... -سأبدئها من جديد ، ستكون مئه وخزه
.- حتى تصبح الصفر ، ستعرفين انها لا تحبك
--------
في يوم بعد الحصه مشيت للين قلت ليها حاشيه بشنو ولا فطورك من المدرسه 🌞🖤 سكتت م ردت لي ، قلت ليها لين مالك ؟! ، كانت متوتره ، غريبه و بترجف ؟! دي مالا دي..... أول م خشت دنقرت راسا، الحصص كلها انتهت و انا بس بتاوق بقعر عيني بعاين ليها ، الأول م الأستاذه طلعت ، نطيت فيها قلت ليها لين 😂😂 صحت مخلوعه شكلها نايمه ، قالت لي الله يخلعك ياخ 🌚 قلت ليها واي قايله في حاجه حاصله ليك م كنت قايلاك نايمه..لأنو من دخلتي وشك حامض ارح نفطر 🌚 قالت لي جيبي لي فطور من البوفيه ، قلت ليها راحتك ، و مشيت خليتها ..اتلاقيت مع مرافئ ، قالت لي كيفك ..قلت ليها الحمد الله و انتي ..قالت لي ماشي الحال إحتمال الليله نجيكم انا و ماما و ميعاد، قلت ليها بجد 💓😍 قال لي اي 💓 و منها نطلع ..قلت ليها ظابط، تاني فكرتا في امي و عارفاها م ح تخليني قلت ليها تعالو لكن احتمال م امشي معاكم 💔 قالت لي يااخ ليه اصلا مزن لمن قالت الفكره انتي م عاجباك 😒✋قلت ليها م كدا بس احتمال امي م توافق ، قالت لي خالتو وجدان انا بحنسا يلا ، قلت ليها طيب يلا .....
الحصه الاخيره كانت فاضيه و قاعده جمبي لين و مدنقره راسها 😑😑 و تعاين لي بطرف عيونا و انا كان همي في امي توافف ولا لأ 😭😭💔 قبلت علي قالت لي م دايره تعرفي مالي ؟! 😑😑 😒✋م رديت ليها قالت لي اماني 😒✋قلت ليها اها الحمد الله الريديتي ؟! مالك؟! ...اتنهدت قالت لي دا ابوي دا ياخ ، انا سكته بإستغراب ، قالت لي ح يجي المدرسه بكره اساسا هو كان مسافر و جا و حسي قال داير يشوف المدرسه و كدا معناتها ح يسأل عن مستواي ولله بدل استاذ ح يجيب لي اساتذه ياخخ😭... انا سكتا أو بتالي م اديت ولا رده فعل لانو م منطقي هي زعلانه على شنو اسااسا ؟! قلت ليها لين دا موضوع حسي ! قالت لي اي و كبير ، قلت ليها كبير بياتو صفه متخلفه دي .." في لحظه دي ممكن تقولوا انو انا اخدت الموقفه بجديه اكتر من اللازم ، عرفتا الحرقني في نقطه دي شنو. خلاني اندفع كدا مع لين ، لين سكتت و الظاهر عليها مخلوعه من تصرفي ، قالت لي مالك انتي حسي ؟؟؟ قلت ليها شنو المالي من قبيل طاقه فينا جرس عشان موضوع زي دا يعني م منطقيه اصلا .. قالت لي شنو الما منطقي و منطقي هو حاجه مهمه بنسبه لي دي حاجه ممكن السنه جايه م اكون في المدرسه انتي مالك هايجه كدا ؟؟ .. عملت ليها الحركه بتاعت تئه .. قالت لي شنو اه زهجانه م تزهجي فوقنا دي شنو دي ...و مشت طلعت من الفصل ..، سحر و هند جوني قالو لي مالكم ؟؟ قلت ليهم ياخ عليك الله م ناقصه طيب .. دنقرتا راسي في الكنبه و بقيت بدمع ..م عارفه الخلاني ادمع شنو ، صوت الجوطه بتاعت الفصل خلتني ابكي عديل ..م كان عندي نفس من اي شي ، بجهه لين ،و بجهه امي ، غير كدا انا فوق العلي حتى لو لين و امي معاي ح يكون في تراكمات و شعور نفسي قايم علي .. كلو م تجي بت تقول لي مالي ببكي بس بصوت مخفوت لمن سمعتا الجرس خليت كلو البنات يطلعو حتي طلعتا ..
