.....
....
في يوم من الايامات العاديه ، انا م اجتماعيه عشان كدا م دخلتا اتعرفت صف الأولى اتعرف عليهم و فصل ناس رائد سنه تالت كانو ممتحنين تجريبي 💜💜 علاقتنا انا و رائد اتكهربت نوعا م بعد وفاه جدو ،نسبه انو بيتكلم معاي عادي بس انا دايره اكون محور اهتمامو، دايره انتباه منو هو بس ، بينطق و بيتكلم معاي عادي بس دايراهو يتكلم معاي بطريقه انا دايراها 😔💔 في اليوم داك بزات كنت بايته مع ناس امي 💔 صحيت عادي و اتونستا بصباح زي كل يوم عادي ، وصلنا عمو خالد و ايمان كانت متربكه من اول م شفتها .. في العربيه هيثم و ليث كانو بيكوركو قمت قلت ليهم السنه جايا غاشين سنه أولى مدرسه انتو جادين 😒😒💔 هيثم قلب لي عيونو و قال لي انا كبير و ابقا كبير عشان ادق دهم 😂💔 قالت ليهو دهم دا شنو كمان 😂😂😂💔 ليث قال ود غياظ كبير قدر ناس رايد كان رايد دقاهو عشان كدا دايرين ندقو ...قلت ليهم ادهم ااااا 😂😂💔 قال دهم قال 😂😂😂💔 و بقينا نضحك ، ايمان قالت لي اماني امبارح كنتي بتبكي ليه ؟؟ طبعا اتخلعت ..قالت لي بتبكي براك كل يوم ليه ؟؟ عشان رائد بتكلم مع سحر مش ؟؟ قبلتا عليها قلت ها ؟! انتي بتخشي اوضتي ليه ... قالت لي لانو ظاهر فيك انتي ..قلت ليها سحر شنو كمان سحر م بتتكلم مع اولاد اصلا ..قالت لي ابدا بيتكلم معاها ووراني ..قلت ليها انتي مريضه نسبه لسحر م معانا في المدرسه ..قالت لي م تنبزي م نبزتك ..عمو خالد قال لينا في شنو من الصباح ..عاينت لايمان و فتحتا الباب نزلتا ..عكرت لي مزاجي ختيت شنطتي و كلامها في راسي ، نزلتا تحت لفصلها م لقيتها ،سألتا صحبتا سلمى دي قالت لي في ساحه في طابور امكن ..في وحده من بنات فصلهم كدا بتحس انو صوتها و تصرفاتها مستفزه ..دقت الدرج و قالت لي هيي هيي الثانوي دا م قسمكم !! عاينتا ليها قلت ليها قومي لفي من حياتي 😒😊 قلت لسلمى شكرا و هي زاتها مخلوعه..البت قالت لي هيي عان دي م بلف انتي منو كمان ..عاينت ليهت كدا قلت ليها اطلعي من الشباك دا 😒😷 قالت لي انا م طالع ..قلت ليها من لهجتك دي مع لمحو الأميه و طلعتا ..نهائي اصلا م كنت متوقعه اني اتجادل مع بت اصغر مني ، م بحب المشاكل نهائي ..لاقتني استاذه مي قالت لي الطابور يلا قلت ليها دقيقه قالت لا م دقيقه قدامي ..اتغطتا منها كيف 😒..حضرتا الطابور و مشينا الفصل و قاعده.جمبي لين طبعا ❤..في الحصه التانيه هي اصلا ي اما راقده ي اما بتاكل ..قلت ليها لين ؟ قبلت علي براحه بلا تعابير 😂😂💔 ضحكتني كيف ..لمن استاذه بقت تجدر لينا ..قلت ليها انزلي تحت الكنبه دايره اتكلم معاك ؟! ...قالت لي اها مالك..قلت ليها متواصله مع سحر في الواتس ؟! قامت قالت لي سحر المفتريه طبعا عامله لي حظر لحالتها في واتس ..قلت ليها كضابه 😳😳😳😳😳 هبه نطت قالت لي دي منو ؟؟ قلت للين كيف يعني عامله ليك حظر حالات اجي !! هبه قالت لينا استاذه بتعاين ليكم اسكتو 😒😒😒💔..اول م استاذه طبعا انخرطنا في الكلام و نسيناه ، في الفسحه نزلنا تحت لقيت ايمان عاينتا ليها بس م كنت حابه امشي ليها ، بعد شويه لقيت البت اافي فصل ايمان بتعاين لي الاتشاكلت معاها🙄 قعدتا اضحك قلت للين دي اتشاكلت معاها قبيل 😂😂😂❤ قالت لي ياتا ؟؟ قلت ليها اب شعر مضفر بوب ديك.. لين عاينت ليها و اشرت عليها و قعدت تضحك قالت لي مالا 😂 قلت ليها اتساخفت معاي بس ..قالت لي انا من زمان ناقصه مشكله ولله 🌚🌚🌚 لين عاينت ليها كدا البت قاات ليها بتعايني لي مالك ؟؟ لين قالت ليها العين تتقدا و م تعاين للخلقه زي دي سألتك ؟؟ ..جات وقفت قدامنا و طبعا صحباتها ملمومين كدا نظام البت ردت نحنا زاتنا بنرد و دايرين مشاكل و كذا 😐🙄🙄🙄💔 البت قالت ليها انتي و صحبتك احترمو نفسكم عشان انتو م بتعرفوني طيب ؟؟! ..و انا سااكته سااي 😂😂💔 لين قالت ليها ياللخت زحي من خلقتي عك الله 😡😏 البت سكتت مسافه تاني قالت زباله و مشت 😂💔 لين فكتها ضحكه قالت ليها الزباله بالمستوى و ظاهر 😒😏 ..البت قبلت و قالت ليها انتو الاتنين مستواكم اندر شوز زباله صعاليق .. قلت ليها عاني ي بت معليش ... و الساحه دي.كلها اتملت طلبه 😂😂😂 ايمان جات قالت ليها في شنو ؟؟ قلت ليها ايمان هدي صجبتك عشان م تعمل مشكله كبيره ؟؟! و انا كنت ماسكه كتف ايمان ..زحتني قالت لي لأ صحبتي مالها ؟؟؟ ...انا اتصدمت صراحه مم التصرف بتاعها ، لكن اتجاهلتها براي م ناقصه ..قلت ليها وديها عشان م تختلف مع لين ياخ !! ..ايمان زحت ممي و قبلت على لين قالت ليها و مالك مع تهاني ي لين ؟؟! ..تهاني قالت ليها لمي صحبات اختك ديل عليك ي ايمان عشان م تحصل مشاكل و كلام و م نشوفهم تاني ...انا اديت تهاني دي نظره دي بتتكلم كيف دي ؟؟ بأي منطق يعني بجد محننن !! لين ردت ليها قالت ليها هيي شوفي ليك شغله اعمليها قال م نشوفهم تاني قال ح تطردينا مثلا !؟ ..ايمان قالت للين عاين نحنا م سألناك عليك الله زحي من هنا ي لين !! ... قلت ليها ياااا اننتي سوقي صحبتك من هنا ي ايمان احترمي نفسك !! تهاني قالت ليها بتحترم نفسها اامشكله في الفاكات الصايعات المقضينو ونسه اولاد ...هنا لين دي هاجت هيجه بس في ولد قال لينا الاستاذ جااي و طوالي اتفرتقنا ... و صلنا الفصل و لين حكت الشمار للفصل 🌚😒 و شغاله لي تصبر لي الكلبه تصبر لي اقطع لسانها دي بت الكلب ..سكتا مساغه و قلت ليها دا تنمر 😒..و رقدتا في الكنبه بفطر في الغباء العملتو ايمان قبل شويه 😒💔 و حصتنا كانت ارشاد زاتو كيف الله اعلم، ماف زول شغال بالحصه و استاذه مسكينه تتكلم ساي 🌚 و انا راقده كدا هزتني لين قلت ليها مالك و قمتا ، لقيت في شافع صغير جمب الباب قال داير اماني فضل 😳😳😳😳💔 اسأذنتا من استاذه و قلت ليهو اي ؟! الشافع مسكني من يدي و قال لي تعالي امشي الكولر 🌚🌚🌚 و جرا ..عاينتا ليهو لمن مشا ، اختفى زي السحابه لمن تحسي ح تجي مطره بس و م ح تجي ، قبلتا وو مشيت فصلنا بشباك.عشان الاستاذه م تشوفني شلت زمزميه بت معانا و نزلتا تحت 💜..بعاين لسراميك بتاع المدرسه لونو اوف وايت كدا شين 🙂💔.. يلا الكولر في الساحه و لمن تخشي الساحه بتخش ب باب صغير كدا و بجمبات في قزاز بخليك تشوف الساحه 🌸.. اول م خيت رجلي لقيت رائد قاعد فوق طربيزه كان بشرب في عصير .. و معاهو البت الاسمها تهاني و ولد تاني و الولد كان عبد الله و تهاني فيها اثار بكا ... في البدايه ابتسمتا تاني استغربتا و عملت نفسي م شايفه ، تهاني قالت لي هييي ماشه وين ؟؟ ي خوافه بتسبي لي و تمشي ..جسمي كهرب !! يلا هنا اخدت واقع انو ح يكون في شكله و انا اول مرا اتشاكل ..جاني غباء هو م غباء لكن لمن تتهجم او تخاف مش بتحس انك م بتتصرف عادي ، ..قبلتا عليها و المسافه بيناتنا زي خطوات كبيره بس ..عبد الله جاني قال لي صحي انك سبيتي لاختي ؟ ليه ؟ ..انا دموعي ظهرت لانو عبدالله دا مخيف صراحه و ود كبير يعني ، قلت ليهو هي قالت لي كدا ؟! و بقيت بعاين لرائد عن نظام دقو او اعمل حاجه م تخليهو يكورك فيني كدا ..؟! بس لأ هو بي قال لي قولي ليها معليش !! بس هو لمن قال كلمه معليش دي انا بكيت ..، عبد الله قال لي بتبكي مالك انا بتكلم معاك عشان الموضوع م يودي اداره و بتاع انتي عارفه ؟؟ و انتي بتبكي كدا معناهو قلتي الكلام دا !! ....و اتلفت على تهاني قال ليها امشي فصلك خلاص ... عاين لي قال لي احترمي نفسك و مشا...بس هو مشا بجاي رائد قال لي م تشاكلي مع زول م قدرك و زحا يشرب مويه ؟؟؟! .... الموضوع وقف على كدا .. الجرس دقا و مسجت دموعي شلت شنطتي و مشيت لراشد و جيت وقفتا انتظر بتاع الترحيل خاص هي زاتها عباره عن ركشه ... لأ كان راسي مضروب حرفيا .. لمن انا واقفه بجمبا ايمان جات طالعه ...كان عندي شعور طااقه و كره عميق اني الزها و المرا دي تموت ؟! اندفعتا فيها فجأه بس م لزيتها حضنتها 💜 قلت ليها فوق طاقتي بحس نفسي كويسه لمن اكون معاك بس م بالمعنى الحرفي ، اي هي كانت بتبكي و بتبكي شديد لانو دي في قلبها تراكمات و دايرا كلام كتير و مرات بئر كبيره ،لانو اي زول و طريقه تعبيرو ممكن انتي تنصحيني و تقول لي انو بتحصل مع اي زول بس برضو م برتاح لانو ح تكون متلازمه ، اي كانت بتبكي كل يوم بزات يوم الجمعه لانها بتشكي لربها انها صغيره على الحاجات دي و تعبت ، بتتخيل انها تتنتحر و زي اي فيلم و او مسلسل تعيش بنعيم خالد بس لأ حرام زي م انتي عارفه دا معناتو بتنتحر كل يوم و هي عايشه و هي ميته في نفس الوقت ، اي كانت بتبكي عشان حرفيا حياتها م كانت مع عائلتها الأساسيه ، اي كانت بتبكي لمن كلنت بتحب و جربت الحب ، كانت بتبكي عشان تعبت ، لكن شويه طاقه منها بتدعي لربها و كل يوم بديها اكسجين عشان تعيش بيهو 💜.. زحيت منها و لقيتهت بتبكي بكا لمن وشها بقا بلنفسجي بالمعنى الحرفي .. قلت ليها كانت بتبكي عشان ماف زول ح يبكي زيها ، لانها اتراكمت و خلاص بس كدا و انتهت 🌸.. زحيت منها لانو بس و ببساطه عرفتا ليها نص شعوري تجاها و تجاه رائد كمان ... عمو جا و قبلت وشي منها عشان م ناقصه شوفتها و هي نادمانه ، تندم ل شنو و انا كدا كدا ح اطلع الغلطانه .....
وصلتا و رقدتا عادي و شلت تلفوني ..شلت الورقه الاداني ليها راشد لمن مشيت ليهو قبيل ، سجلت الرقم و كتبتا فيهو متراكمه💜 ..نسبه لزول دا م ح يعرفني لانو رقمي جديد و بس كل م اكون مضايقه ح اكتب ليهو عشان عارفاهو م ح يحظرني 💜..اول م دخلتا لقيتو اونلاين ❤..
" مرات م بخليهو يمشي الا لمن انا اكون ماشه ، مرات م بكون مهتمه لمن الناس تتكلم عنا لمن نكون ماشين في شارع ، لمن يعمل الحاجه الفلانيه انا لازم اعملها ، حاجه انا اصلا مخلوقه عشان احاكيها..م معروف لو بحبها او لأ ..و هي م حقتي و م دايراها حقتي بس لو م اتكلمت معاها م برتاح لانها حاجه عميقه شديد ، لمن اكون معاهو بلمع زي الحاجه المميزه ..احم بحبك 💜🌸🌸"..
و رسلتها لرائد كدا و قفلت التلفون و بقت انطط بعد شويه فتحتا التلفون بعد مصارعات داخله مع نفسي 😂😂🙈 لقيتو شاف الرساله 😒 و لمن جيت اقرا رسالتي لقيتها غبيه اععععع 😭😭😭😭 قلت امسحها للكل تاني قلت شاافها و انتها 😭😭😭 بعد شويه عمتو نادتني للعشا 😑 اكلتا حبه و جيت راجعه لقيتو رسل لي ليه بتحبيني ؟ .. قلت ليهو م بعرف فجأه بس قلبي المراهق عمل كدا 🙂.. رسل لي قال لي قلت ليك بتحبيني ليه ؟! انا بتاع بنات ! ... قلت ليهو قلت ليهو بتفتش في البنات انت بس لكن م لقيت .🙂❤ شاف الرساله و م ردا و انا بجاي كسرتا الحنك بس كنت بفكر انو كلامي غبي بجد ...الصباح صحيت مصدعه و م مشيت المدرسه و راسي لافي و طمام ..لمن ودوني الدكتور قالو ملاريا .... يااخ ولله جسيت روحي طالعه ❤ حبوبه و امي جوني في البيت و امي قعدت عديل ❤..لكن كنت زهجانه و فجأه اتذكرت ايمان و اخر مره شفتها... في نفس اليوم تعبتا شديد او بالأحرى هبطا و بطني طمت شديد و مسخنه م قدرت اتحرك اصلا و حسيت انو كليتي وجعاني شديد بس سكتا حدي الساعه 3 صباحا م استحملتا الوضع لانو زاد الوجع في كليتي .. صحيت امي اول م قلت ليها امي قعدتا ابكي ، هي زاتها اتخلعت و شغاله لي اماني مالك و صحت البت كلو .. مشينا المستشفى و كان معاي حبوبه و امي و عمتو وبابا ❤ قالو لينا تعالو الساعه 12م . عشان يطلع الفحص و ادوني مسكنات 💔 لمن جيتهم تاني قالو لي حصاوي في الكلي 💔💔💔💔 كنت زهجانه شديد اداني كم حبوب و قال اي اشربي ي مويه صحه او مويه مفلتره و تعالي يوم 25 لو بقيتي كويسه لو حسيتي بأي وجع تعالي طيب ❤ .. طبعا لليوم دا مرا بتلاله و اي زول نايم في سريرو اليوم تاني بالعصريه لين ضربت لي و حمدت لي السلامه 😭❤❤❤ قالت لي امتحانات كبست ي بت م تبقي في مصيبه كمان ياخ ادونا الجدول و يوم الخميس و الاحد بعدين اجازه عشان يوم الاتنين الامتحان و سجلي عندك الجدول ❤💔 سجلتو و قعدنا نتونس و سالتها عن سحر قالت لي خاشه و لمن تتكلم معاها بتسفهها ؟! قلت ليها اه عليك الله مالي و مالها ❤
