هذه هي الحيآة 💔
تأتي فيهآ أيآم 👌
تأخد منآ كل شيئ ✋
وتسلب حتى ابتسآمتنآ 😔
الصبح ☀ :
علي يتقلب يتقلب ففراشه نين قلق فتح عيونه قعد يشبح للسقف 💔
شبح جنبه لقى يوسف راقد 😴
حول البطانيه من عليه وناض طلع للحمام 🚶
بعد تم من الحمام طلع شاد المنشف ويمسح في يديه من الميه 👐
وهوا بيخش للمربوعه قابلاته غادة 😐
طبس راسه وخش للمربوعه طول { شكلها البنت بتقعد اتضايق فيا ضروري نروح والا ندور مكان تاني 😣 }
حط المنشف وصلى الصبح وقعمز خدا تلفونه ورن علي امه 📲
طوول ردت عليه : اعليوه 😢
علي بحزن : امي كيف حالك 😔
لطفية تبكي : روح بالله بوك مش قاصد يلزك روح 😢
علي بحزن : حاضر يا امي بنروح اليوم اسكتي بس معش تبكي 💔
لطفية تبكي : باهي يا اوليدي انت وين
علي بحزن : عند يوسف صاحبي 💔 قوليلي كيف حالك انتي وشن بوي معاك
لطفية : قاعد علي حاله بوك وعارفه غير صابرة 😢
علي اضايق : جايك يا امي توا هي
لطفية : نراجي فيك تعال 😢
سكر علي وقعد مضاااايق 💔
يوسف كان يسمع فيه بس دار روحه كيف ناض 😖
يوسف ابتسم : صباح الخير 😁
علي شبحله وهوا يضم فدبشه : صباح النور
يوسف قعمز : تي وين ماشي حتى فطور مفطرت
علي يلم فدبشه : بنروح امي تبيني وساد قعاد وتو نفطر غادي
يوسف ناضله : تي اقعد افطر متمشيش
علي : والله مستعجل يا يوسف وصحيت بارك الله فيك يا وخيي ❤
يوسف احك فشعره : باه علي راحتك و اي شي تبيه كلمني
علي ابتسمله : حاضر والله ❤
يوسف قعد يلم فمكانه وعلي طلع من الحوش خدا سيارة اجرة وروح بيها للحوش 🏠
فتح الباب وخش 🚶
لاقاته امه وحضناته تبكي : اعليوة جيت يوليدي 😢
علي ضمها وباس راسها : اهوو يا امي خلاص ساد بكي ساد 💔
لطفية سكتت : خش خش لدارك معش تطلع من هنا
خش معاها وخش لدارة : كيف حالك يالغاليه
لطفية : زي حالي قبل
علي : بوي وين
لطفية : شكله طالع لان مسمعتلاش حس اليوم
علي حط راسه علي رجلها وغمض عيونه 💔
لطفية قعدت تمرر في يدها علي شعره : خيرك يعليوة
علي مغمض عيونه وبغصه : مخنووووق يا امي 😔
لطفية قلبها شدها : خيرك يعليوة
علي وهوا مسكر عيونه نزلت دمعه : مش عارف 💔
لطفية مشافتش دمعته وقعدت تمرر فيدها علي شعره وهوا دموعه ينزلو وبس 💧
نختنق احيآناً 👌
ونشعر أننآ مثقلون بالهموم 💔
في اعمار من المفترض أن نكون فيها بكآمل سعادتنآ 😔
لطفية : اعليوة
علي من بين دموعه يلي مسكر عيونه عليهم : نعم يا غاليه 💔
لطفية : منبيش قلبك يحمل الهم من توا
علي فتح عيونه وقعمز شبحلها ودموعه ينزلو : من يومي عايش الهم يا امي 💔
لطفية حضناته وقعدت تبكي : نبيك ديمه فرحان يوليدي
علي يبكي وكأنه كان يراجي في هاللحظه يلي يفرغ فيها كل شي : من لما كنت صغير واني فالهم من بوي تعبت يا امي تعبت حامل وساكت واني من داخل مخنووق محرووق والله وكل سكاتي عشان خاطرك 💔
لطفية عجزت عن الكلام وقعدت اطبطب عليه وتبكي 😢
علي وهوا يبكي قعد يتفكر 💭
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
