل
لطفية : قوليله خطفوه واني فالمستشفى وانتي عارفه الخطف وسرقه المواليد توا كاترة
هدى تبكي : وكان يطلقني شن اندير
لطفية شدتلها يدها : ميطلقكش هوا عارف الحالات يلي يصيرن وقوليله قدر الله وماشاء فعل واني تو نقنع اسماعيل
لطفية تبكي : باهي ماله نديرو هكي 😢
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
