"
"
"
"
___________________________________
هييي ، م كلو زول عندو حاجه معناتها من جووه زول فرحان و سماايل كدا ،و م كل زول م عندو حاجه معناتها تعيس و منفسن ❤ نحن بس دايرين تفاهم و استعياب ❤ حب و اهتمام ❤ مراعاه و ممنوع التجاهل ❤ دي اهم حاجه لو داير تعيش حياه بلا هم ، لازم ترضا بقضاء ربنا. ترضا بالكاتبو ليك. ترضا بالإبتلاء ترضاا بإي حاجه و في نهايه ربنا فارجها ليك اكيد اكيد ❤ ثق بأن الله قادرا علي قلب موازين العالم لإلحاحك 🖤اصلا حق الانسان م بضيع و جمبك ربنا ❤ و تأكد انو دنيا دي امتحان جووه امتحان جووه امتحان ❤ فاحمد ربك حمدا كثيرا ....💙وإني أخاف يا الله أن يشكو لك عبدآ مني اللهم اجعلني عابره لا اؤذي أحدآ🌱للهِ في أمرِهِ خيرًا يؤجلهُ ؛ فلا تَظُنّ أنّ اللهَ ناسِيكَ
كم مِن قضاءٍ أبكاكَ قهرًا ؛ سيكونُ إنفراچهُ بالفرحِ مُبكِيكَ ...
استغفروا الله 💜
_______________________...
طيب تعريف نفسي و روحاني جميل كدا ☺💋 اسمي اماني عمر عمري 18سنه ، بت عاديه زي اي بت في العمر هاذا ، ابدا م بقول نفسي جميله ولا بقول قبيحه يعني خلقه من ربنا و عاجباني، لوني قمحي مايل لأسمر 😅 مش عايشين في سودان كنا في قطر انا و امي و ابوي و اختي الصغيره إيمان 💙، لمن امي جابت ايمان و انا كان عمري سنتين ، امي م كانت بتخليني اشيلها بس بلعب معاها و بهبشها ببوسها ، كانت خالقه علي جوو حلو لمن بقينا قراب من بعض شديد حبينا بعض كنا سند لتاني 💙❤
لمن تميت الخمس سنين كان في مشاكل مع امي و ابوي ، مرات ايمان دي بتبكي ساعه سااعتين و ماف زول شغال بيها ، بشيلها ابوي و بلعب معاها ، و ابوي عشان م يحسسنا انو في مخانقات بينو و بين امي بيقوم يطلعنا حتات براا و يشتري لينا حاجات ، اهتمام كان محصور بينا نحنا الاتنين 💚 ..يوم كانو بيشاكلو هو و امي ، صرااخ امي كان مالي الحته و الفاظ و كلام كلو كبار كبار ، حتى انا مسكتا في ايمان ادسينا في الدولاب و هي تبكي بصوت و انا ماسكه ليها خشمها ، م كنت ببكي بالعكس كنت قافله خشمها و عيني على الفتحه الباب بتاع الدولاب ، عارفه البيحصل شنو امي تشيل شنطتها و تقول ماشه بس ابوي بحميها كلو يوم نفس الموال ، بعاين ببرود ،حسيت يدي كلها اتملت دموع و مخاتيت و رياله إيموو ، كنا قاعدين بلوضعيه دي قريب الساعه ، ايمان تبكي و انا م مااخده تعاابير للواقع الحوالي ، ابوي كان بنده علي اسمااءنا بأعلى حس ليهو و بفتش في اي ركن ، ايمان كانت دايره تطلع تمشي ليهو بس انا عصرتها علي قووي بقت تكورك و تقول لي ماشه لبابا و تقالع فيني قلع عشان تطلع ، بس انا كنت ماسكاها قوي ، و مع حركتها الكتيره لزيتها لزه انا م كنت متخيله اني حألزها كدا اصلا ، لزيتها لدرجه فتحت باب الدولاب و وقعت في الارض لمن عملت صوت 💔 في البدايه بقيت بعاين لنفسي بخلعه و م عارفه اعمل ليها شنو ،الا ابوي دخل الاوضه و لقانا بالحاله دي ، بقا بيهزز في ايمان و بقول ليها ايمان ايمان اصحي و هي كانت م بتدي ولا رده فعل ، خشمها و انفها كانو بينزفو ، بابا علي طول طلع وداها المستشفي و وراهو امي وانا كنت بس بعاين ليهم و بعاين ليدي ، حسيت بكف علي وشي و لقيتها امي بقت تهزز فيني و ماسكاني من الفلينه بتاعتي و بقت تقول لي قتلتي اختك قتلتيها كيف قتلتيها الله م جاب اجلك. ... طلعو الجيران و مسكوها مني و هي جرت مشت لحقت ايمان ، عشان نحنا ساكنين في شقه اي زول عرف بالحصل 💔 انا دمعه مني م نزلت ولا عملتا اي شي بس كان قلبي بينبض بسرعه ، نص بيت اتملا بنات و نسوان العماره إلي هم الجيران على نظام حارسين البيت و كذا ، و انا كنت قاعده في الكنبه و بعاين في رجولي منتظره ناس امي و ايمان و ابوي يجو ، جاتني بت سلمت علي و قعدت جمبي عشان تعرف الحاصل ، حكيت ليها و هي زاتها مدهوشه و م مصدقه ، قالت لي اديش عمرك ؟؟ قلت ليها 7 سنين ، ..
بالصباح صحيت لقيت نفسي في كنبتي بتاعت امبارح هي زاتها ، دخلتا الغرفه لقيت ايمان مرقده جووه و جمبها كم حاجه كدا و في الكرسي كان قاعد ابوي ، اتأملت في المنظر بتاعهم مساافه و بعدين قفلتا الباب ، بقيت بفتش في امي م لقيتها ، دقيت باب الاوضه بتاعتها م ردت تاني دقيتها م ردت ف قمت فتحتا الباب لقيتها قاعده تبكي في سرير 💔 علي طول جيتها قلت ليها مامي م تبكي انتي بتبكي عشان انا وقعتا إيمو مش؟ خلاص معليش تاني م بهبشها زاتو بس انتي م تبكي ، ..رفعتا ليها راسها و مسحتا دموعها و قلت ليها ولله تاني لا بهبش ايمان ولا اي حاجه كلام زاتو م ح أكلمها ي أمي م تبكي 😭😭💔 و بقيت ببكي معاها 💔 و دي ياداب بكيت لمن امي بكت 💔 م بكيت لمن ايمان امبارح وقعت و دم بقا ينزف منها 💔 م بكيت لمن امي و ابوي يشاكلو 💔 م بكيت لمن امي ادتني كف 💔 م بكيت لمن امي قالت لي قتلتيها لإيمان و كان مفروض ابكي لأنو بجد كان ممكن تموت 💔 بكيت بس لمن هي بكت 💔 كانت بتبكي بصوت بتبكي زي ليها مليون سنه م بكت بقيت ابكي معاها اواسيها و انا حاضناها 💔 قعدنا مسافه على هذه الحال.. لمن حسيت بيها إنها هديت و م بقيت اسمع صوت بكاها قبلت عليها ،شافتني و مسحت دموع و بقت تضحك قالت لي يعني انتي بتبكي عشان انا ببكي قلت ليها اي 💔 مسحت دموعي و حضنتني مسافه... ختتني في سرير و قالت لي ابوك نايم و معاهو ايمان نايمه ؟ هزيت ليها راسي بأي ، ضحكت قالت لي سمح طيب ي ناني العسل دايراكي تفتحي الاوضتكم براحه تجيبي لي هدوم ايمان كلهاا تمام 💚 قلت لي اي و طوالي جرريت ، قالت لي اماني! قلت ليها يس ماما ، قالت لي جيبيهم براحه م تصحي ابوك تمام ، هزيت ليها راسي و مشيت ، فعلا جبت هدوم ايمان بالقطاعي بجيب لامي كوم و برجع بجيب الباقي ، قالت لي بابا ليسا نايم ، قلت ليها اي.. سكتت قلت ليها انتو جيتو متين امبارح ؟ سكتت. .. قالت لي قبل 3 ساعات انتي كنتي ناايمه تشخري 😂😂💔 قعدتا اضحك ، .. بقت تعاين لي مسافه بعدين طلعت الشنطه كبيره و ختت فيها هدومها و هدوم ايمان و طلعت ورقتين فيهم رسمه طياره و كلام كتير ، قلت ليها انتي ماشه وين مااشه معاك.. قالت لي مااشه الماركت و جايا ، سكتاا و بقيت بعاين ليها و هي بتطلع و تدخل لمن قفلت الشنطه و لبست ليها عباءه و نزلت و معاها الشنطه تحت بعدين جات ركبت تاني بلا شنطه ، قلت ليها ماما الشنطه وين ختيتيها وداها الماركت ؟؟ قالت لي اي انتي بس م تسألي حبيبه ❤ سكتا م اتكلمت معاها تاني ، عاينت لي و نزلت بركبتها علي مستوااي حضنتني مسافه قالت لي و دموعها في عينها انتي اصلا م جبتك بساهل تمام ، م تخلي حقق لزول خليك بت رزينه و عاقله و فاهمه ، دايراك تكوني الأولى دااائما الأولى في اي حاجه ي اماني لازم تكوني الأولى عشان نفرح بيك و تكوني بت شااطره ، اسمعي كلام ابوك و مهما كورك فيكي و شاكلك م تشتغلي بيهو ، عايزاك تكوني قوويه و تواجهي اي حاجه ، شفتي لو م صليتي بكسر رقبتك لازم تصلي و تدعي ربك تمام و خليك زي م قلتا قوويه و فاهمه و مستوعبه الحاصل ، قاطعتها قلت ليها انا م فاهمه 😐💚 قعدت تضحك و تمت كلامها قالت لي خليك بت هاديه و م تدخلي في مشاكل كتيره ي اماني المشاكل دي ابعدي منها ، قااطعتها قلت ليها امي م تقولي كدا انا م بشاكل زول 😭💔 قعدت تضحك و باستني في خدي و راسي مساافه ❤ قالت لي كلامي دا يكون أولا حاجه تمام 💙 قلت ليها تمام 💚 حضنتني و باستني ، دخلت اوضه ايمان شالتها و هي بحالتها دي قبل م تنزل مسكت يدي و همست في اضاني قالت لي معليش م سقتك معاي لكن ح اجي اسووقك تمام و باستني مساافه ، و طلعت قفلت الباب ، لمن قفلت الباب جاني نسيم هوا بارد كدا كشا لي جسمي بقيت بعاين في الباب مسافه و علي وشي في علامات ضيق 💔 -----
+ اشتقنا 🐸💔💚💚+ نتلاقا
#متراكمه
