- أخبرني كذبه
- كل شيئ سيكون على م يرام 💔....
_______
يوم البعديهو ، قلت اتصرف زي م قلت امبارح، سلمتا علي جدو و حبوبه و قعدتا اتونس معاهم ،كنت رافعه كراعي في طربيزه فوق و شايله كبايه الشاي 😂😂👋 ، جاتني ضربه في راسي طااخ 😒 قبلتا لقيتها عمتو قالت لي نزلي كراعك دي بتنضفي و تمسحي الطربيزه انتي ؟؟ 😡 قلت عمتو ياخ بتتغسل يااخ بتتنضف 😒 تاني قلت بصوت واطي م تنقي فينا 😒😂 ، حبوبه شكلها سمعتي ملصت سفنجتها قالت لي نان تعالي علمينا انتي عك الله عان بقو كيف امشي ترحيلك يلا قاعد يدق بوري 😡😡😡😂💔 .. جريت منها ، 😂💔 ايمان كانت بتحاول تفتح معاي موضوع قالت لي أول حصه مع سميه😑 قلت ليها يااه كضابه ولله حصه حلوه مش 😻😻😿 قالت لي حلوه شنو العجوزه المخرفه ، قعدتا اضحك 😂💔 لمن وصلنا و انا ماشه اجمع واحد من الكراسات المستعصيه دي .. لقيت قدامي اسراء صحبت مزن ولا مرافئ م عارفه 😐 عاينت من فوق لتحت و مشت ، طبعا انا الناس الزي ديل بخوفوني صراحه م تشوفوني كدا نهاائي جمب مشكله م بتلقوني ، يعني لو وحده بس قالت كلام كعب معاي طوالي ببكي ولا بمشي ابكي بعيد 😌😿😿💔 تاني جات راجعه لمن قلبي عمل شححح، عاينت ليها و انا منططه عيوني و خاته الكراسي في صدري ضاماهو شديد 😌💔 قالت لي اهلين ، تاني قالت لي هي بتكلم معاك انا 🙄 قلت ليها اسراء كيفك ؟؟ قالت لي تمام الحمد الله و انتي ، قلت ليها نحمدو 💜 ..يلا نحنا واقفين في نص يعني الجاي و الماشي ممكن يشوفنا .. من السلالم جا طالع راشد هو زاتو عاين لينا مهجوم ، اسراء م بتقدر تشوفو لانو واقفه قصادي و انا مقاصداها ، عاين كدا و بعدها مشا و بضحك 😌💔 .. استأذنت منها لانها شكلها بتاعت مشاكل و كفايه جدن الحصل بسببها في المدرسه و خصوصا انها اذت ناس انا بعرفهم 🙄💔 قلت ليها ولا قلت ليها زاتو ابتسمتا ليها و بعدها مشيت ، حاسه بيها انها بتعاين لي بس خوفه مني م قدرت اعاين ليها طوالي جمعتا الكراس و مشيت الفصل..
أول م دخلتا الفصل لين قالت لي قشري😻😻💜 عاينت ليها زي دي مالا دي 😐😂 ، سلمتا علي البنات الفثل و لمن جيت اسلم عليها حضنتني و باستني زحيت منها قلت ليها لين مالك؟؟ 🐸🌚 ابتسمت لي ابتسامه عبيطه كدا و قالت لي كيف ياخ و انتي بتعرفي رائد 😻👋 لزيتها قلت ليها غياازه 😒 سحر قالت لينا مالكم بتتهامسو ؟؟ 😏 لين ردت ليها طوالي حاجه شخصويه 😂💔 غيداء قالت لي ايوااا نعمم كدا الكلام بقا حلوو شديد 😑🌚 ابتسمتا ليهم ساي و ختيت شنطتي 😂💜 سحر كانت بتعاين لي قلت ليها مالك بتعايني لي 😂👋 قالت لي ماف شي بس الزول م يعاين 😒 سكتا خليتها لانو في حاجه م تمام معاها 🐸... لاحظتا انو هبه مافيشا لمن سألت غيداء منها قالت لي عيانه كان عندها التهاب في دم الابيض .. نهايه الدوام لين جاتني جاريه قالت لي ارح معانا ، قلت ليها وين ؟؟ قالت لي ماشين لهبه ..قلت ليها انتي مجنونه في راسك دا امشو براكم خلوني اكلم واحد من ناس البيت 🙄🌚 قالت لي ياخ امشي كلمي ايمان طيب ولا رائد .. قلت ليها امممم قالت لي بلا اممم بلا زفت معاك ارح انا بمشي معاك لايمان ، مشينا فصل ايمان فعلا لقيناها طلعت ،و انا بحنس في لين و الغبيه مقويه راسها😌😒😑 لقينا لين و هيثم و ليث في ترحيل لين سلمت عليهم و جات على ايمان قالت ليها نحنا ماشبن محل و جايين طيب ، لين طوالي نطت عيونها و عاينت لي قالت لي و امي ؟؟ قلت ليها امي م بتعملي لي حاجه ، ايمان قالت لي متأكده ؟؟ لين اتلفتت علي قالت لي امك بتشاكلك ؟؟ ..قلت ليها لالالا 😌😿 و انا في غلبي خايفه ، ايمان عاينت لي و سكتت ، لين قالت ليها نص ساعه و بنجي طيب 💜 و مشت ..انا كنت في فكره.مصدقه ولا لأ، كنت مبسوطه انو ح اطلع مع البنات ، مشينا و بقينا نتعابط في شارع و فعلا بيت غيداء قريب من المدرسه 😂😂😂❤ أمها فتحت لينا الباب و سلمت علينا و قعدنا لقينا غيداء حالتها حااااله 🐸😌💔 أول م شافتنا قالت لينا قلبوووشاتتتي انا 😭💔 جيتو لأمكم 😭😂😂👋.. هبه قالت ليها وااي بشتنه عجيبه جدن 😂😂💔 ،انا كل مره بقول للين نمشي خصوصا انو البيتنا يعني يعني بعرف سكتو 😌😣 .. بعد م مشينا و انا بنق في لين لمن وصلتني خشم بابنا 😂😂💔 اتلاقينا مع رائد قاعد في جنينه قال لينا ي سلااام صيعه جد 🐸.لين قالت ليهو ي جميل اختك دي طلعوها من بيتكم ياخ م ممكن م طلعت نهائي شكلها 😂💔 ..عاين لي مسافه تاني قال لي اي صح انتي مشيتي ليه؟ عمتو كانت بتسأل ايمان قالت ليها مشيتي صحبتك ، طبعا انا قابي وقع كنت متيقنع و خايفه من امي رظت فعلها بس برضة احساس كدا كان جواتي م مهمتم اذا هي بهدلتني او لا 💔 .. لين مشت و انا دخلتا جووه .....
