قلت ليها شنو.. قالت لي ولا يهمهك. .🌚 عاينتا ليها زي دي مالا دي 🌚💓 طبعا عمك رائد ركب قدام و بتونس و اخر الضحكه 🌚💔 عندو غمازه بشمال و البيمين دي ظاهره حبه يعني الا لو ضحك شديد بتظهر 🌝💓 ، وصلنا المدرسه و نزلنا كلنا عمو خالد قال لينا ولله كلمتا المدام انو م ح اقدر اجي ، ايمان قالت ليهو ليه؟! قالها سمايه رؤى ، قالت ليهو بالله رؤى ولدت سلم عليها ❤ قال ليها بيصل... مشاا، قلت ليها رؤي منو ؟! قالت لي بتو الكبيره 💓، هزيت راسي بايواا ، ..
في الفسحه ، طبعا انا م بكتب لانو يدي 😂💔 .. اول م الاستاذه مشت عنود طلعت تلفونها، و انا اخر الملاحظه قلت ليها عنود ايش هاذا جايباهو معاك كمان 😨😨💔 قالت لي عادي ي مرا 😒💔 سحر قعدت تضحك قالت لي عادي بس م تكوني شغاله بيهو في الحصص و كذا 😂💔 قلت ليها اها 🌝🍀 عنود قالت لي انا بجيبو كل يوم ي بت اول مره تشوفيه ، قلت ليها اي.. لين قالت ليها ارح نغير عشان الحصه البعديها رياضه استاذه عايده بتخلينا نرقص بالمسجل ❤❤😂 قلت ليها كضاابه ولله 😨🌝💔 حاكت نبره صوتي قالت لي ولللههي 😂😂💔 فعلا بعد الفسحه كان عندنا حصتنا دبل ❤💓 لين كلمتها قالت ليها طيب خشو الصاله و اقفلوها لحدي م اجي ، اصلا هي لمن تقول كدا معناتها ح تجي خمسه دقايق الحصه تنتهي 😂😂💔 بالله فرحنا فرح انا قعدتا و هم شغلو اغاني العرس البدلوكا ديك 😂💔و بدو يغنو و يرقصو 😂💔 اصلا عشان هبلات انا شلت طرحتي و غتيت وشي و بعمل نفسي العروس و برقص بكتفي 😂💓 بعد شويه ميعاد قفلت الغنيه و جابت اغنيه افريقيه 😂😂✋ انا في ديل م بجامل نهائي رقصنا رقيص كدا مبالغه 💕 ياخ بجد البنات ديل نسوني اي حاجه في فتره انا محتااجهه جدن ، م كان عندهم تنمر ، ماف عنصريه ، و كانو حبوبين جدن من اول يوم 💚 بجد حسيت نفسي فخوره اني معاهم 💕 💕...، كنا بنغني كدا الباب بقا يدق شديد عشان م كنا سامعين 😂💔 انا فتحتا الباب لقيتهم نجلاء ،شهد ،ياسمين ،و ابتهال 🌝💔 طوالي دخلو و قعدن بتراقصن ، قعدتا جمب سحر لقيتها في تلفونها ، قلت ليها كان كدا انا بكره جايبه حقي 😂💔✋ قالت لي جيبيهو طوالي 😂 عاينتا لناس ابتهال و ديل و بترقصن قلت لنفسي ذيس از عوجه 🐸✋ قعدتا جمب سحر قالت لي ارح نشرب مويه قلت ليها اررح ولله عطشانه شديد نطتتا نط في حياتي م نطيتو 😂✋ مشينا الكافتيريا عشان نجيب مويه صحه ليها م قاعده تشرب مويه الكولر 🌝 و نحن ماشين قالت لي انتي ناس مزن ببقو ليك صحي ؟! قلت ليها اي ديل بنات خالتي بأمي طواالي ..قالت لي كيف بأمك طوالي 😨💔 يلا هنا بعترف اني اتحرجتا قدامهاا شديد م بعرف ليه ، نحن بنتكلم عن امي و اخواتها ، بس في الواقع دا اتزكرتا ابوي.. سحر سكتت ، و رجعنا للبنات... الكلام او النقاش البسييط جدن الحصل بيناتنا انا و سحر غير مزاجي 360 درجه 💔 اخدنا باقي الحصص عادي ليجي نهايه الدوام ، طلعتا و كنت طالعه براي من الفصل نزلتا السلالم لاقاني عبد الله و معاهو ولد.. جا علي قال لي كيفك ؟ قلت ليهو الحمد لله ، قال لي اخباركك قلت ليهو الحمد لله ، بيسألني و انا بجاوب قدر السؤال 🌚 قال لي دا صاحبي ادهم ،هنا قبلتا على ادهم ، ادهم قال لي اتشرفنا 💚 قلت ليهو لي الشرف 😊 قال لعبد الله مع سلامه ي زول و غمز ليهو و مشا ، اول م مشا قلت لعبدالله دا صحبك ؟! قال لي اي حسي وريتو ليك مالك ؟! عايذه ارد عليهو جاتني ايمان 😒💔 قالت لي موني ي موني ارح سريع ، حمرت لعبدالله قالت لي جايا مع الكريه دا لشنو ؟! عبدالله قال ليها مشاعري ي فرتكانه لكن م ممكن ؟! 😏 قلت ليها انتي بتعرفيه يعني بتعرفو بعض ؟! .. قال لي منو الما بيعرف اخت رائد ياا ، و غمز ليها... قالت ليهو اييي اختو و بفتخر اصلا رائد م شبهك.. و قالت لي ارح ي اماني 😒💔✋ طوالي مشيت معاها قلت ليها بسم الله ي بت مالك ؟! م ردت علي قالت لي ليث و هيثم خالتو أمل قبيل ودتهم البيت ، قلت ليها اهااا ، و هناي رائد 😅 قالت لي انتظرناك مسافه م جيتي مشا قدامنا ، قلت ليها اوك ي زوله مش حنك ,فعلا مشينا بكرعينا 🌚💚 اليوم دا كان الخميس ، يوم الجمعه تحديدا ضهر الجمعه صحيت 😂💚 غسلتا و شي و لمن جيت نازله لقيت خالتو ايمان 💕 سلمتا عليها و اكلتا لاني صحيت جعانه ، عمتو قالت لي البنات في هول قاعدات، قلت ليها طيب 🍀 مشيت لقيتهم قاعدات يتونسو دخلتا سلمتا عليهم و مزن بقت تتكلم معاي ، قالت لي معليش اول يوم لمن شفتك لقيتك بايخه بجد ، يعني م قاعده تتكلمي زي ايمان و كدا شبه انطوائيه الصررااحه كدا ✋🌝 ضحكتا قلت ليها عشان اصلا انا م بحب اجواء السودان كنت ، يعني كنت شبه مضايقه.. مرافئ قالت لي انتي من جيتي من قطر م طلعتي شفتي البلد 😨😳 قلت ليها م كان عندي وقت و بعدين نزلتا مدررسه طوالي 😅💔 ايمان قالت فعلا يعني لي زمن م طلعتا ياخ 🐸 قلت ليهم مالو ارح نطلع اليوم ، ميعاد قالت لينا الحتات بتكون مقفله الا بليل عشان م تتعشمن ساي ✋😏 مزن قالت ليهت بعد الصلاه 💁 قلت ليهم خلو الخميس 💕...
لمن ناس خالتو كانو ماشين حوالي العصرريه كدا ، امي قالت ليهم اقعدو تمو المغرب و اشربو شااي ، مزن قالت ليها ولله ي خالتو ابوي ضرب لي حسي و هو خشم الباب لانو مارق ، حبوبه قالت لميعاد انتي م دايره تسوقي عربيه تكفي بيها ناس امك ديل 😒💔 قالت ليها بررري 😂💔 و سلمت عليها و طلعو... اتلاقينا برائد جاي داخل سلم عليهم و دخل ، جدو قال ليهو ي ولد مشيت وين انت م لاقيتك في جامع قبيل ، قال ليهو استظرف ي جدو الخرف اثر عليك صليت جمبك كمان 😂💔✋، عمتو قالت ليهو رائد لا اله الا الله ، امي قالت ليها محمد الرسول الله قالت ليهو ي ولد انت من الساعه 9 مافيش و جاي ساعه 6 كنت وين امك دي بتضرب ليك في تلفونك مقفول 😡 فعلا عمتو كانت مقلقله اكتر من الازم و انا لاحظتا ليها ، قلت في نفسي عادي يعني هو ولد قلقانه عليهو كدا ليه ، ..مشا لعمتو القعدت في الكنبه و باس راسها 💕💓 قال ليها معليش يمه 💓 قالت ليهو شيل معاك تلفونك تاني ياخ 💔 قال ليها طيب 💓 و انا المشاهد دي كلها جديده اكتشفتا منو جانب جديد غير انو صعب ، بارد، غياظ ،كريه ،سمح ،منفسن ،بتاع مشاكل ، مفتري ، عيونو حلوه...
